بعد الطوفان سيأتى الخير

الله عليك يا مـنـيـر يا ملك
مع لمسات المبدع يوسف شاهين
بعد الطوفان دائماً يأتى الخير
وأكييييد أكيييييد
بكرة أجمل من النهاردة

تحياتى , عاشقة الورد

وأشرقت شمس مصر

لأول مرة منذ ثلاثون عاماً

أشرقت الشمس على ربوع مصر بدون مــبــارك

أشرقت الشمس مثلما تشرق كل يوم ولكنها مختلفة

إنها شمس الـحــريــة

لأول مرة منذ زمن بعيد تفتح نافذة غرفتك

لتستنشق الهواء فتجدة مختلفاً

ولة رائحة مختلفة

إنها رائحة النقاء بغض النظر عن عوامل التلوث

حتى الوجوة فى الشوارع أصبحت مختلفة

ودودة وصدوقة مبتسمة ومشرقة

والعيون تلمع لمعة خاصة لم نراها من قبل

لقد عادت روح التعاون والإخلاص والشهامة والرجولة

عادت بقوة كل الأخلاقيات المفتقدة

لقد ولد شعب مصر من جديد

وعادت مصر كما كانت فى عهودها القديمة

التى كنا نقرأ عنها فى كتب التاريخ فقط

لقد نهض الشعب فنهضت مصر بأكلمها

وأصبحت أفخر الآن بأنى مصرية

بأحـداث الـحـاضـر

وليس بأطياف الماضى وحضارة الماضى فقط

وبدأ عهد جديد

********

باى باى مبارك

*******
ألف مليوووووون مبرووووووووك للشعب المصرى

وعقبال ما نبارك لكل الدول العربية المقهورة

*******
إذا الشعب يوماً أراد الحياة

فلابد أن يستجيب القدر
ولا بد لليل أن ينجلى

ولا بد للقيد أن ينكسر

*****

تحيا مصر

تعيش مصر حرة مستقلة

مش هتكون ماضى

مصر هتفضل محور الشرق الأوسط

مصر هتفضل أغلى حاجة فى حياتنا

مش ممكن تبقى ماضى

ومش هتكون أبداً ماضى

وهتفضل فيها حاجة حلوة

بينا ولينا ولأولادنا وأحفادنا

مهما حصل

*********

إنقذوا مصر

حراااااام

كفاية كدة دمار

كفاية خراب

كفاية

إرحمونا

بجد إحنا تعبنا قوى قوى قوى

أنا خايفة يعدى علينا يوم

نقول فيه لأحفادنا

كان لينا فى يوم وطن

كان فخر لكل إنسان

كان بلد الأمن والأمان

كان يحتوى على ثلثى آثار العالم

كان فيه قناة السويس والسد العالى

كان فيه نهر النيل العظيم

كان فيه تاريخ وماضى مشرف

وكان فيه حاضر رائع

وشعب متطور ومتحضر

ومليان شهامة جدعنة

كان يا مكان

يا سادة يا كرام

كان فيه وطن

إسمة مصر

أرجوكم

مش ممكن بلد بمكانة مصر

تكون ماضى ليس أكثر

أرجوكم

كل واحد فيكم

فى أى مكان

يقدر يغير أى شىء

من الواقع الحالى المؤسف ولو بكلمة

أو مكالمة أو رأى عاقل وصادق

مايترددش

عشان نقدر نحمى ماتبقى

من أحلى وطن فى الدنيا

حبيبتى الغالية مصر