لما الكمبيوتر إتعطل حسيت فجأة إن إبنى تاه
وماعرفتش أعمل ايه
حسيت بفراغ فظيع
وكان ناقصنى حاجة كبيرة ومهمة قوى
طب أعمل ايه ؟ أعمل ايه ؟
غسلت وطبخت ورووقت
ايه ده ؟؟؟
مال اليوم ممل قوى كده ليه ؟؟
خلاص أقوم أمسح الشقة
ايه ده ؟
لسه فاضل وقت طوييييييل
طيب أعمل كيكة مادام لسه بدرى
خلصت وقعدنا نشرب الشاى ونأكل الكيك
وفتحنا ال tv ولأول مرة من زمن نتجمع
ونأكل ونشرب ونقعد كلنا مع بعض
وكل واحد يتكلم مع التانى
غريبة !!!! بقالنا كتييير ما إتكلمناش مع بعض
وبعد ماخلصنا
بنتى قالت ماتيجوا نلعب كوتشينة ؟
قلنا ماشى ما هو مافيش حاجة تسلينا
قعدنا نلعب ونضحك ونتسلى
غريبة !!!!! كان بقالنا كتييير
ماضحكناش ومالعبناش مع بعض
وتانى يوم خرجنا نتفسح
أهى دى برضة كانت غريبة
من زمان ماخرجناش مع بعض
الحقيقة إكتشفنا إننا كنا بنشوف بعض كل يوم
بس كنا بعييييد عن بعض قوى
وإكتشفت إن دة عيب قاتل من عيوب النت
ومن يومها قررت أنى
وماعرفتش أعمل ايه
حسيت بفراغ فظيع
وكان ناقصنى حاجة كبيرة ومهمة قوى
طب أعمل ايه ؟ أعمل ايه ؟
غسلت وطبخت ورووقت
ايه ده ؟؟؟
مال اليوم ممل قوى كده ليه ؟؟
خلاص أقوم أمسح الشقة
ايه ده ؟
لسه فاضل وقت طوييييييل
طيب أعمل كيكة مادام لسه بدرى
خلصت وقعدنا نشرب الشاى ونأكل الكيك
وفتحنا ال tv ولأول مرة من زمن نتجمع
ونأكل ونشرب ونقعد كلنا مع بعض
وكل واحد يتكلم مع التانى
غريبة !!!! بقالنا كتييير ما إتكلمناش مع بعض
وبعد ماخلصنا
بنتى قالت ماتيجوا نلعب كوتشينة ؟
قلنا ماشى ما هو مافيش حاجة تسلينا
قعدنا نلعب ونضحك ونتسلى
غريبة !!!!! كان بقالنا كتييير
ماضحكناش ومالعبناش مع بعض
وتانى يوم خرجنا نتفسح
أهى دى برضة كانت غريبة
من زمان ماخرجناش مع بعض
الحقيقة إكتشفنا إننا كنا بنشوف بعض كل يوم
بس كنا بعييييد عن بعض قوى
وإكتشفت إن دة عيب قاتل من عيوب النت
ومن يومها قررت أنى
* أنظم وقتى
*أهتم أكتر بحياتى الأسرية
*أضع أولويات لأهمية الأشياء فى حياتى
*لا أنجرف وراء النت أكثر مما يجب
*أحاول أتعرف على من أراهم دائما ً
*أهتم أكتر بحياتى الأسرية
*أضع أولويات لأهمية الأشياء فى حياتى
*لا أنجرف وراء النت أكثر مما يجب
*أحاول أتعرف على من أراهم دائما ً
ولا أعرفهم جيداً من الداخل
وياريت إنتم كمان تحاولوا تعملوا كده
تحياتى
هناك 30 تعليقًا:
صح يا قمرايه
وحشتيني هو انا مش هعرف اكلمك ابدا ابدا ولا ايه
وتانى تعليق
لاحظت ايضا هذا الامر منذ حوالى عامين عندما كنت ادرس
ولكن منذ ذلك الوقت اضع للامور التى لا دراسة فيها مثل المدونات وغيرها لنهاية الليل
والقرار جميل وادعوا الله ان يعينك على تنفيذه وان يرزقكم السعاده دائما
احم احم
بخصوص الكيك ممكن أروح أسأله عن رأيه وألا يخاف ؟
دا فعلا صحيح
اكتشفت كدا بردوا لما النت انقطع فتره عن البيت
لاقيت الوقت رجع تانى للقرايه
واشوف اخواتى واعرف اخبار الاسره كلها
وكمان ازور صحباتى والاقارب اللى عندهم مناسبات
الحل زى ما قلتى بردوا تنظيم الوقت بشكل كويس
بحيث لا تاخدنى الدنيا فى جانب واحد وانسى الباقى
دمتى بخير
هحاول اعمل كده يا صدى
وربنا يحيلك حياتك ديما بكل حب وايمان وسعاده
كلام صح و اكيد
بس انا برجع من شغلى بتكون الحياه مش عايز قولك عامله إزاى استحما و اأكل
وبعد كده اقعد على النت ساعه أو ساعتين
وبعد كده بنام
صحيح مبعرفش الدنيا فى البيت فيها إيه إلا منشيتات كبيره أمى بتقولى عليها و أبى
لكن مش عارف أظبط وقتى لأنه للأسف هما ساعتين قبل ما انام و ادخل فى دوامه تانى يوم
فكرتك حلوه بجد
ربنا يبارك فيكى و فى اسرتك
السلام عليكم
طبعا حكاية الكمبيوتر حكاية غريبة
بتحصل تقريبا لكل الناس اللى متعلقة بالنت سواء المدونين او اللى لهم اصحاب ع النت تقريبا بياخد منهم معظم وقتهم
لكن فيه نقطة
ايه هى اوجه الاستفادة من النت والكمبيوتر ولا كله سلبيات
اكيد فيه ايجابيات برده كتير
ننظم حياتنا
نعطى اولويات واهتمامات اكبر للاسرة والاولاد
لكن اوعى تفكرى تبعدى
بعدين هتلاقينا كلنا عملنا كابسة عليكى بالبيت
ووقتها بقي هتخسرين فلوس كتيررر
كيكة وجاتوه واكل وحاجات من دي
ربنا يديم عليكى السعادة
ويبارك لك فى اولادك
تقبلى تحياتى
ياريت الواحد يقدر يعمل دا بالشكل الصح
تصدقى بالله؟
هتصدقى ان شاء الله
(:
انا بقالى سنه ونص الكمبيوتر عندى
وطول المده دى
زياراتى لاصحابى قلت جدا واصبحت نادره
كلامى مع ماما اصبح بالعافيه
التليفزيون مش بقيت باشوفه ولا اعرف البرامج اللى فيه الا بالصدفه ولو عند حد مش فى بيتنا كمان
باكون تعبانه جدا واقعد على الجهاز ومش مهم النوم
يعنى بقيت باجى على نفسى كمان
اصل النت ده ادمان
لو عندك حل قولى لى عليه بقى
بجد انا كده اهملت اللى حواليا
واهملت نفسى كمان
وحشتيني اوي ووحشني الورد
والله معاكي حق جدا
النت بيبعدنا عن اهلنا كتير وده من عيوبه
تحياتي ويارب
يسعدك مع اهلك واسرتك
ادمان الانترنت ده اصاب معظم الناس
انا مدمن قديم .. باتعاطاه من سنة 1995
الاستغناء عنه مستحيل .. وخصوصا لو هو النافذه الوحيدة للاتصال بالاصدقاء ومعرفة اخبارهم وتبادل الملفات الهامة والطريفة .. ده بالاضافة الى انه 100% من اساسيات شغلي
لكن الحل هو ان الواحد يعمل كل اللي وراه ويخلص مشاويرة مع الأهل وبعد كده يختم يومه بالانترنت حسب الوقت اللي فاضل من اليوم .. ممكن يوصل لساعتين او 3 ساعات .. حسب
السلام عليكم عاشقة الورد
تحياتى
اوعى الكمبيوتر ياخدك من العيله او ياخد حد من العيله منك والنت دا اصله زى السجاير صعب ان الواحد يفوق من ادمانه وعشان كدا كويس انك نظمتى وقتك
تحياتى
السلام عليكم
عندك حق النت بيخدنا حتي من نفسنا
ولكن كما قلتي انا ابتديت قبلك بحوالي 2 اسبوع
ولكن فيما ذكرتي لا تنسي وقت لله عز وجل
كل ما ذكرتيه واضيف عليه الذكر وقراءة القرءان وحفظه مهو لو محفظناش دلوقتي ها نحفظ امتي
تمنياتي لك بحياة اسرية سعيدة
علي فكرة هي البنوتة قد ايه
ممكن تحفظوي سوي
ربنا يخليهالك
انتى لسه هنا؟
لا لا تعالى بسرعه عندنا
تيمون وبوبما عايزينك
كل ما تضحك اكتر كل تاكل بطاطا اكتر
هاكونا مطاطا
مش هتقدر تغمض عنيك
هاكونا مطاطا هديتنا لكل المدونين عشان نخرج من حاله النكد
هاكونا مطاطا تهييس للصبح
هاكونا مطاطا ... لااااا للملل
هاكونا مطاطا... قول لاء للهم
هاكونا مطاطا.... اوعى تزعل ابدااا
هاكونا مطاطا... ارمى الماضى ورا ضهرك
انسى الماضى اللى يغيظ
يلاااااااااا تعالى مستنى ايه
فتاه حالمه
أزيك يا قمر
إنتى كمان وحشتينى قوى
وأكيد هأكلمك لما إيميلك يبطل يتسرق
الازهرى
أهلاً بيك دايماً
الازهرى
أشكرك على دعواتك الجميلة
وبخصوص الكيك فمافيش داعى للسؤال و الإحراج لإنها مبتطلعش كيكة قوى يعنى
شرفتنى
بسنت
أشكرك على زيارتك وتعليقك الجميل
دمتى بكل خير وسعادة
ادم المصرى
أشكرك على دعوتك الجميلة
شرفتنى بزياتك
اعشق فى الليل ضوء القمر
يا ريت تحاول تندمج مع الأسرة شوية أكتر
ربنا يحميهم ويخليهم ليك
أشكرك على زيارتك وتعليقك
ذو الوجه المبتسم
لأ إن شاء الله مش هأبعد وهأحاول أستمر على قد ما أقدر
بس مش عشان الخسارة فى المشروبات والمأكولات
لأنى أحب إنكم تشرفونى فى أى وقت
تحياتى
العيسوى الصغير
إنشاء الله نقدر وأدينا بنحاول
شرفتنى
عاشقه الرومانسيه
ما أنا عمالة أشرح فى الحل أهو
بأقول حاولى تنظمى وقتك وتدى مساحة لحاجات تانية غير الكمبيوتر وتأخدى قرار بإنك تدوسى على الشاشة وتقفلية أو تقررى إنك ماتفتحهوش لمدة يوم وأكن اليوم دة النور مقطوع أو الكمبيوتر مهنج وتعملى أى حاجة تانية هتلاقى نفسك إتعودتى بالتدريج
فكرة من الزمن ده
أشكرك على زيارتك الغالية وتعليقك الجميل وربنا يسعدك إنتى كمان
هاى اختى اول زياره ليا فى مدونتك الجميله دى عندك حق والله انا كمان لازم انظم وقتى دانا مش بسيبه يوم واحد ياريت نتشرف بمعرفتك وتزورى مدونتى تحياتى اسير الغربه مشمش
يا مراكبي
فعلاً الحل إن الواحد يخلص كل ال وراه وبعد كدة يقعد عالنت بس برضة مايسهرش للصبح
تحياتى
فشكووول
إن شاء الله بأحاول إن النت مايخدنيش من العيلة
وميرسى لزيارتك وتعليقك
شرفتنى
ذكري رحيل قلم
ميرسى على نصيحتك الجميلة وبالطبع وقت العبادة موجود فى حياتنا لكن مابأحبش أذكر عباداتى لأن دة شىء بينى وبين ربنا
وبالنسبة لبنتى فهى عندها 6 سنوات وبأحاول أحفظها قصار السور والوضوء وبعض العبادات الخفيفة
تحياتى
ريمان ونوسه فى هاكونا مطاطا
حاضر من عينى
هأروح حالاً أهو
شكرً لدعوتكم اللذيذة
اســ الغربه ـــير
أهلاً بك يا مشمش
شرفتنى بأول زيارة
أوعدك بزيارة لمدونتك قريباً
تحياتى
إرسال تعليق