لأ .. لأ ..لأ يا جماعة
ماتحاولوش تأثروا عليا
لأ .. لأ .. أنا قلت مش هأنشر بوست فى شم النسيم
يعنى مش هأنشر بوست
خلاص الموضوع دة إنتهى ومافيهوش نقاش
بصراحة أنا مش فاضية خااااااالص
بصراحة أنا مش فاضية خااااااالص
يعنى بزمتكم مين هيلون البيض بالروعة والجمال دة ؟
مافيش فنانة غيرى طبعاً
!!!!!!!
وبعدين يعنى مين هينظف الفسيخ والرنجة ؟
وبعدين يعنى مين هينظف الفسيخ والرنجة ؟
العمل الجبار العظيم دة محتاج واحد محترف
( إل هوه أنا برضة )
لأ ... لأ بجد ماتتحايلوش عليا أكتر من كدة
أنا مابتنفعش معايا الطريقة دى
يعنى أسيب تقطيع البصل و أروح أنشر بوست ؟ ؟
مش معقول خالص
وبعدين أنا لسة ماعملتش كمان الترمس والحمص
خلاص ياجماعة لوسمحتم ما تضغطوش عليا
أنا قررت إنى مش هأنشر بوست
وأنا كلمتى ماتنزلش الأرض أبداً
أروح بقى أخلص إل ورايا
وكل سنة وإنتم طيبين
وكل سنة وإنتم طيبين
هناك 53 تعليقًا:
اول تعلييييييييييييييييق لولولولولولولولولولي
احجز وارجع تاني
موضوعات جميلة ومدونة رائعة واصل الابداعات
عرب بس http://arabbas.blogspot.com
تعليم كمبيوتر تعليم انترنت دين ممتع ثقافة لذيذة برامج هامة للنساء فقط من هو؟ سياسة وصراحة أجهزة حديثة تكنولوجيا غريبة كلام أبكانى وأحيانى شاهد ولن تندم إضحك من قلبك
وانا كماااااااااااااااااااااان بقى
نفسي احضر شم النسيم في مصر بجد
شوقتيني يا رورو بججججججججججججد اوي
البيض منظرو جباااااااااااار
والكتااااااكيت دي كمان سككككككره
ههههههههههههههه نفسي في كتكوت احمر منهم او اخضر واصفر وازرق
ولا الترمس والحمص دول حكايه بحبهم اوي بحسهم تسليه كده جامده جدا
اما بقى جيتي على اوحش حاجه الفسيخ
يععععععع بجد ده ريحتو تموت لوحدها ولله حاجه كده جبااااره يا ساااااااتر
خلاص بتحبو السمك اوي ما تكلو مشوي ولا مقلي ولا صنيه لااااااااااازم معفن يعني هههههههههههههههههه انا بعاني منه هنا في البيت عشان والدي بيحبو اوي معرفش ليه مع انو ميتحبش اطلاقا
كل شم نسيم وانتي اجمل واطيب واحلى ام في الدنيا كلها
طيب بعد كل ده مفيش حاجة تانية ناويين تحضروها
ها
فكرى كده
يعنى متأكدة ان مفيش ؟
الامر لله بقى نقضيهااى حاجة ونستنى
كل سنة وانتم طيبين وبخير دايما يا رب
خلاص سماح المرة دي وما تنزليش البوست .. إحنا مقدرين إنك مشغولة في تلوين الرنجة وشوي البيض
وانت طبية
بس فى معيا لنك مهم
http://www.islamway.com/?iw_s=Article&iw_a=view&article_id=702
يعني تعملي كل ده ومافيش اتفضلوا
لا لا لا خلاص زعلت وهامشي
بيض وفسيخ وبصل يعني كارثة وجريمة مكتملى الاركان واحنا نقف نتفرج مثلا ولا ايه
يعني عاشقة الورد تبقى عاشقة الفسيخ والبصل الاخضر
لا مش ممكن قوليلي وطمنيني انها حالة وحاتروح لحالها
تحياتي وبالهنا واالشفا وماتنسيش الليمون كتير علشان ربنا يستر
ههههههههههههه
ههههههههههه
طب اعزمي طيب
:))
كل سنة و انتي طيبة يا قمر
كل فسيخ وانت طيبة جمييييييلة جدا الصور دي مقطقتين خالص وطبعا مريومة مشغولة في تلوين البيض وانت مشغولة بالفسيخ ربنا معاكم والله بتتعبو وكل سنة وانتم طيبين 0سلام
عارفة لو ادوني الفين جنيه ملونش البيض ابدا مش كفاية انه بيض كمان الونه ايه الهبل ده وبعدين تصعب عليا نفسيتي اوي لما افضل الون البيض وبعد دكه اكسروه بايدي
تحياتي
marmar
ماشى يا أحلى مرمر مستنياكى لما ترجعى تانى
سلام
عرب بس
أشكرك على دعوتك الكريمة
وأكيد هأدخل أشوف اللينك دة فى أقرب فرصة
marmar
أهلاً يا ميرو ياقمرة
إن شاء الله تتحقق أمنيتك وتحضرى شم النسيم فى مصر بعد كدة لآخر العمر
وبالنسبة للكتاكيت دول للعرض والفرجة
فقط عشان أنفلونزا الطيور
أما الفسيخ فدى هتكون نقطة إختلاف كبيرة بنى وبينك لأنى بأعشق أى حاجة مالحة من أول المخلل لغاية الفسيخ وبأكل فيهم لغاية مايشيلوهم من قدامى عشان أبطل أكل
لكن السمك دة موجود وبنأكله كل إسبوع عادة يعنى مش مؤثر
عموماً كل سنة وانتى طيبة وبخير وصحة وسعادة دايماً
سلام
الازهرى
كل سنة وانت طيب
والله يافندم مش هنقدر ننفذ طلبك المرة دى لأن المكرونة الباشاميل مش هتتناسق مع الأكلة دى خالص
فرصة تانية إن شاء الله
تحياتى
يا مراكبي
أيوة هوه كدة بالظبط أنا فعلاً نسيت البيض على النار إمبارح وكان هيتشوى بس لحقتة
هههههههه
كل سنة وانت طيب كان نفسى تكونوا معانا
تحياتى للأسرة
العيسوى الصغير
كل عام وانت بخير وأشكرك على اللينك وأكيد هأدخل أشوفه بإذن الله
فكرة من الزمن ده
أكيد أنتى معزومة لأنك من أهل البيت ومش محتاجة أصلاً عزومة
وأنا فعلاً بأعشق الفسيخ بس مرة واحدة فى السنة ( حالة عارضة يعنى )
أما الليمون دة أساسى لازم يكون موجود عشان يظبط طعم الفسيخ
ههههه
أشكرك على زيارتك الغالية وتعليقك اللذيذ
Esraa Hamed
إتفضل طبعاً دة انتى تنورى البيت والمدونة
كل سنة وانتى بألف خير وصحة وسعادة
ومبروك على تصليح مدونتك ورجوعها بخير
mimi
كل شم فسيخ وانتى طيبة
ومش أنا لوحدى ال مشغولة فى الفسيخ ولة يعنى انتى ماكلتيش؟
بس أنا ال نظفت وانتى أكلتى على الجاهز
يلا زى بعضة
aMr tA3LaB
ماشى يعنى انت عملت ناصح ومالونتش البيض
بس لما تتجوز وتخلف هتلون البيض لعيالك غصب عنك وهيتكسر قدامك بعدها ومش هتقدر تعمل حاجة برضة
وكل سنة وانت طيب
السلام عليكم
كل سنة وانت بخير
والاسرة الجميلة
وبلاش تحدفي الناس بالبيض الملون بقي
بصراحه اسم المدونه عجبنى جداااا
بجد بيحيى حضرتك على الاختيار الرائع
واتمنى تقبل زيارتى للمدونه ..
بس الحقيقه ان البوست ده
تعجبت له كثييييرا
يعنى ايه شم النسيم ..؟؟
وليه نحتفل بيه الاحتفال ده اصلا ..؟
مجهود جبااار فى .. لاشىء .. يفيد ..!!
عموما بغض النظر عن شم الـ ...
كل يوم وانتى بخير وسلام والى الله اقرب .
تحياتى ..
السلام عليكم ورحمه الله
طالما حضرتك مصممه ما تنزليش بوست في شم النسيم يبق أحسن ...تريحي بالك..
كل لحظه تمر بخير وأنت بخير يارب.
بشكرك علي زيارتك..
اسف على التأخير
جيت امسى على الناس الجميلة :)
تحياتى على البوست الرائع
ههههههههههههههههههههههه
كل سنه وانتى طيبه ياقمر
كل ده علشان متنزليش بوست
طب ابعتى البيض والرنجه وانا اسعدك فى عمايلهم واكلهم كمان الحسبه بسيطه خالص
ولو عندك حاجه تتاكل تتعمل تانى ابعتيها احنا فى الخدمه24 ساعه وممكن ناخد الحجات من المنازل
تحياتى
hasona
كل عام وانت بخير نورت المدونة
وخلاص مافضيلش بيض عشان أحدف بيه حد
تحياتى
الأمير
أهلاً بك نورت مدونتى المتواضعة
أشكرك على تعليقك الراقى وبالنسبة لأستئلتك فعيد شم النسيم هو إحتفال منذ القدم بقدوم فصل الربيع
ومعنى شم النسيم إن الناس تخرج تتفسح وتشم هواء نقى بعد فصل الشتاء المليىء بالبرودة والأمطار واللتى تمنع أغلب الناس من التمتع بالنزهة
وأعتقد إن لو كان مالوش لزوم ماكانتش الدولة عملته أجازة رسمى كل عام ودى وجهة نظرى
عموماً إختلافنا فى الرأى لايمنع إنك ضيف عزيز ويسعدنى تشريفك فى أى وقت
تحياتى
فركشاوي ..ناوي
أشكرك على زيارتك الغالية وتعليقك الجميل
تحياتى
اصحى يا مصر : اسلام ديو
لأ ما فيش داعى للأسف خالص
كلنا عندنا مشاغل كتيرة وكويس إننا بنلحق ندخل عالنت ونتواصل مع الأصدقاء من حين لآخر أشكرك على زيارتك وتعليقك
تحياتى
gana magde
يا حبيبة قلبى إنتى تنورى فى أى وقت وتيجى البيت تفتحى التلاجة وتاخدى أى حاجة عاوزاها دة بيتك
أنتى بس قوليلى عنوانك وهتلاقى طرد رنجة عالبيت بكرة
وحشتينى وشرفتينى ياقمر
احسن بردو انك مش نزلتي بوست جديد خااالص
خييير ما عملتي
:D:D:D
تحياتي ياجميله :)
هههههههههههههههههههههههههه
كل سنه وانتى طيبه
السلام عليكم
نسيتي تقولي مين هايروح الجنينة وها يركب المرجيح
بس ان شاء الله الموضوع القادم
انا كان نفسي اعمل موضوع قصير في هذا اليوم بس معرفتش اشغل الروابط اللي هي اساس الموضوع تقدري تفيديني
ولك جزيل الشكر
كل سنة و انت طيبة
ايوةكده.. بحب جدا اللي بيحيي العادات اللي ماعرفشي ليه بطلناها
بجد كان نفسيالاقي هنا اللي يشجعني و نقوم نلون بيض و نعمل رنجة و ترمس زيك
بس انا اول مرة اعرف ان بيتعمل ترمس لشم النسيم
بس ليييييه كده ما حكتيش حاجة.. كنا عاوزين نعرف يا بنتي
اخس عليكي
;)
كل شم نسيم ومصر بخير
انا اسفة يا جميل على تأخرى بجد الله
كل سنة و انتى طيبة و لو انها متأخرة أوىىىىىىىىىىى
بس و الله كل ماجى أعلق الكومبيوتر بيعلق :d
جهازنا أصله م العصر الحجرى :D
ع العموم كل سنة و انتى طيبة و يارب تكونى قضيتى يوم كويس :)
كل فسيخ وأنتي ربنا يستر عليكي
ويبقى التواصل
معلش انا جيت متاخرة
شم النسيم فات وخلاص
بس ده ما يمنعش اقول
برضة كل لحظة وانتِ بالف خير
(انا ماكلتش فسيخ السنة دى:(
ظررررروف عوائلية كده :(
الاقى عندك حتة؟؟:)
أحلى حياة
شفتى بقى أنا قلت كدة برضة
شرفتينى يا قمرة
blue-wave
كل سنة وانت طيب
نورتنى
ذكري رحيل قلم
والله إحنا مابنركبش المراجيح فى شم النسيم بس بنركبها فى العيد
وبخصوص سؤالك فأنا مش فاهمة قصدك ايه بكلمة تشغيل الروابط ؟؟
انا أفهم وأقولك على طول
نورتينى
Hannoda
أزيك يا هنودة ياقمرة والله النهاردة عيد عشان إنتى منورانى بصى أنا ماحكيتش مواقفنا فى شم النسيم عشان فعلاً كنت مشغولة بجد بإمتحانات بنتى
لكن أكلنا فسيخ وربجة ولوننا البيض وعملنا ترمس وحمص وفية ناس كمان بتاكل حاجة معاهم كمان إسمها ملانة وهى عبارة عن حلبة بتتنقع لغايت ماتزرع
عموماً السنة الجاية تنورينا فى مصر وتقضى اليوم معانا
تحياتى
ابو المفاصل الواصل
كل سنة وانت بخير وصحة وسعادة ومصر بخير ومليانة بركة وحب وجمال
أشكرك على زيارتك وتعليقك
dr_samarmar
ياحبيبتى ياسمورة أنا عارفة والله ان كل الناس مشغولة وكفاية إنك تفتكرينى بتعليقك الجميل حتى لو بعد سنة
أنتى دايماً منورانى حتى لو مش فاضيالى خالص
كل سنة وانتى بألف خير وصحة وسعادة
معتز شاهين - باحث تربوي
وحضرتك طيب وبخير وصحة وسعادة
ماتقلقش انا لسة ما إتسممتش
أشكرك على زيارتك وتعليقك
رئـيس التحـرير
الحقيقة دة شرف كبير جداً ليا ولمدونتى إن حضرتك تدعونى للمشاركة
أكيد هأدخل على اللينك وأشوف وأتواصل معاكم فى أقرب فرصة
أشكرك على زيارتك ودعوتك الكريمة
norahaty
أهلاً بكِ شرفتى مدونتى المتواضعة
كل عام وانتى بألف خير وصحة وسعادة
طبعاً لسة عندى فسيخ إنتى بس إبعتيلى عنوانك وهتلاقى طرد فسيخ عندك تانى يومعلى طول
أشكرك على زيارتك وتعليقك الجميل
بنت عمى سمحينى على التاخير
كل سنه وانتى طيبه بشم النسيم ودائما فى سعاده وحياه مليئه بالورود الجميله ياعاشقه الورد.
النفاق الاجتماعى
بـعـــد موته عرفت انه كان للعيلة عمــــــيد
وان اهيف اعماله كان عمل قومى مجـــــيد
رغم انه لاكان رتبه ولا كان ساعى بريد
واعماله كانت نقمة اكتر من صدا الحديد
ينخر فى البشرية ويحطم كل ما هو حميد
ولكن النفاق والمجاملة وما اكثرها من ترديد
وعجبى.....!
إزيك يا إبن عمى
أسامحك على إيه ؟
انت تنور فى أى وقت وحتى لو ماعلقتش خالص كفاية إنك تقرأ
أشكرك على زيارتك الغالية
كل سنة وانت طيب
ابو المفاصل الواصل
أشكرك على التواصل وعلى زيارتك الجميلة
تحياتى
الاخت الفاضلة هذه اول زيارة لمدونتك وانشاء الله لن تكون الاخيرة وواضح انك فعلا عاشقة للزمن الجميل الذى لن يتكرر وانا واحد من الذين يعيشون فى الماضى الجميل بكل ما فيه من اخلاقه وامثاله وحكمه وعاداته وتقاليده وافلامه وتمثلياته كل شىءوادعوك لزيارة مدونتى والى اللقاء فى زيارة اخرى ..سلام
محمد فلفل
أشكرك على زيارتك وتعليقك المتميز
وأعدك بزيارة مدونتك عن قريب
واحييك على تمسسك بكل ماهو جميل وقيم
إرسال تعليق