السبت، 28 نوفمبر 2009

العيد فرخة وبطة و وزة

من كتر الأكل
تم تغيير أغنية العيد فرحة
بالعيد ( فرخة ) وكل سنة وانتم مبسوطين
********************
كلاكيت تانى مرة
أأأأأأأأه يا بطنى
بطنى هتنفجر ....
أنا جاتنى تخمة مركبة
وعندى أنتفاخ وسوء هضم
وتضخم فى المعدة
وإنبعاج فى القولون
وصراخ فى الأمعاء الدقيقة والغليظة
ومظاهرة عاملاها بقية أعضاء الجسم
كتبوا فيها .......
نشيد العيد الكبير :

يا ريتنى ماشفت اللحمة ولا أكلتها
يا ريتى ما تبلتها وظبتها
يا ريتنى ماشويتها ولا سلقتها
يا ريتى ماكنت خرجت من عتبة بيتنا ولا عتبتها
كل ما أزور واحدة تحلف وتتقطع عشان أدوق أكلها
هية الواحدة ليها كام بطن عشان تتحمل أكل ضعف وزنها ؟
كنتم فين أيام رمضان ؟
يا ما أكلنا فى موائد الرحمن
وما فيش واحدة عزمتنى عندها !!!
والله خايفة أبص فى المرايا
ألاقينى شبة الخرفان من كتر أكل لحمها
كل سنة وانتم طيبين
خلاص
أنا هأصوم عن اللحمة
ومش عاوزة حد يجيب سيرتها
ولا يقول إسمها
*******************
لماذا أحبك (بوست على عالمى الخاص)

هناك 40 تعليقًا:

عاشقه الرومانسيه يقول...

اول تعليق؟

عاشقه الرومانسيه يقول...

انا كمان تعبانه طوووووووووول النهار
وقلت لماما لا لحمه بعد اليوم
تفتكرى الفته هى السبب؟؟؟!!!!

يا مراكبي يقول...

أنا لو منك كنت أكلت كحك أحسن وأخف من اللحمة دي .. وخصوصا إنها ضاني ومليانة مليون سعر حراري بسبب الدهون

أو أقولك .. قضيها سمك وخلاص

:-)

كل سنة وإنتوا طيبين

ريتاج يقول...

عيد سعيد عليكى حبيبتى وينعاد بالخير

تحياتى

ريتاج

♥نبع الغرام♥♪≈ يقول...

عيد سعيد عليكى وعلى الامة الاسلامية جمعاء

تحياتى لحضرتك
ايناس

لاسع افندى يقول...

كل سنه وانتى طيبه وعيد سعيد


تحيه لاسعه معاها طبق لحمه

اقصوصه يقول...

عسى ايامكم كلها عيد :)

romansy يقول...

هههههههههه
كل سنه وانتى طيبه
هى ضريبه الكل بيدفعها

استحملى شويه

جلال كمال الجربانى يقول...

"العيد فرخة وبطة و وزة وخروف"
ومين سمعك
احنا لازم نقلع عن أكل اللحوم بس بعد العيد
ياريت نقدر
وكل عام وأنتِ بخير حال

blue-wave يقول...

ههههههههههههههههههههه
راشعه بجد
كل سنه وانتى بالف خير

بنت بتحلم يقول...

ههههههههههههههه
حلوه بجد
تسلم ايدك

حنين يقول...

كل سنه وانتى طيبه يا صديقه عمرى
ويارب يجمعنا دايما على خير
لكى حبى وفؤادى

اعشق فى الليل ضوء القمر يقول...

اللى مش عاوزه تأكوليه هاتيه لينا واحنا نقوم بالواجب

هيثــم رمضـــان يقول...

كل سنه وإنتي طيبه

تحياتي

مُهاجر يقول...

خلاص ...لقيت لكم الحل
نهاجر..
نهجر اكل اللي مُش عايزه حد يقولك أسمها
لماذا نهاجر؟
أبحث عن اجابه للسؤال
الدال علي الخير كفاعله.

صدى الصمت - عاشقة الورد - يقول...

عاشقه الرومانسيه
أول تعليق وأحلى تعليق
ويارب منورانى دايماً

صدى الصمت - عاشقة الورد - يقول...

عاشقه الرومانسيه
ممكن تكون الفتة ضلع أساسى فى المؤامرة لأنها بتفتح النفس وتجرى الريق
كل سنة وانتى طيبة

صدى الصمت - عاشقة الورد - يقول...

يا مراكبي
إنت بتقول فيها إحنا فعلاً هنقضيها سمك وشوربة خضار وبيتزا وحاجات كدة لمدة إسبوع
كل سنة وإنتم طييبين يا حبيبى

صدى الصمت - عاشقة الورد - يقول...

ريتاج
ميرسى ليكى كتير
كل عام وإنتى بألف خير
نورتينى بزيارتك الجميلة

صدى الصمت - عاشقة الورد - يقول...

الأحــــــ إيناس ــــــزان
ميرسى يا قمر
كل سنة وإنتى بألف خير وصحة وسعادة
تحياتى لكِ أيضاً
وشرفتى المدونة

صدى الصمت - عاشقة الورد - يقول...

لاسع افندى
أشكرك على المعايدة الجميلة بس والنبى بلاش طبق اللحمة خدها منى هدية ليك وإنت خارج من المدونة
تحياتى

صدى الصمت - عاشقة الورد - يقول...

اقصوصه
أشكرك على معايدتك الرقيقة وعلى زيارتك الغالية
وكل عام إنتى بألف خير وصحة وسعادة

صدى الصمت - عاشقة الورد - يقول...

romansy
ما أنا مستحملة أهوة والله
كل سنة وانت كمان طيب
وميرسى لزيارتك

صدى الصمت - عاشقة الورد - يقول...

واحد من العمال
كل عام وحضرتك بألف خير
وأشكرك على زيارتك وتعليقك

ذكرى رحيل قلم يقول...

السلام عليكم

كل سنة وانت طيبة
معلش بقي متأخرة بس كان عندي شويا ظروف صعبة
والحمد لله علي كل شيء
بس ليه كدة كل ده رثاء بسسب اللحمة
بس نسيتي تقولي مع اننا طول السنة بنشتقلها
عشان قافية البوست
هههههههه


دمتي بكل حب ومني ليكي باقة ورد

Tamer Moghazy يقول...

كل سنة وانت طيبة
مدونتك حلوة

صوت من مصر يقول...

العيد خلص خلاص

صدى الصمت - عاشقة الورد - يقول...

blue-wave
دة رأى أعتز بية وخصوصاً إنة من إنسان مخضرم فى الشعر
كل سنة وإنت بألف خير

صدى الصمت - عاشقة الورد - يقول...

بنت بتحلم
ميرسى ليكى كتير
نورتينى

صدى الصمت - عاشقة الورد - يقول...

حنين
وإنتى طيبة يا أحلى صديقة
بس جملة ( لكى حبى وفؤادى ) دى فكرتنى بطابور المدرسة والنشيد الوطنى بلادى بلادى
ههههههه
سلام مؤقت يا قمراية

صدى الصمت - عاشقة الورد - يقول...

اعشق فى الليل ضوء القمر
هههههه
والله فكرة ... إنت إبعتلى بس العنوان وأنا أبعتلك الفتة واللحمة
وبالهنا والشفا

صدى الصمت - عاشقة الورد - يقول...

هيثــم رمضـــان
كل سنة وانت بألف خير
وياريت تكون بتقرأ الرد لأنى عاوزة أقول حضرتك إنى بأعانى جداًجداً لما بأحب أترك تعليق فى مدونتك وكتير مابأنجحش فى إنهاء التعليق وعلى فكرة فية أكتر من صديق آخر لمدونتك بيقابل نفس المشكلة
ياريت تجعل صفحة التعليقات منفصلة عن صفحة البوست عشان المشكلة تنتهى
تحياتى

صدى الصمت - عاشقة الورد - يقول...

مُهاجر
ليه بس كدة البلد دى أحسن من غيرها
مش معقول ههاجر عشان مش عاوزة آكل لحمة
تحياتى

صدى الصمت - عاشقة الورد - يقول...

ذكري رحيل قلم
كل سنة وانت طيبة يا حبيبتى ومافيش أسف أو تأخير المهم إنك تكون بقيتى بخير وصحة وسعادة
وفعلاً جملة حلوة وماشية على القافية أبقى أضيفها السنة الجاية إنشاء الله
تحياتى

صدى الصمت - عاشقة الورد - يقول...

Timo..
وانت طيب وبصحة وسعادة
أشكرك على زيارتك وتعليقك
شرفتنى

صدى الصمت - عاشقة الورد - يقول...

صوت من مصر
عارفة والله
عندى فكرة إن العيد خلص خلاص
أشكرك على زيارتك
شرفتنى

ريمان يقول...

كل سنه وانتى طيبه يا قمر

معلش جت متاخر معلش كان عندى ظروف والله مكنتش بدخل نت فى العيد


تحياتى ليكى


ربنا يسعد اايامك ويجعلها عيد فى عيد

غير معرف يقول...

كل سنه وانتى طيبه

صدى الصمت - عاشقة الورد - يقول...

ريمان
ميرسى يا ريمو يا قمر أنا عارفة إن كل الناس مشغولة من قبل العيد
ربنا يسعد أيامك
إنتى تنورينى وتشرفينى فى أى وقت

صدى الصمت - عاشقة الورد - يقول...

7annen
وإنتى بألف خير وصحة وسعادة
شرفتينى