إمتى الكلام بيخلص بينك وبين حد كنت ما بتزهقش من كتر الكلام معاة ؟
وايه الأسباب إل بتخليك فجأة مش لاقى كلام تقولة
ومش لاقى موضوع تفتحة معاة ؟
وفجأة تحس إن التواصل بينكم إتقطع
وإن المواضيع خلصت والقواسم المشتركة بينكم إختفت
ليه بدأت تزهق منه ومن طريقتة ؟
وبالتدريج مابقاش يفرق معاك وجوده من عدمة ؟
ليه مابقاش أول واحد يجى على بالك لو عاوز تأخد رأي حد فى حاجة ؟
لية مابقتش تحب قعدته وكلامة وطريقتة ؟
أيه ال حصل خلاك تبعد عن حد كنت متخيل
إنك مش هتقدر تستغنى عنة فى يوم من الأيام وتحت أى ظروف
وياترى مين بيعوضك عن غيابة ؟؟؟
ياترى بتشكى همك لمين
وبتفضفض مع مين ؟
وله خلاص ماباقاش عندك وقت وجهد حتى للشكوى والفضفضة؟
حصلك ايه ؟ رد عليا
*************************
أسئلة حائرة ( بوست جديد )
على عالمى الخاص
هناك 54 تعليقًا:
اول تعليق
محجوووووووز
ليا انا
دودو هانم
والشهره عاشقه الرومانسيه
تابعت اسئلتك لنهايتها
يمكن الاقى اجابه
بس للاسف كانت اسئله وبس
ممكن لما تعرفى الاجابه تقوليها لى
لانى جوايا نفس الحيره ونفس الاسئله ونفس الاندهاش من نفسى
فيه حاجت الواحد بيمل منها مع مرور الوقت عشان مفيش تطور والكلام بيخلص بس انقطعت لغة الحوار لانها كانت بتدور في فلك واحد بس من الممكن ايجاد لغة حوار مش مهم هي ايه بالنسبة ليكوا بس المهم انه يكون في تغيير في مواضيع الكلام
يمكن يوجد حالة حوار
اه والله يا عاشقه
كلامك جه في وقت انا بسال نفسي ناس غالين عندي اوي بقو بيتصرفو كدا بالظبط
وده بيقتلني
هموت بجد
فعلا
الاحساس دا حسيته اكتر من مرة
وفى اغلب الاحيان بيكون السبب الشخصية نفسها
هى اللى بتبئا اتغيرت وبعدت
وانا مش باخد خطوة انى اكبر دماغى ومهتمش الا لو لقيت ان فعلا مفيش فايدة
وبتبئى مش عارفة ايه اللى حصل؟
بس دا اللى حصل
عشان كدا دايما بخلى سرى مع حد مش هيهتك ستره عليا
"الله"
ربنا بحكى له كل اللى تاعبنى وبيعينى ومش بيقول لحد على اسرارى
بل بالعكس بيدبر لى الخير من حيث لا احتسب
جزاك الله خيرا اختى
تقبلى مروروى
الإحساس ده بيتكرر معايا و معاكى و مع ناس تانيه
أنا شايف إن ده بيحصل علشان حاجات كثيره و متفرقه لكن تندرج تحت جملتين مختصرتين
الأولى :- إنك خلاص مبقاش مستريحه سبب الراحه فى الأول مبقاش موجود
الثانيه :- الرسول قال الأرواح جنود مجنده ما تعارف منها أاتلف وما تنافر منها إختلف
لكن كلاهما يؤدون إلى حاجه واحده
خلصت العلاقه بهذا الشخص
أتحداكى لو فهمتى حاجه من إللى قلتها
ههههههههه
على فكره حتى لو نظرك ضعيف أنا هقرأ ليكى وبيقولك إنك متندبسه فى تاج عند اعشق فى الليل ضوء القمر
وبيقولك لو ما جاوبتيش عليه هيبعتهولك على المدونه التانيه و ساعتها هتجاوبى على الأثنين
وبيقلك جاوبى إنت أحسن ما نجاوبلك
هيع هيع هيع (ضحكه شريره)
يمكن الاحساس ده محسيتش بيه قبل كده
بس هو فعلا حاجه محيره اوى امتى يتقطع التواصل بين المحبين
وايه اللى بيخلى الامور توصل بينهم لكده
بجد انتى فجرتى مشكله كبيره جدا وخاصه انها ممكن تكون بين الازواج وبالتالى حياتهم بتبقى جافه
خاليه من المشاعر وده بياثر على تربيتهم لاولادهم
وحاجات كتير ومشاكل كبيره بحييكى وبشكرك يا قمر وتمنياتى لكى بدوام النجاح
مفيش جديد الدنيا دوارة كدة على الفاضى
افتكر ان اللى حصل هو ان اتوجد شخص جديد يفضفض معاه
فبدأ يستكشفه زى ما كان بيستكشف اللى قبله
بدأ يتكلم معاه كتير
ويبحث معاه عن القواسم المشتركة زى ما كان بيعمل بالظبط
وبالتالى بيحس ان لو اتكلم مع الشخص القديم هو حفظ طريقته وانهم هيقولوا كلام معاد
او ان اللى حصل بقي انه دخل حالة إكتئاب
الحالة دى بتقابلنا كتير فعلا فى الحياة
السلام عليكم
بصراحة انا لم يحدث معي هذا الموقف
بس ممكن يكون بعض منه وديه بتبقي حالة ملل عندي وسرعان ما تزول
تحياتي
ومتحتريش عشان الدنيا كده هي كده شويا فرح وحبة جرح وبعض منها ملل وغصب عنا لابد ان نواصل الطريق
صباحك سكر
قرات الاسئلة اكتر من مرة
لكنها ببساطة بتتردد جوايا كتير جدا
بس مع الاسف تزيد الاسئلة و تبقى دوما بلا اجوبة
قد تكون مرحلة نمر بيها حين ينزوى الحب فى قلوبنا
ونشعر بوحدة اروحنا برغم البشر المحيطين بنا
قمة الالم ان نفقد التواصل مع من نحب
ان نندمج فى الحياة وننسى اروحنا و انفسنا
ونجعل من اروحنا معتقل لليأس و الاحباط
ولا نقوى على ان نخرج تلك المشاعر
الحياة و مشاكلها تسيطر علينا ونحن الى بحورها انجرفنا
يبقى امامنا فرصة ان نعيد ما يمكن ان يكون
اهون من ان يستمر وضع لا يحتمل
بوست جميل يعبر عن حيرة اغلبنا
اختى دمتى بالف خير و سعادة
تحياتى
يويو
ازيك يا صدى الصمت .. وحشتنى تعليقاتك
شوفى يا صدى ... الموضوع ده بيحصل كتير .. بس بيحصل مع ناس على الهامش .. يعنى ناس لينا معاهم ذكريات على مساحه زمنيه قليله مهما كانت العلاقه بيننا وينهم .. المساحه الزمنيه تتسبب فى تراكم خبرات ومعارف وقواسم مشتركه .. وعندما يحصل هذا خلال المساحه الزمنيه الصغيره تكون الخبرات المشتركه والقواسم المشتركه قليله نسبيا وبتخلص فى قعده ولا قعدتين وخلاص .. ويفتر ما كان متوهجا او يزيد توهجا وهنا لا تنقطع الصله ..
تحياتى
عاشقه الرومانسيه
أهلاً دودو هانم شرفتينا بأول وأحلى تعليق
عاشقه الرومانسيه
والله يا دودو أنا لو كنت لقيت إجابة واحدة تريحنى ماكنتش كتبت البوست دة ولا طلبت رأى الناس فيه
تحياتى
aMr tA3LaB
ياريت والله تكون المسألة فى تغيير المواضيع فقط وليس تغيير المشاعر
أشكرك على زيارتك وتعليقك
فتاه حالمه
يااااه أخيراً ظهرتى
وحشتينى بجد
طمنينى عليكى وعلى أخبارك
عاوزة أشوف بوستاتك الجامدة بقى
تحياتى
اللى تشوفه
والله عندك حق
كلامك جميل جداً ويستحق التقدير والتجربة
أشكر على زيارتك وتعليقك المتميز وأهلاً بك فى مدونتى
اعشق فى الليل ضوء القمر
والله فعلاً عندك حق
وهتستغرب لو قلتلك إنى فهمت كلامك وقصدك
ههههههه
عموماً متشكرين عالتاج وإنشاء الله هأجاوبة
بس إنت عارف إنى لسة مجاوبة تاج البوست ال فات وعشان كدة هأضطر أجلة شوية
وعلى فكرة دة تدبيسة جامدة لأن أسئلتة صعبة جداً
تحياتى
MISS\GH
أهلاً بيكى وبعودتك الجميلة وزيارتك الغالية وتعليقك المتميز
تحياتى
medolegend
أشكرك على زيارتك وتعليقك
shahrzad...
أعتقد إنى لو حفظت طريقة شخص وكنت بحبة مش هأزهق منة
لكن أعتقد إن الإحتمال التانى أقوى
وهوة إنه دخل فى حالة إكتئاب
أشكرك على زيارتك وتعليقك الجميل
وأهلاً بيكى فى مدونتى
ذكري رحيل قلم
فعلاً عندك حق
غصب عننا لازم هنكمل المشوار برغم ما فيه
أشكرك على نصيحتك الغالية وتعليقك الرقيق
نورتينى
yoyo
يا خبر يا يويو كلماتك معبرة جداً جداً وأكثر من رائعة وتستحق التقدير والإحترام
حقيقى أنا بأنتظر تعليقك لأنه بيهمنى جداً وبيفرق معايا كتير
أشكرك على زيارتك الغالية
شرفتينى ونورتينى
فشكووول
أهلاً بك يا أستاذى العزيز
الحقيقة تعليقات حضرتك هيه ال بتوحشنى وتهمنى جداً
لأنها معبرة للغاية وواقعية وبتفيدنى جداً
والله عندك حق فى كل كلمة قلتها
تحياتى
بصي هو ساعات اي حد بيمر بوقت بينعزل عن الدنيا وبيكون لوحده حتي لو بين الناس ياخد وقته ويفكر ويعيد نفسه هتلاقيه معاكي زي الاول
لية كدة بس يا أختى العزيزة
ما إحنا برضة موجودين وفى الخدمة
هههههههههه
نتكلم بقى جد
الموضوع مش غريب يمكن الواحد مع الزمن أفكارة بتختلف و رؤيتة للحياة وبالتالى دة بيحصل للشخص إللى كان معتبرة صاحبة عشان كدة لما بيتقابلوا بيحس إن الشىء المشترك إللى كان دايماً موجود بينهم إختفى
سلام
صدى
بجد شيئ جميل اننا نلاقى انسان يكون ضل لنا فى كل شيئ ولو كانت انسانه كان اجمل لئن الشعور هيكون افضل بكتير ولكن مع مرور الوقت بييجى كائن غريب اسمو الزهق او تكرار الشيئ يكرهك فيه
او الزن او الفضول اشياء كتير ممكن تكون جيه معكسه ليكى معاكى يعنى
بتبتدى بل تدريج لحد مبتنتهى بل سكوت والصمط
عاشقة الورد
وحشتني ريجة الورد اللي بشمها عندك
اجابة كل اسائلتك
لما الحد ده يتغير فيه شيء انتي كنتي بتحبيه فيه فاكيد يحصل كل التغيير ده اللي بتسالي عنه
تحياتي
حبيبه قلبي الجميله ام ميرو
انا مش عارفه اعتذر ولا ارد عل بوست بكل جرأه بقى :(
ولله العظيم انا متأسفه جدا يا اجمل رورو بس انا فعلا مبقتش اعد كتير زي الاول عشان السفر قرب وبخرج كل يوم اشتري حاجات وكده بس انا عارفه ان عذر اقبح من ذنب
انا ببعتلك اوفلاين مسج عل ياهو شوفيها :(
هرد عل بوست بقى ممكن :(
بصراحه يا رورو الواحد اللي متعود يشوف حاجه كل يوم كل يوم كل يوم
هيجي بعد فتره يزهق اوي ويمل منها
حتى لو كانت غاليه عليه يعني زي اكنك تفضلي تاكلي في رز بلبن عشرين سنه كل يوم كل يوم كل يوم
ايه هيكون شعورك بقى ؟؟
وما بالك ده رز بلبن فتخيلي لو راجل بقى ههههههههههههههههههههههههههههههه
>>هضّـرب النهارده من رورو <<
بس الواحد يقدر ميخليش الشعور ده يجيلو ولا يزهق من الحد ده ولا الكلام يخلص ولا يحس بالشعور ده خالص
يعني يغير الروتين مثلا
بدل ما يبقى رز بلبن ساده يبقى مره بميا الورد ومره يبقى بشويه قرفه ومكسرات ههههههههههههههههههههههههههه
>>ناويه شر شكلي <<
لا بجد يغير الروتين
مش لازم كل يوم اشوفو يعني احاول اعمل حاجات جديده متحسسنيش بالملل ده والزهق ده
انا بفضفض همي لنفسي
اتعودت على كده يمكن اكون اه بحكي لناس قريبه اوي ولامي بس برتاح لما بفضفض لنفسي اوي واحاسب نفسي واعرف اني غلط واحاول اصلح الغلط ده
ممكن بقى متزعليش مني هصالحك خلاص يا اجمل اخت وانا مش ممكن الاقي اخت احسن منك خالص يا رورو
سلميلي على ميمي وقوليلها السفر اتأجل اسبوعين :(
زعلالالالالالالالالالالالالالالالالالالالانه بقى
بهديكي اغنيه << ضحكه ليا سنيني
لسومه
ضحكه ليا سنيني لما شوفت حبيبي بعيني حلمي ياما انا عشتو ليالي في بالي ليالي وانا بنساه
كل الحب عشاني حسا اني في عالم تاني لو ده حلم يا ناس خلوني سبوني في حلمي اللي انا عيشاااااااااه
صدى الصمت-عاشقة الورد
سيدتي
لما تلاقي اعز الناس اليك صديقك بيخونك يبقى اكيد لن تكون له قيمة ابدا عندك بعد ذلك
الكلام و الفضفضة انذاك لن تكون لانك لمين حتفضفض لصديق خائن
اما تلاقي اعز الناس اليك صديقك بينشر اسرارك و ينهش في لحمك يبقى حتستأمن مين بعد ذلك
سيدتي
صعب جدا ان تجد اقرب الناس اليك هو العدو المتخفي في صورة صديق
مودتي و دعوة للتواصل مع مدونتي
السلام عليكم
مش عارف انا حاسة انو الحب والمعزة الي كانت في قلبنا ناحيتو
مكنتش حقيقية
عمر الحاجة الحقيقية متتغير
دي بتزيد مع الزمن مش بتقل
دي اول زيارة وان شاء الله مش حتكون الاخيرة
واسئلة حلوة بجد
للاسف اعيش مع احد الاصدقاء الان هذه المشكلة لم نعد نجد ما نتكلم فيه وهناك حواجز خفية بدأت فى الظهور
اما عن عن من فقدتهم فلسبب لا يملك اى انسان ان يقف فى مواجهته
وحاليا اشتكى همى لنفسى فقط وااكتم كلماتى بداخلى ولا ادرى السبب
*******************************
بخصوص البريد انا طبعا محترم لرأيك قمة الاحترام
لكن الحقيقة انا كنت هاعمل نفسى حلقة وصل بس
النى بصراحة مش عرف الطريق ومفيش فعلا وقت انى احاول اليومين دول فارسلت لكيارا بالمشكلة وردت وقالت :
تضيف ازاي مش فاهمه ؟؟
هبا عاوزه المدونات كلها في بوفايل واحد
تبقي سهله
تبعت دعوه لاميل المدونه التانيه
وتعملها ادمين كمان
وبعدها تمسح الميل الاولاني
وبكدا ييبقي المدونتين في بروفايل واحد
لو دا ممكن تخليها تكلمني وهمشي معاها واحده واحده
المهم عامل انت ايه بس وابقي طمني عليك
هى حاليا حطت بريد فى المدونة بتاعتها ممكن تدخلى عليه وتبعتى لها وباذن الله المشكلة تتحل وتدعوا لى
تحياتى دوما
اللام عليم
حبيبتى الغاليه
بجد انا مريت كتير بنفس الاحساس ده
سبحان لله بجد كأنك تكلمتى عن نفسى
تحياتى ليكى
انوسه
السلام عليكم
ازيك اختى الصغيرة صدى الصمت
معلش على التاخير .. اعذرينى
س : إمتى الكلام بيخلص بينك وبين حد كنت ما بتزهقش من كتر الكلام معاة ؟
ج : الموضوع مش ان الكلام بيخلص لكن الاحساس نفسه بيتغير وده بيحصل فى احيان كتير
مش زهق ! من اهم اسباب الصمت انك اوقات مش بتلاقى الشخص المناسب اللى يقدر يسمع لك ويريحك
ممكن يكون شخص كنتى بترتاحى معه لكن بتغيره وتغير اسلوبه ومعاملته لك
بيتغير احساسك تجاهه
فالافضل هووووووو الصمت ؟؟؟؟؟
البوست بجد لذيذ
والاحساس به الذ
تقبلى تحياتى
ياااااااااااه كتير جدا عدى عليا الاحساس ده
احنا في ومن السكوت فيه علاج لمشكلات كتيرة
دي مش دعوة للسلبية بس دعوة للواقعية
ويبقى التواصل
يبقى مش بقيت تحبه
حزينه
كيــــــــــــارا
كوكى الجميلة
أشكرك على تعليقك الجميل المفيد
تحياتى
دردشة على الماشى
أهلاً أهلاً بأختى العزيزة
والله فعلاً عندك حق فى كل كلامك يمكن بعد المسافات يولد بعد وعدم تلاقى فى الأفكار
سلام مؤقث
ادم المصرى
فعلاً ممكن دة يحصل
أشكرك على تعليقك المتميز الراقى
وأشكرك على زيارتك الجميلة
تحياتى
فكرة من الزمن ده
أشكرك على كلامك الجميل وزيارتك الغالية وفعلاً المشاعر بتتغير بتغير شىء ما فى الإنسان
تحياتى
marmar
حبيبة قلبى مرمر الجميلة
المشكلة إنى مش عارفة أزعل منك أصلاً
أنا بس بأقلق عليكى وبأكون عاوزة أطمن على أخبارك
تيجى بالسلامة إنشاء الله
على فكرة مافيش حاجة وصلت على الأوف لاين خالص ياريت تبعتيهم تانى أو تبعتى إيميل
سلام يا أحلى مرمر
marmar
يا حبيبتى يا مرمر أنا مش زعلانة
خلاص كلمتى هتنزل المرة دى
لكن إعملى حسابك المرة الجاية كلمتى مش هتنزل الأرض أبداً
وهأزعل وهأخاصمك خالص خالص
أنا كمان زعلانة لأن سفرك وأحلمك إتأجلت لكن معلش رب ضارة نافعة وكل تأخيرة وأكيد فيها خير إحنا مانعرفوش
وميرسى على الأغنية وعلى الرز بالبن كمان
سلام
assafo anaroze
الحقيقة وجه نظرك مختلفة وتستحق كل التقدير
أشكرك على زيارتك وتعليقك المميز وأهلاً بك فى أول زيارة للمدونة
تحياتى
سمسم
أهلاً بيكى يا سمسم
أشكرك على كلماتك الرقيقة وتعليقك الجميل وزيارتك الأولى
شرفتينى
الازهرى
الحقيقة عجبنى قوى غى تعليقك جملة حواجز خفية بدأت فى الظهور
ودة أدق تعبير لما قصدت قولة فى البوست
أما بالنسبة لموضوع الإيميل
فأنا بجد مش عارفة أشكرك إزاى على تفهمك لموقفى وتعبك الشديد وإصرارك على إيجاد حل للمشكلة
وأحب أطمنك إن أخويا المراكبى موجود حالياً فى زيارة لمصر وهيتولى حل هذة المشكلة بإذن الله
أشكر مرة تانية وشكر خاص لكيارا الجميلة أيضاً
يااااااااه
انا من زمان ما جيتش هنا
عموما انا جاي اسلم واعتذر
تحياتي
لسببين
أولهم .. ان التوافق في البداية ما كانش توافق كامل .. لكن في مراحل التعارف الأولى بيكون هناك بريق بيعمي العيون عن الحقايق .. وساعتها الواحد ما بيشوفش كويس نقاط الخلاف دي .. وبتظهر بعد كده مع الزمن وساعتها الواحد بيسأل نفسه: ازاي انا ما كنتش شايف ده؟
ثانيهم .. يحدث للشخصيات تغير مع الزمن وفقا للظروف واتجاهات الحياة شئنا أم أبينا .. تغير الظروف (أي ظروف) بيعمل انعكاس على الشخصية .. ممكن يكون ايجابي وممكن يكون سلبي .. ومن هنا بتبدأ تظهر نقاط عدم توافق جديدة غير اللي اتكلمت عنها في النقطة الأولى
السلام عليكم
ممكن اسأل حضرتك غايبه فين الفتره السابقه
حمدلله على السلامة
كنتى بصيفى ولا ايه
أبو العريف
مافيش داعى لأى إعتذار
حضرتك تشرف فى أى وقت
نورتنى
يا مراكبي
فعلاً كلام موزون جداً ودقيق ومقنع للغاية
تحياتى
اعشق فى الليل ضوء القمر
الحقيقة كان فية عطل كبير فى الكمبيوتر وأخيراً إتصلح والحمد لله
شكراً لإهتمامك
ذو الوجه المبتسم
الله يسلمك
الحقيقة ماكنتش بأصيف ولا حاجة
الكمبيوتر كان عطلان
شكراً لسؤالك
تحياتى
إرسال تعليق