ايه الحر دة ؟ 
ايه كل الصهد دة ؟
مش ممكن بجد
أنا خلالالالالالالاص إتبخرت
وبقيت بواقى إنسان مجفف
كل يوم أصبر نفسى وأقول بكرة الحرارة هتنخفض
بكرة الجو يبقى جميل
بكرة الجو هيتحسن
ايه بقى فيه ايه ؟
هوة بكرة دة ما بيجيش ليه ؟
أنا تعبت جداً جداً جداً
ايه كل الصهد دة ؟
مش ممكن بجد
أنا خلالالالالالالاص إتبخرت
وبقيت بواقى إنسان مجفف
كل يوم أصبر نفسى وأقول بكرة الحرارة هتنخفض
بكرة الجو يبقى جميل
بكرة الجو هيتحسن
ايه بقى فيه ايه ؟
هوة بكرة دة ما بيجيش ليه ؟
أنا تعبت جداً جداً جداً
وبأتعب أكتر وأكتر لما بأدخل من باب شقتنا
بعد يوم طوييييل قوى فى الحر والصهد والفرهدة والمرمطة
وألاقى حوض سمك الزينة فى وشى
وأشوف السمك بيبلبط فى الميه ومش على بالة خالص
وألاقى حوض سمك الزينة فى وشى
وأشوف السمك بيبلبط فى الميه ومش على بالة خالص
ومش حاسس بالبنى آدمين ال عايشين معاه فى البيت
بأحس إنه قاصد يغيظنى ويستفزنى
بأحس إنه قاصد يغيظنى ويستفزنى
وساعات بأشوفة بيطلعلى لسانه كمان
رحمتك يااااااارب
أمال هنعمل ايه فى الصيام فى رمضان ؟؟
قوينا وهونها علينا يا أرحم الراحمين
رحمتك يااااااارب
أمال هنعمل ايه فى الصيام فى رمضان ؟؟
قوينا وهونها علينا يا أرحم الراحمين
هناك 42 تعليقًا:
نفس الحال في ليبيا الايام هادي حر بشكل وع قولتك مزال في رمضان
اللهم لا اعتراض وربي يقوينا
:) كوب عصير بارد وايس كريم ومشقشقات خفيفة
ومعاش تفكري ف الحر لانه كل مزدتي فكرتي فيه حيزيد اكثر
يوم لطيف:)
حنا بقى بنقول ايه البرد ده....مطر ودرجة حرارة ٨في عز الصيف ...ولسه يقى جاي الشتا ....وتوصل درجة الحرارة تحت الصفر وممكن ساعات تحس صباعك مات وخلاص ما تحس به....حكاياتك دي فكرتني ايام زمان كنا بنفرد شعرنا بالارتيهير....وفي اوربا بيكرتو شعرهم...الناس بتروح السولاريم عشان تغمق وفي مصر وامريكا وخاصة بوسطن بيفتحو الجلد بكريم....في مصر يغنو للعيون السود ويريلو لو شافو واحدة عينها خضرة...مع انك لو عينك سودا تبقى اموور في اوروبا....خلاصة الكلام محدش عاجبه حاجة ...لا حر ولا برد
كان نفسى أقول لك يا بخت السمكة
لكن يا بختكم انتم كمان
تخيلى انى الايام دى فى الأقصر ودرجة الحرارة هنا تقريبا 165 أو كتر
يعنى لو مارجعتش القاهرة لحد آخر الأسبوع
اعتبرونى مفقود ومن ضحايا الشمس
وربنا المستعان
بالمناسبة نسيت أسأل أخبار حفل التوقيع إيه ؟
حرررررررررررر داحر بشكل تعالو شوفو هنا بس عندك حق ربنا يقوينا فى رمضان تحياتى اسير الغربه
السلام عليكم
امال لو انتى هنا هتقولى ايه
درجة الحرارة بتوصل 50 تقريبا
رغم ان المكيف شغل 24 ساعة ومفيش فايدة
فكرتينى بمقطع بمسرحية المشاغبين
ايه يا ملاوانى .. مالك
بس مزنوق شوية
قال له كل ما تتزنق .........
ههههههههههههههههه
تقبلى تحياتى اختى الصغيرة
وكل سنة وانتى طيبة
السلام عليكم
ربنا يهون علينا و عليكى
بس الصيام ليه نوع مختلف
انا بستغرب من الصيمين الواحد فيهم اكثر من 12 ساعه من غير سجاير
ولما نقوله خفف السجاير فى الوقت العادى بيقول مش بقدر
يبقى الحر اكيد ربنا هيعنا عليه
فهو المعين
ادعى انت بس
يالاهوووووى
امال هنعمل ايه فى رمضان
ربنا يستررررررررررررررررررر
بجد حتى لو خرجت باليل الدنيا برضه حر زى الصبح
وعرق وقرف
ربنا يسترها معانا
امال يوم القايمه هيبقى عامل ازاى
دى هتبقى الشمس فوق راسنا على طول
ربنا يستر
انا بقا زهخقان من التكييف لدرجة اني بخرج اتحر شوية وارجع للتكييف واقول يح ايه النعمة ديه
حوض سمك وحركات
روقاااااااااان
انا لو منك لو الحوض اكبر انزل اضرب غطس مع السمك ... وماحدش احسن من حد
هههههههههههههههه
ربنا كبير
كل حاجه نعمه كبيره
جايز شويه الحر دول بيقتلوا البكتيريا اللى ماليه الجو
هو حد عارف
انا طبيعي طبيعي متعوده على ضعف كده مرتين تلاته ولما بكون في مصر بحس اني في سويسرا بالنسبه للامارات ولله
يلا نقضيها تكييف ٢٤ ساعه ومش هنحس بحاجه
وحشتيني جدا جدا جدا يا اجمل رورو في الدنيا طمنيني عليكي وعلى مريومه واخبار حفل التوزيع ايه_ انا سألتك يومها عندي عل مدونة قوليلي امتى وفين وانا هحاول اجي بأذن الله بس انتي طنشتيني كالعادة :(
هتروحي اللقاء يوم السبت؟
انا مش هقدر اروح عشان بدري اوي الصبح كده مع ان نفسي بجد كنت اروح بس يلا نعوضها بأذن الله احكيلي كل اخبارك وافتحي الياهو الي قفلاه ده
سلام كبير لمريم وميمي
هو الجو حر اه
لكن الصيام فيه ليه طعم تاني
علي الاقل الواحد بيحس انه صايم
انا عن نفسي بحب صيام الحر
بحس بقيمته وحكمة الصيام
المهم انتي اصلا ايه بيخرجك بقه
هاتيلك حوض وبلبطي فيه وسيبك من الخروج
اعذريني لغيابي واتمني تكوني بخير
وكل سنة وانتي طيبة
بس قولى يارب تكون السنة كلها رمضان والله هتكون احلى من كده وربنا هيعطينا الصبر والجلد .
كل سنة وانت قاعدة فى التكييف .
نفرتارى
كل نار جهنم اشد حر لو كنتم تعلمون
صدق الله العظيم
Nasimlibya
أكيد نفس الحر ونفس الجو فى ليبيا أنا عارفة لأننا مشتركين فى سما واحدة وجو واحد ماإحنا جيران والجدار جنب الجدار
تحياتى
Tarkieb
والله فعلاً ماحدش عاجبة حاجة
إجنا كمان لما بيجى الصيف بنقول إمتى الشتا يجى ولما الشتا يجى بنتلج ونقول إمتى يمشى
أشكرك على زيارتك وتعليقك
الازهرى
يا خبر أنا عارفة إن الجو فى الجنوب صعب قوى قوى
ربنا معاك وترجع بالسلامة
الازهرى
حفل التوقيع كان جميل بس للأسف الشديد أنا كمان ماروحتش
حصلتلى ظروف فجأة منعتنى من الحضور
اســ الغربه ـــير
أشكر على زيارتك وتعليقك اللطيف
تحياتى
ذو الوجه المبتسم
هوه أنا الحقيقة مش فاكرة المسرحية دى
لكن أنا عارفة إن الحر عندكم أشد من عندنا بكتير
كان الله فى عوننا جميعاً
اعشق فى الليل ضوء القمر
انا فعلاً بأستغرب زيك كدة برضة من المدخنين وبأسأل نفس السؤال
أشكرك على زيارتك وتعليقك المفيد
مسائك سكر
الاول بعتذر عن غيابى عنك
بس و الله وحشتينى وحشتنى كتابتك جدا
يارب تكونى بالف خير يارب
ربنا يرحمنا يارب من الحر دا
هو الحل الاكيد الايس كريم فى الحر دا
له مفعول السحر والله
ربنا يرحمنا فى رمضان يارب
كل سنة وانت طيبة
ويارب رمضان كله خير وطاعة يارب
تحياتى
يويو
ايه ده ؟
موضوع تحفة بجد كتابتك هايلة
فى حد يغير من السمك ؟
طب غير من الناس الاغنيا بتوع مارينا
ولا من المسؤيلين اللى متكيفين !!
( ماتفهمش غلط)
تقبل مرورى
ربنا يهون عليكي الحر ويقوينا في رمضان وإن شاء الله في رمضان ربنا فعلاً بيدينا قوة غير عادية علي الصيام مش موجوده في الايام العادية وعليكي باللبن الرايب علشان العطش وربنا يقوي كل واحد علي ظروفه فالله يكون في عون أصحاب المهن في الحر وخصوصاً في رمضان ويقوي الناس علي المواصلات والزحمة وإن شاء الله الأجر علي قدر المشقة ونسأل الله أن يتقبل منا رمضان.
تقبلي مروري وكل سنه وحضرتك والأسرة بألف خير
هههههههههههههههه بتحقدى على السك حرام عليكى
ربنا معانا يا رب
عاااااااااااااااااا مش تفكريني بقي الحر مجنني عاااااااااااااااااااااا
كل سنة وانتي طيبه ياقمر
كل سنة و انتى طيب يا رب و بصحه و سلامة
احنا فأسكندرية بقى انسى الدنيا
:p
ريمان
ااااااه
والله فعلاً عندك حق أمال يوم القيامة هنعمل ايه؟
ربنا يتولانا برحمتة بقى
شرفتينى
aMr tA3LaB
يا بختك ياعم عقبال عندنا
دة مش قر ولا حسد خالص على فكرة
تحياتى
صباح الصباح
وأنا راجع فى الحر وبأشوفهم بيبلبطوا بأتمنى أكون سمكة فعلاً وأعيش طول اليوم فى المية
شرفتنى بزيارتك الغالية
romansy
أكيد أنا متأكدة إن كل شىء بيحصل فى الحياة بتكون ليه حكمة من الخالق حتى لو كنا مش قادرين نشوفها
أشكرك على تعليقك المتميز
marmar
أخبارك ايه وحشتينى موت ووحشتنى تعليقاتك الجميلة
أنا فعلاً مابأفتحش الإيميل إلا نادراً ومريم محتلى الكمبيوتر فى الأجازة على طول وكنت طبعاً مشغولة اليومين ال فاتو جداً وشرحتكلك الظروف فى مدونتك
نسيت أقولك عقبالك يا أحلى مرمر
maha zein
أزيك يا مها يا جميلة الصيام فعلاً بيكون لية طعم مختلف وربنا بيدينا قوة وصبر
كل سنة وانتى طيبة
وأنا مضطرة أخرج فى الحر وأسيب البلبطة عشان أروح الشغل
تحياتى
نفرتارى
أهلاً أهلاً بصديقة الكفاح المشترك فى الحر
والشغل
حمدالله على سلامتك
وكل سنة وانتى طيبة
ادم المصرى
صدق الله العظيم
أشكرك على زيارتك وتعليقك
تحياتى
yoyo
أنتى كمان وحشتينى قوى يا قمرة
رمضان كريم عليكى وعلى الأمة الإسلامية جميعاً
تحياتى
بحب الحكومة
أشكرك على زيارتك الأولى وتعليقك الجميل
تحياتى
هيثــم رمضـــان
كل سنة وحضرتك بألف خير وصحة وسعادة ورمضان كريم
أشكرك على نصيحتك
سومه...مجنونه فى بلد عاقل
أهلاً أهلاً ايه الغيبة الطويلة دى ؟
كنتى مستخبية فين؟؟
نورتينى ورمضان كريم
كيــــــــــــارا
كل سنة وانتى طيبة ورمضان كريم
شرفتينى
مواطن مصرى نايم
حمدالله على سلامتك ورجوعك لعالم التدوين
يعنى أحقد عليك وله على السمك ؟؟
كل سنة وانت طيب
إرسال تعليق