الأربعاء، 31 ديسمبر، 2008

خلاص آخر يوم

النهاردة نهاية سنة فاتت وخلصت بكل أحداثها
وبكرة أو بعد ساعات بداية سنة جديدة الله أعلم بيها

والسؤال هنا بيفرض نفسة والسؤال هوه :
ياترى لما بتصحى يوم 1 يناير بتحس بإية ؟
بعنى اية الفرق بالنسبالك بين
يوم 31 ديسمبر و يوم 1 يناير ؟
* ياترى بيمثلك اية يوم 1 يناير ؟
* بيعدى زى أى يوم قبلة ؟
* بيفرق معاك كتير ؟
* بتستناة كل سنة وبتهتم وتحتفل بية؟
* مابتاخدش بالك ان السنة الجديدة بدأت ؟
* بتنوى تغير حاجات كتير فى حياتك ؟
*
ولة مافيش فرق كلة محصل بعضة ؟
الشغل هوة هوة والناس هية هية والدنيا مابتتغيرش كتير
إمبارح زى أول إمبارح زى بكرة و زى بعد بكرة ؟؟
يهمنى أعرف يوم 1 يناير بيكون مكانة فين فى حياة كل واحد فيكم


وفى النهاية .......
أتمنى لكم عام ممتلىء بالأحداث السعيدة والمشاريع الناجحة
وتحقيق الأمانى والأهداف الهامة فى مستقبلكم
ومستقبل من يهمكم أيضاً
( واخدين بالكم من الحتة الأخيرة دى )
سلام

الأحد، 28 ديسمبر، 2008

الله فوق الجميع

****
مش لاقية كلام أقولة

مش قادرة أعبر بشىء


حسبى الله ونعم الوكيل


الله أكبر من أى حدث

الله فوق جميع البشر

أقرأوا معى الفاتحة للشهداء أجمعين
وذلك أضعف الإيمان


الجمعة، 19 ديسمبر، 2008

أسئلة حائرة


في داخلي أحمل هموماً ثقيلة
وتتناثر أحاسيس متضاربة ,

في داخلي تتبعثر كلمات كثيرة ....
ونهر طويل من المشاعر المتداخلة

في داخلي بئرٌ عميقٌ من الأحزان ,
وفيضان حب جارف ليس له عنوان

هل تستطيع الشمس أن تأبى يوماً فلا تسطع ؟؟
كذلك عمري إن مر يوماً في غيابك ,

هل يمكن للأرض أن تكف يوماً عن الدوران ؟
كذلك قلبي إن عاش يوماً دون حبك ,

هل إستطاع الكون أن يختل في لحظة ؟
كذلك نبضي إن عجز أن يهتف يوماُ بإسمك

وهل تتساقط الأمطار حقاً من جدران المنازل ؟
كذلك أرى عندما تحرمني من رؤياك ,

هل تصرخ النجوم ويواسيها القمر ؟
كذلك أسمع دوماً عندما أتلهف لقائك ,

هل تتصارع الساعات والدقائق أحياناً ؟
كذلك أرجو عندما أشعر بالوحشة في غيابك

وهل يمتلىء الوجود عطوراً و أزهاراً وأفراح ؟
كذلك يكون عندما تسـعـدني بعـودتك

السبت، 13 ديسمبر، 2008

بعد العيد

*
أأأأأأأأه يا بطنى
بطنى هتنفجر ....
أنا جاتنى تخمة مركبة
وعندى أنتفاخ وسوء هضم
وتضخم فى المعدة
وإنبعاج فى القولون
وصراخ فى الأمعاء الدقيقة والغليظة
ومظاهرة عاملاها بقية أعضاء الجسم
كتبوا فيها .......

نشيد العيد الكبير :

يا ريتنى ماشفت اللحمة ولا أكلتها
يا ريتى ما تبلتها وظبتها
يا ريتنى ماشويتها ولا سلقتها
يا ريتى ماكنت خرجت من عتبة بيتنا ولا عتبتها
كل ما أزور واحدة تحلف وتتقطع عشان أدوق أكلها
هية الواحدة ليها كام بطن عشان تتحمل أكل ضعف وزنها ؟
كنتم فين أيام رمضان ؟
يا ما أكلنا فى موائد الرحمن
وما فيش واحدة عزمتنى عندها !!!
والله خايفة أبص فى المرايا
ألاقينى شبة الخرفان من كتر أكل لحمها
كل سنة وانتم طيبين
خلاص

أنا هأصوم عن اللحمة
ومش عاوزة حد يجيب سيرتها
ولا يقول إسمها

الاثنين، 8 ديسمبر، 2008

فى العيد جاتنى هدية



كل سنة وانتم طيبين

أنا كنت محضرة بوست هأنشرة بعد العيد

لكن فجأة جاتنى هيدية فى أول يوم العيد

من (مواطن مصرى نايم)
وطبعاً أنا بأشكرة جداً جداً

والهدية هية تاج
ولأنة بمناسبة العيد وماينفعش يتأجل
قررت أنشرة النهاردة

،

ماذا يمثل لك العيد؟ وما أكثر شىء يبهجك فى مظاهر العيد؟

العيد يمثل لى الفرحة والبهجة والخير والتراحم

أكثر مايبهجنى التجمع حول شىء واحد والإتفاق على هدف واحد فى نفس الوقت من كل عام
************************************
أوصف لنا طقوسك فى العيد من ليلة العيد لآخر يوم ؟
ياااااااه كدة القاعدة هتطول قوى لأن الطقوس كتيرة
ومش عارفة أوصف الطقوس قبل الجواز ولة بعدة ؟؟
أكيد مختلفة
**********************************

إحكى لنا أطرف موقف حصلك فى العيد ؟

رحت أزور ناس قرايبنا وكان مشوارهم طويل قوى وبعد ماوصلت

إكتشفت إنهم قرروا يزورونا فى نفس الوقت

ومالاقوناش فى بيتنا ( القلوب عند بعضها )
*********************************

بتحرص على تهنئة الأهل والأقارب والأصدقاء ولا مش بتهتم؟

أكيد أهم حاجة فى العيد إنك تهنىء كل الأهل والأصحاب لأن دة بيدخل الفرحة فى قلوبهم
************************************
مين أول حد تزورة أو تكلمة عشان تهنيه بالعيد ؟

أول حد أحب أزورة والدى ووالدتى
وأول حد أحب أكلمة والد ووالدة زوجى
ماتفهمونيش غلط أهل زوجى ساكنين بعيد
ربنا يخليهم ويحفظهم جميعاُ
********************************
ايه الفرق بين العيد الحالى والعيد أيام الطفولة ؟
الفرق إن الواحد كان بيستمتع وبيفرح وبس
من غير مايكون شايل هموم أو مسؤلية فى أى حاجة
*********************************
كلمنا عن ذكرياتك فى العيد ؟
أحلى ذكريات العيد ركوب العجل والمراجيح والبمب والصواريخ واللبس الجديد واللعب لغاية ما نتهد
**********************************
تفتكر الحياة من غير عيد هتفرق كتير ؟
هتفرق كتييييييييييير قوى
للأسوأ طبعاً
*********************************
اية أجمل رسالة تهنئة بالعيد وصلتك ؟ ومن مين ؟
أبخل 3 :
من يلبس قديم ولديه جديد ،
من يجوع نفسة وطعامة يزيد ،
ومن لايهنـئنى بالعيد ولديه رصيد
بعتهالى أخى المراكبى
*****************************
لسة بتاخد عيدية ؟ من مين ؟ وبتديها لمين ؟
بأخد عيدية من الحكومة ( مكافأة العيد )
وبأديها لبنتى وأولاد أخويا وأولاد أختى
وأى طفل فى العيلة صغير أقابلة فى العيد لازم أديلة عيدية
(مش بأفشر والله)
******************************
اية رأيك فى التاج ؟
جميل جداً رجعنا لذكريات حلوة قوى
*****************************
تحب تمرره لمين ؟ أذكر10على الأقل
زوجى الحبيب (زمن الشيكابلا)
أخى المغترب (المراكبى)
أختى العزيزة (دردشة على الماشى)
ريم أو مرمر الكبيرة (إسم مدونتك كبير قوى)
صديقتى الغالية (الملاك الحزين)
حبيبتى شيماء على (قهوة بالفانيليا)
إسراء الجميلة (أحيانا وأحيانا)
هنودة (غربة)
صباح الصباح
لماضة
كوشيا (قصاقيص)
د.عمرو(كلام من القلب)
شفقة هانم وإحسان بيه
طهقانة (مع انى عارفة انها مابتحبش التاج )
الأزهرى (ذكريات)
متهيألى كدة كفاية أكتر من عشرة أهم
سلام بقى



السبت، 29 نوفمبر، 2008

نتيجة الأنتخة



طبعاً بعد كل أصحابى وحبايبى ما جربوا خطة الأنتخة
(بتاعت يوم الخميس)

أحب أعترفلكم بسر خطيييير وهوه :

أن أنا بمناسبة الأوكازيون عملت خصم 30% على أيام الإسبوع
وقررت إلغاء يوم الجمعة ويوم الثلاثاء
وكفاية علينا 5 أيام فى الإسبوع

وطبعاً عندى أسبابى :

قررت ألغى يوم الجمعة لأن بعد أنتخة يوم الخميس والرحرحة والإسترخاء التاااام
هتصحى أصلاً بعد العصر أو قبل المغرب بشوية
وهتكون طبعاً مش مركز و مدروخ وجسمك مدغدغ من كتر الأنتخة

ومش هتعرف الفرق بين الكوسة والمسقعة
وهتفتكرهم همة الأتنين كيكة
وفى الآخر هتسخنها فى الفيديو بدل الفرن (عادى طبعاً)

وعشان نحافظ على كرامة الكيكة
أأأ قصدى عشان نحافظ على آدمية الكيكة
ييييييي ووووووووه
معلش أنا مش مركزة أصلى كنت مأنتخة إمبارح

أقصد عشان نحافظ على صحتنا وف نفس الوقت مانتحرمش من الأنتخة
قررت ألغى يوم الجمعة لأنة كدة كدة ضايع ومش مستفيدين بية

وعشان الدنيا ماتتلخبطش هأخلية موجود فى مكانة وترتيبة الإسبوعى
لكن هأختار لة إسم تانى

هأسمية : سـامـيـة !!!!

لأ لأ لأ لأ... وبعدين أنا بأهنج كدة لية ؟؟

هأسمية : وائـل عشان ولد !!!!

يا اااااااااااا ه
انا آسفة معلش هأركز وأفتكر أهو
أيوة أيوة ........ هأسمية … هأسمية :

ملحق الخميس الإسبوعى

شوفوا حتى الإسم لذيذ ولطيف وجميل ازاى ؟
تحس كدة انة متناسق مع أنتخة الخميس

مش كدة ولة اية ؟

أما بقى يوم الثلاثاء فهيكون له قاعدة على رواقة
عشان أحدد خطتة المستقبلية
ومصيرة المحتوم
سلام

الأربعاء، 12 نوفمبر، 2008

رجعنا تانى

رجعنا تانى ليوم الخميس وجماله و فوايدة
وأحلى حاجة فى يوم الخميس أيييه ؟
( أنه بعدة أجازة )؟؟

طبعاً أكيييييييد

بس الأحلى من كدة ايه ؟؟؟؟؟

الأحلى إزاى نحس أن دة يوم الخميس
هأقولكم و الأجر والثواب عند الله


تقعد مأنتخ قدام التيليفزيون و قدامك كيس شيبسى عائلى
أو طبق فشار محترم

وممكن لب وسودانى ولتر بيبسى
وطبعاً مش مركز الtv بيعرض إيه
المهم إنك مش مستعد تقوم من مكانك
حتى لو باعولك
الهرم

مزمز و قزقز بقى و إشرب البيبسي بمزاج
ياسلام ..... ايه الجمال والمتعة دى

وبعد شوية تلاقى نفسك موخم على الآخر
وجسمك همدان و عاوز تنام
آآآه .... بس النوم يوم الخميس لية شروط
مـش أى نــوم و الـسـلام


وإليكم الشروط :
1- تقفل موبايلاك .
2-
تقفل شباك الغرفة (تضلمها يعنى ) .
3-
تشيل فيشة تيليفون البيت .
4-
تقفل باب غرفتك عليك .
5- تحط المنبة فى التلاجة (مثلاً)

6- تشغل التكييف لو الجو حر) و الدفاية ( لو برد )
.
7- تحط جنبك زجاجة مياة (عشان تشرب وإنت مأنتخ ) .
8- تشغل موسيقى هادية قبل النوم (عشان ماتحلمش بكوابيس ) .
9- ماتفكرش فى أى مشاكل أو خطط مستقبلية قبل النوم .
10- إخـــتــار مــخــدة مــريــحــة وإغــطــس فـــيــهـا ............
وطبعاً تنام على الجنب إل يريحك .
يا ســلااااااااام ........

إيه الإسترخاء والراحة والهدوء دة
بذمتك فيه أحلى من كدة ؟؟؟
يا سلام لو تبقى أيام الإسبوع كلها خميس
كانت الحياه بقى ليها طعم تانى خااااالص


وياريت كل إل هيجرب نصيحتى
يبقى يقولى أخبار الخميس معاه إيه ؟؟؟

سلام

الثلاثاء، 21 أكتوبر، 2008

المستحيل



إذا كان الحبُ يعجزعن العطاء حين يراك
فماذا افعل أنا فى أحضانك الدافئة ؟

وإذا كان العشقُ يفنى ولا يفنى من قلبى هواك
فكيف يكون حبى لك ناراً هادئة ؟

وإذا كانت أسمى معانى الحب تحتار فى معناك
فكيف أعبر لك عن عشقى بكلمات صائبة ؟

وإذا كانت الأحبة تخجل من ذكراك
فمن أكون أنا فى سمائك الشاسعة ؟

يا من علمت الحب كيف يذوب

يا من سلمت العشق مفاتيح القلوب

يا من حيرت قلبى وعقلى

إرحمنى و عد إلىَ
فإننى أذوب

الأحد، 5 أكتوبر، 2008

أنا و المراكبى







بعد طول إنتظار ...... وصل المراكبى إلى القاهرة
ولأول مرة مافيش عنده إجتماعات ولا إرتباطات وكمان مافيش موبايلات
و أول ما وصل .......
المراكبى : ايه الزحمة دى كلها ؟؟؟
أنا : عادى يعنى المدارس إبتدت
المراكبى : و ايه علاقة المدارس بالزحمة !!!

ما كل البلاد عندها المدارس بتبدأ و ما حدش بيحس بيها ؟
أنا : معلش أصل إحنا بنحب نتميز عن أى بلد
المراكبى : وفين العساكر عشان تنظم المرور ؟
أنا : صايـميــــن بقى ما تاخدش فى بالك رمضان كريم
يلا علشان نلحق الفطار
المراكبى : أيوة نأكل أحسن ..... إيييييه أمال فين العيش ؟؟؟؟
أنا : ماهو قدامك يا إبنى !!!
المراكبى : قدامى فين ؟؟ إيه دة !!؟؟
إيه إل جرى للعيش !!!! ماله عامل كدة ؟؟؟
أنـا : مـالـه يا سيدى مــاهــو زى الــفــل أهــو ...................... ، آآآآه قــصــدك يــعــنــى عــشــان صــغــروووه شــويــة ؟
كبر دماغك مش فارق كتيير
المراكبى : يا بنتى مش فارق إزاى ؟ زمان كان كـبـيـيـيـر قوى وأبيض وطرى وطعمة حلو

ومافيهوش مسامير وخشب وخيوط
أنا : يـــــــــاااااة دة إنـــت قـــــديــــــم قـــوى ........................ ، لــو عــاوز الــرغــيــف دة تـلاقــيـه فــى الـمـتــحــف
المراكبى : لا حول ولا قوة إلا بالله
تانى يوم .....
المراكبى : صباح الخير
أنا : صباح النور
المراكبى : إمبارح بالليل حصل حاجة غريبة !!!!
أنا : خيـر حصل ايه ؟؟؟
المراكبى : المسحراتى ما جاش
أنا : إيه ؟؟ قول تانى كدة ؟؟ مسحراتى !!!!
مسحراتى إيه يا إبنى .... ما خلاص
المراكبى : خلاص إيه البلدية قبضت علية ؟؟
أنا : لأ ياعم بس بقاله سنة مغير نشاطة
المراكبى : أكيد بيبيع فول مثلاً

أنا : لأ ربنا فتح عليه و بيسوق (توك توك) دلوقت
المراكبى : حسبي الله ونعم الوكيل
* ** ** ** ** *
ولما العيد جه

المراكبى : كل سنة وإنتى طيبة
أنا : و إنت طيب يا حبيبى
المراكبى : أنا نازل أشترى طراطير وبالونات و زمامير و فرافير
أنا : هتشترى منين ؟؟
المراكبى : كالعادة من الراجل إل على الناصية
أنا : إسكت ..... مش غير نشاطة من سنتين
المراكبى : أستر يااااااا ربى ..... إيه ؟ بيسوق ميكروباص ؟؟؟؟
أنا : لأ ... مش للدرجة دى ..... هوة بس بيبيع كروت شحن موبايلات
المراكبى : اللهم إنى لا أسألك رد القضاء ولكنى أسألك اللطف فية
أنا : قلبك أبيض ماتعملش فى نفسك كدة الموضوع مش مستاهل
المراكبى : مش مستاهل إزاى ؟؟؟
وياترى البرج لسة موجود ؟ و الأوبرا والهرم أخبارهم ايه؟
أنا : إطمئن لسة قاعدين مكانهم
بس يعنى إتغير فيهم شوية تفاصيل
المراكبى : كل حاجة إتغيرت أمال فاضل لينا ايه ؟؟؟
أنا : إل فاضل إننا لسة إخوات
ولسة عندنا أهل بيحبونا ويخافوا علينا
وعشان كدة بنرجع بلدنا

وعلى رأى قيس إبن المُلّوَح
( بلادى و إن كانت رمالاً عزيزة ، وليلى وإن كانت خيالاً حبيبة )

مش كدة وله إييييه ؟؟؟؟

الاثنين، 15 سبتمبر، 2008

هنفطر فييين النهاردة ؟؟؟؟





النهاردة انا راجعة من الشغل تعبانة وهلكانة والدنيا حر مووووت
من الآخر كدة مش قادرة أعمل أكل عشان الفطار
أعمل ايه ؟ أعمل أيه ؟ اعمل ايييييييه ؟
ايوة هوه ده الحل التمام
أروح أكبس على ماما و بابا و أنزل عليهم زى البراشوت و أفطر عندهم
إتصال تيليفونى : ترن ترن ، ترن ترن ، ترن ترن
ماما : ألو
أنا : أيوه يا ماما إزيك ..... أخبارك ايه ؟ وحشتينى
ماما : و انتى كمان
أنا : بأقولك ايه يا ماما مدام وحشتك بقى أنا جاية أفطر معاكى النهاردة
ماما : ياريت كان ينفع والله يابنتى بس إحنا معزومين النهارد برة تبع الشغل ونازلين دلوقت ،...... خليها بكرة أحسن سلام .
أنا : سلام .
بكرة ؟ هأفضل صايمة لحد بكرة ؟؟؟؟
أعمل ايه ؟؟؟ اعمل أيه ؟؟؟؟
أيوه .......... أختى حبيبتى
إتصال تيليفونى(2) : ترن ترن ، ترن ترن ، ترن ترن
أختى : ألو
أنا : أيوة ازيك يا أختى
أختى : أهلاً أهلاً عاملة ايه ؟
أنا : كله تمام ، بأقولك ايه
كنت بأفكر آجى أفطر عندك النهاردة أصلك وحشانى قوى
أختى : أخ ... النهاردة ؟ مممممم ماشى تعالى
أنا : ايه مافيش أكل عندكم النهاردة وله اية ؟
أختى : لأ عندى بس أنا هأرجع من الشغل متأخر و عشان كدة هنأكل سمك جاهز من بره وخلاص
أنا : ايه سمك ؟؟!!!! سمك فى رمضان ؟؟؟
حرام عليكى يا شيخة هوة الواحد ناقص عطش !!!!
أختى : خلاص بلاش النهاردة ممكن تيجى بكرة
أنا : بكرة ؟؟ تانى بكرة ؟؟؟ طيب لما أشوف سلام
ييييه وبعدين.... أعمل ايه ؟؟؟ ..... أيوة وجدتها خالتى
إتصال تيليفونى(3) : ترن ترن ، ترن ترن ، ترن ترن
خالتى : ألو السلام عليكم
أنا : وعليكم السلام إزيك يا خالتى
خالتى : مين بيتكلم ؟؟
أنا : أنا بنت أختك يا خالتى نسيتينى وله اية ؟
خالتى : لأ إزاى .... إزيك يابنتى
أنا : كويسة إنتى عامله ايه وحشانى
خالتى : والله أنا مش كويسة
أنا : ليه كدة بس فيه ايه ؟
خالتى : انا تعبانة بقالى يومين عندى أنفلونزا
أنا : ياخبر ألف سلامة عليكى
خالتى : الله يسلمك متشكريين على سؤالك
أنا : العفو يا خالتى إحنا ال متشكرين على البمبة أأأأأ قصدى متأثرين بمرضك قوى سلام بقى
ايه الحظ النحس دة أعمل ايه ؟؟؟؟؟
أيوة أكيد عمتى فاضية النهاردة
إتصال تيليفونى(4) : ترن ترن ، ترن ترن ، ترن ترن
عمتى : سلامو عليكم
أنا : وعليكم السلام إزيك ياعمتى
عمتى : أزيك أخبارك ايه ؟
أنا : عاملة ايه شكلك مشغولة فى تحضير الفطار صح ؟
عمتى : لأ والله يابنتى دة أنا قاعدة فاضية من الصبح
أنا : يااااه أكيد بقى خلصتى الأكل من بدرى ،
طيب مدام انتى فاضية آجى أقعد معاكى نتسلى وبالمرة نفطر سوا
عمتى : كان على عينى والله يا بنت أخويا بسسسسس .......
أنا : بس اية ياعمتى خير ؟؟؟؟
عمتى : أصل المية مقطوعة من الصبح ومش عارفة أعمل حاجة خالص
خليها بكرة أحسن تكون الميه جت
أنا : ماشى ياعمتى مع السلامة
بكرة ؟؟؟ هوة اية مشكلة بكرة معاهم بالظبط ؟؟؟ يكون فية عيد أو موسم بكرة وأنا ما أعرفش ؟
أعمل ايه ؟؟؟؟ اعمل اييبيية ؟؟؟؟
أيوه الحل أكييييد ...... عند حماتى
ألحق أكلمها مش فاضل وقت كتيير على الفطار
إتصال تيليفونى(5) : ترن ترن ، ترن ترن ، ترن ترن
حماتى : ألو .... ألو
أنا : أزيك يا تنط
حماتى : مين بيتكلم ؟
أنا : أنا مرات إبنك
حماتى : أهلاً إزيك يا حبيبتى
أنا : كويسة أيه الهيصة ال عندك دى يا تنط ؟
حماتى : أصل أنا بأبيض الشقة
أنا : حد بيبيض فى رمضان ؟؟!!!!!
حماتى : أصل الصنايعيه كانوا متفقين معانا يخلصوا قبل رمضان و طبعاً ما إلتزموش بالميعاد
أنا : ماشى ربنا يعينك سلام يا حماتى
خلاص كل الناس النهاردة مش فاضية يا إما عندهم ظروف ؟؟؟
اية النحس دة ..... ،
ياخبر فاضل ربع ساعة على الآذان أعمل ايه ؟؟؟
أروح فين ؟
أيوة ... وجدتها ..... و جدتها
مافيش غير حل سحرى واحد ومش ممكن يكون عندة ظروف أو مشكلة .. وأخيراً ......... وبعد تردد
إتنكرت وإتخفيت ولبست نظارة شمس و نزلت أفطر فى مائدة الرحمّن ال على ناصية الشارع و رمضان كريم .

الأربعاء، 3 سبتمبر، 2008

رمـضـان جـه ....؟؟ !!!!



غريبة قوى .... معقول فاتت سنة ؟
فاتت إمتى ؟ وإزاى ؟ وعملنا فيها إية ؟
وياترى حققنا حاجة تستاهل ان نكون ضييعنا فيها سنة بحالها؟
زمان كان اليوم طويل والإسبوع ممل والشهر بيحصل فية إنجاز
لكن دلوقت السنة بتعدى وإحنا مش واخدين بالنا .
رمضان جة .... !!!
فين رمضان ياترى حد حاسس بية زى زمان ؟
فين عمو فؤاد وفطوطة و نيلى وشيريهان
فين حل الفوازير ال كنا بنتخانق علية وبنشترية آخر الشهر من البياعين ونقعد نبعت جوابات كتيير يمكن نكسب ؟ (وطبعاً عمرنا ما كسبنا)
مش مهم المهم إننا كنا بنتحمع على شىء واحد مش على .. (5000) قناة تيليفزيونية
زمان .... كنا نتجمع ونعمل الزينة بإيدينا من الجلاد وشرائط الحلويات ونعلقها بنفسنا (وبعد يوميين تتقطع ) مش مهم المهم كنا بنتشارك فى شىء واحد


كنا بنلعب بالفوانيس على السلم لحد السحور (ونتهزأ ويمكن نتعاقب) برضة مش مهم المهم نحس بطعم رمضان
كانت العيلة بتتجمع على الفطار كل يومين عند أسرة من الأسر (كان بيتهد حيلنا فى غسيل الصحون والتحضيرات) لكن الأكل كان لية طعم تانى خالص
زمان ...... كانت الستات تتجمع آخر(10) أيام من رمضان عشان تعمل الكحك كل يوم عند واحدة عشان يساعدوها (كانت هيصة وبهدلة والكحك بيتحرق) بس بنحس بالبهجة وطعم الكحك ال تعبنا فية
دلوقت يا سادة يا كرام للأسف كل شىء أصبح صناعى و (تيك أواى)
*الكنافة والقطايف والكحك بنشتريهم جاهزيين

*الزينة (لو إفتكرناها أصلاً) برضة بنشتريها من المكتبة جاهزة
*الفوانيس (ده لو جبناها) تلاقيها بتغنى لنانسى واليسا وسعد الصغير وأغرب فانوس شفتة السنه دى فانوس على هيئة توك توك (والله ما بأهزر) وطبعاً أصبح الفانوس مالوش علاقة برمضان وأغانى رمضان ال إتربينا عليها (أهو لعبة بتغنى وتمشى وخلاص)
* حتى مسلسلات رمضان من كترها فقدت معناها وطعمها
*ولو رحت الحسين أوالفيشاوى تحس إنك قاعد فى البيت ومشغل الدش عادى يعنى مافيش جديد ولا فية روح ولامعنى
هوه رمضان جه ؟
يا جماعة بجد رمضان فيين ؟
حد يرد عليا

الجمعة، 29 أغسطس، 2008

للعلم بالشىء

اليوم وحصرياً ولأول مرة يبدأ فى مصر (فقط) تطبيق التوقيت الشتوى (فى عز الحر و نأحة الشمس!!!!)
والساعة 12 هتبقى 11 وعلى المقيمين خارج مصر المحروسة مراعاة فروق التوقيت والحاضر يعلم الغايب ,
ويبقى الشعر .......
إذا حطم نبضي دمائي و غرق
فتأكد أنه من نار الغرام إحترق ,

وإذا غاب عقلي وجن جنوني
فأعلم أنها ثورة آلامي وشجوني ,

وإذا إنتحر قلبي من العذاب
فذلك لأنه من الهيام ذاب ,

وإذا إختلطت دموعي بماء المطر
فهذا هو نهر الحياة المندثر ,

وإذا سقطت مشاعري فتحطمت
فلأنها من أجل حبك إستسلمت ,

وإذا يوماً قتلتنا الأشواق
فيكفي أننا مُتنا ونحن عُشاق

الخميس، 21 أغسطس، 2008

أ خــيـــراً


ياااااااااه
مش قادرة أصدق 00000 أخيراً جة يوم الخميس ؟ بجد جة؟
مش عارفة لية كل إسبوع بأحس إن يوم الخميس فاضل علية 3 سنين عشان ييجى بالسلامة ودة معناه إن أخيراً مافيش شغل لمدة يومين بحالهم
ماحدش هيكلمنى فى مشاكل الشغل ال ما بتخلصش , مش هأصحى بدرى ومش هأسمع صوت المنبة الغلس ال عاوز الحرق ,
مش هأدور على لبس الصبح ومالاقيش حاجة مكوية وأنزل متأخرة
وأجرى ورا نفسى على السلم عشان أرمى نفسى فى أى مواصلة
أنا : جيزة يا أسطى
؟
السواق(1): لأ ..( مع إنه رايح !!.) أهى غلاسة عالصبح والسلام
,
الميكروباص ال بعدة ........
أنا : جيزة يا أسطى
السواق (2):
الأجرة جنيه
أنا :
ليه ماهى كل يوم بخمسين قرش ؟ ايه ال جد النهاردة ؟
السواق :
إنتى لسة هتفاصلى طب خليكى واقفة بقى
ال بعدة ....... و ال بعدة ....... و ال بعدة (صبرنى يارب )
أنا : (بنبرة إستعطاف ) جــيــزة يـــا أســطــى
السواق(6): خلصى وإطلعى بسرعة الظابط واقف
أنا : أشهد أن لا إله إلا الله .... أخيراً هأركب
وياترى هألحق ميعاد قفل دفتر الحضور وله لأ ؟؟؟؟؟ ربنا يستر
وصلت الشغل ... ايه دة ؟؟؟ حاجة غريبة قوى !!!!!
المبنى زى ما هوة مع إنى صليت صلاة قضاء الحاجة ودعيت إنه يتهد أو يتحرق ( بس وأنا مش جواه طبعاً)
الظاهر ما كنتش بأصلى بزمة,
أمرى لله أدخل أشتغل و خلاص (حاجة تقرف)
ييييية نسيت القلم
الموظف :
ايه يامدام حد ييجى الشغل من غير قلم ؟
أنا : معلش أصلى نزلت مستعجلة
الموظف :
يعنى جايه متأخرة وكمان معاكيش قلم؟؟ ...
موظفين آخر زمن !!!!
أنا : طب ممكن تدينى القلم ال فى إيدك أمضى بيه بس ....
وهأرجعهولك تانى؟
الموظف : آسف جداً ده عُهدَه وما أقدرش أديهولك
أنا : (فى سرى طبعاً) .....
يلعن أبو العُهدَه عالشغل على ال عاوز يشتغل يا أخى.
وللحديث بقية عن فوايد يوم الخميس .

الاثنين، 11 أغسطس، 2008

العودة



أتساءل إن كنت تسمعنى فى صمتى ؟؟
فإننى عندما أصمت أتحدث كثيرآ .... كثيرآ,

أتعجب هل ترى مابقلبى !!؟
فإن داخل صدرى عتابآ طويلآ ....

أشتاق إليك حبيبآ ...
وأحتاجك كثيرآ ... صديقآ ...
وطبيبآ,

بلمساتك تمحو أحزانى ....
وتذوب فى أحضانك كل همومى ,

فى عيناك أرى بريق الحياة ...
وأرى نهاية آلامى ,

هل تشتاق وتتلهف وتذوب ؟؟

هل تحيا من أجلى ؟؟
هل أسكن قلبك مثلما تفيض أنت فى قلبى ؟؟

يا حبيب قلبى
إنى أنتظرك لتعود قريبآ كما كنت .....
حبيبا

الأحد، 3 أغسطس، 2008

عشان نبقى على نور


أهلاً بكم جميعاً شرفتونى ........

أحب أشكر أخى الأكبر المراكبى المغترب على طول وال شكلة هيطول فى الغربة على الإعلان ولأنة أيضاً كان سبب معرفتكم بيا,

وأحب أقول إنى هأعملة قالب كريم كراميل لما يرجع عشان ماحدش يسيح تانى ويقول إنى مادفعتش أجر الإعلان,

وأحب أشكر كل أصحاب المدونات ال إستقطعوا جزء من وقتهم الثمين عشان يدخلوا يقروا ويعلقوا عندى ويشجعونى وينصحونى بجد ,

وعشان نبقى على نور مع بعض من الأول أحب أقول للكل حاجة : أنا والله مش كئيبة أو حزينة أومجروحة على طول أنا بس مابعرفش أكتب لما بأكون سعيدة لأن السعادة شىء لايوصف بكلمات لكن لما بأكون حزينة بأخرج همى كلة فى الورق والكتابة وبأحس بعدها براحة شديدة ,

وحبيت أقولكم الكلام دة عشان ال مش عاوز يكتئب وداخل عشان يفرج عن نفسة وينسى همومة ياريت يمتنع عن قراءة كتاباتى من الآن وكفاية جرعة النكد ال أخدها وهذا إنذار صريح منى بذلك ,

مع وعد منى إنى حأحاول أكتب فرايحى بعد كدة يمكن يطلع منى حاجة تسعدكم ,

وتفضلوا بقبول فائق الإحترام ..... عاشقة الورد

الأربعاء، 16 يوليو، 2008

القسوة




كلما رأيتَ غيومآ فى سمائى .....

قلبى ينفطر...... وأتساءل :

أين ذهب الحب ؟

وكلما بحثتُ داخلى ...

دموعى تنحدر...... وأتعجب !!!!!

فالحبُ يملأ القلب

فلماذا ؟ كل هذة الأشواق منى تنهمر
و لا أجد عنده إلا بقايا

من بقايا العشقُ المندثر!!؟؟

كلما أحسست أنى أصبحت عنده كل الحياة
أجده يلقينى فى بحرٍ من الحيرة

فلا أجد فيه إلا صخوراً ,

وحزنآ داكناً ,
وخوفاً من المجهول ,

وألتمس النجاه

أشعر أن الحياة تنطفىء , والسعادة تختفى
أخشى أن ينكسر قلبى ......

فلا أرى إلا أشباح .....

وأصير فناء

أخشى أن يأتى يوماً .......
أتنفس فية فلا أجد هواء ,
ولا فى جسدى تسرى الدماء ,
ولا أسمع للنبض نداء

أحبك حتى آخر عمرى ......

ولكنك تقسو ,
فأخشى أن أتعلم منك القسوة .....

فأظلم نفسى ,

ويظل عذابى بلا إنتهاء

الأحد، 13 يوليو، 2008

الإنتظار



أراك تنتظرني .......
و أكاد أجزم أني رأيتك خلف الباب ,

أتلهف بقايا عطرك في أي شيء ,
وأري خطواتك في كل مكان ,
و أجد كلماتك تأسر لساني ,

و أسمع صوتك يحتل أفكاري ,

ما عدت أذكر كم سالت دموعي في غيابك
وكم من ليالٍ قضيتها وحيدة في إنتظارك ,

كل ما أعرفه الآن ......
أن حياتي كلها شتاء قارص
يدفئه شعاع الشمس أحياناً

الجمعة، 20 يونيو، 2008

أين المفر






كلما رأيت زهورآ جميلة
أتذكر رقتك

وكلما رأيت نهرآ صافيآ
أتذكر عذوبتك

وكلما رأيت القمر بدرآ
أتذكر وجهك

وكلما زاد إشتياقى إليك
أتذكر محبتك

وكلما غابت الشمس وحل الظلام
أتذكر وحدتى فى أيام سفرك

أين المفر .... يا مالك قلبى
ومتى سيتغير القدر ؟

كيف يمكن للربيع أن يأتى
والشتاء يحاصرة من كل إتجاة ؟

ولماذا لا يقوى الصيف على إذابة الثلوج
وإطلاق سراح المياة ؟

وإلى متى سنظل نصارع ....؟ومتى ستنتصر الحياة ؟؟؟؟

الخميس، 19 يونيو، 2008

الكلمة القاتلة



عندما أسمعها ....
يهتز كيانى , ويحتبس صوتى ........ وتنساب دموعى ,

حاولت كثيرآ أن أعتاد سماعها ...
حاولت أن أقاوم سريانها فى دمائى ,
وأن أمنع صداها ...... فى ضلوعى

كلما قالها .......
تغيب إبتساماتى , وتنهار جدران حياتى ..... وتذوب شموعى ,

كلمةٌ قاتلة .....
تُطفىء ربيعى , ويُخَيم ليلٌ داكنٌ فى سمائى ,

إنى مسافر ......
ما أسهل نطقها , وما أصعب المعاناه بعدها ,

ماذا أفعل ؟؟؟؟
ألن أجد للوداع واللهفة والشوق دواء؟؟؟

ألن يمر علىَ يوم فى بعاده دون إشتياق ؟؟؟

ما أطول الليالى بدونه , وما أقساها غيبة الحبيب .....وما أحلاها لحظات العوده .... ونشوة اللقاء

الثلاثاء، 17 يونيو، 2008

إنتهى عهد الكلام


وإختفت كل الحروف , وإنتهي عهد الكلام ,
ما عدت أجد معاني تعبر عما بداخلي من غرام ,
في كل يوم أشتاق أكثر , وأحب أكثر , وأذوب أكثر
وفي كل مرة أعبر له عن عشقي ... فلا أجد رداً
قلت كثيراً ........ إني أحب وأعشق
إني أتلهف وأتنفس هواة ,
قلت الحياة لا تستمر دون رؤياه
قلت إنني في كل صباح أذوب ,
وقلت هل تعلم أني في كل مساءٍ أحتضر ,
وكثيراً قلت ............ أنتظرك ,
دوماً أراك في صحوى و منامى
أحتاج حضنك و حنانك , رقتك , وعذوبتك
وصرخت كثيراً..... إرجع إلي .... فلا حياة من دونك
وتوسلت دموعي كثيراً إليه ,
وتلهفت عيوني و قلبي عليه ,
وبرغم كل ما قيل ...... لم يعود
وبرغم كل آهاتي ...... لم يستجيب
وبرغم كل الحب ...... لم يشتاق
وبرغم كل الشوق .... لم يأتي إلي
وطال الغياب .........
ويأس الإنتظار , وإحتارت الكلمات
وضاعت المعاني , وإختلطت المشاعر والأفكار ,
وإنطفئت البسمات , وجفت ينابيع الحياة
فإمتنعت عن الكلام

الاثنين، 16 يونيو، 2008

صراع الأحزان



لم أكن أتصور أن يتحول الحب يومآ إلى قضبان
وأن يصير القلب سجنآ عميق القاع
وأن يكون الحبيب هو السجان ,

كيف يقسو إلى هذة الدرجة ... ويتركنى أصارع الأحزان !!؟

هل القلب الحنون المحب يجد مكانآ فية للهجران !؟

وأى جريمة أعاقب عليها!! وكيف لحظات السعادة بيننا ......
لا تشفع لدية .... وتسألة الغفران !!؟

وكيف أحيا دون ماء أو هواء... عندما يحرمنى من ......
حنانة ودفء أحضانة ونبض شفتية ,

كيف تكون الحياة ؟؟؟؟؟؟

أيمكن للطائر أن يحيا دون الشجر ؟
وماذا يحدث للنبات لو تأخر هطول المطر ؟

وأين ضحكة عينية .... ولمسة يدية .... ؟
وأين فى حياتنا ضوء القمر ؟؟؟؟؟؟

مرارة العودة



أشتاق إليك لتسعدني ...
وتعود فلا أجد البسمة في صدري

أحتاج إليك لتحيني ......
فأجدك تبعثر نبضات قلبي

وأنتظرك لتضيء حياتي ... وترد لي أنفاسي ,
فتأتي قاتماً واجماً ... تقتل ذكرياتي ,

أتلهفك لعلك تغمرني بحنانك ...
فتتركني في قسوة وبرودة .... وتنتحر آ هاتي ,

أحتار في أمري ... وألعن ضعفي ,
أكرة دمعي .... وأشكو من حبي ,

كلما إبتعدت عني أحتضر ,
وكلما عدت لا أجد الفرحة تنتظر ,
إنه وجع البعاد ومرارة العودة

عندما أراك


عندما أراك ..... ستنهمر دموعي و سأشكو لك كثيراً,ً
عندما نلتقي ...... سأرتمي في أحضانك
وأغيب عن الزمان طويلاً ,
عندما تأتي .... سأخبئك في قلبي
فلا تغيب عني إلا قليلاً ,
عندما تعود ..... سأذوب فيك
لتمحي بعضٌ من عذاباتي و آلامي
عندما أراك سأسألك :
إلي متى هذا الغياب ؟
وهل سنظل في هذا العذاب ؟
سأقول :
لقد فاض كيلي ونفذ صبري في البعاد ,
ولكن .......
عند عودتك ...... , وعند رؤيتك ,
تذهب كل شكوتي وكل حيرتي ,
تضيع كلماتي وتهرب دموعي ,
وتضعف قوتي ..... ويندثر الإعتراف ,
وتنمحي كل أسئلتي ... ويعجز غضبي عن الإنفجار ,
فلا أقدر عندما أراك
إلا أن أبتسم وأقول
إشتقت إليك كثيرا
لأني أحبك جداً

عندما إلتقينا


عندما إلتقينا ........
علمتني أعذب ألحان الحب .....
و أخذت معك أوتار القلب ,
علمتني الشوق واللهفة والحنين ....
وتركت لي كل العذاب و الأنين ,
علمتني الحب ....... كل الحب ......
وتركت لي الغياب والفراق والبعد ,
علمتني دفء الأحضان ......
ورحلت ومعك النور.... والأمان ,
علمتني كلمات العشق .....
وأخذت معك أوراق العمر..... والزمان ,
علمتني معني الحياة ...... وأخذت معك رحيقها
ووهبتني كل الغرام .... وأخذت نبضات القلب... والحنان

وعلمت منذ ذلك الحين ...... أن السعادة تأتي معك ,
وترحل أيضاً معك ........ دون إستئذان ,
إذا كنت أنت مُرشدي .....

فساعدني أن أنقذ نفسي ....
فأنا في عشقي ولهفتي ..... أشتعل كالنيران ,
وحنيني وغرامي وإشتياقي .... يفيض كالطوفان ,
فأنا في إنتظارك .....كقطعة ثلج ........ تشتاق إلي الذوبان

البعد



يقولون في البعد تقسي القلوب ...... وتفر الذكريات ,
في البعد تتحجر المشاعر ........ وتنتحر الأشواق ,

يقولون أن البعد يهدد الأحباب ,
ويدمر الصداقة .... ويفرق الأشقاء ,

وأقول أنا في البعد ....... يزداد حنيني ..... ,
وتلتهب أشواقي ...... فيأسرني حبك ,

في البعد .... يشتعل حبي ..... ,
وتفيض ينابيع عشقي ......... فأتنفس عطرك ,

في البعد ..... تحتل كياني ..... ,
وتنساب في قلبي ..... فأذوب في جسدك ,

في البعد ..... تقتلني لوعتي ..... ,
وتأسرني حيرتي .... فأتلهف قربك ,

في البعد .... دوماً أنتظرك .... و أنتظرك .......
لأني أحبك