لأ طبعاً
مش الطيارة إل فى الصورة
كان نفسى أطلع طيارة
يعنى شغلتى إنى أسوق طيارة
ويقولولى يا كابتن
كابتن صدى راحت
كابتن صدى رجعت بالسلامة
وكدة يعنى ....
ياسلالالالالالام
أكون طول النهار بين السحاب والفراغ اللانهائى
وأشوف كل حاجة من فوق
فووووووووق قوى (مش غرور والله)
وألاقيها صغنووووونة قوى
وأكون جريئة وقوية ويعتمد عليا
وأكون مسؤلة عن أرواح الناس وأحس إنى بأدى مهمة عظيمة
وياسلام بقى لو الطيارة إتخطفت وإستريحتم منى
هتكون المهمة العظيمة خلصت على أكمل وجة
وطبعاً أول واحد هيبعت جواب شكر للمختطفين هو
زوجى العزيز ( شيكابالا )
ويلية أهلى ثم أصحابى ثم أصدقاء المدونة طبعاً
بس دى مش هتكون نهاية القصة
لأنى هأتغلب على المختطفين طبعاً (ما أنا هيرو بقى)
وأنقذ الطيارة بالركاب ال عليها
وأعود لكم كعودة الفاتحين المنتصرين
وهأكون بطلة ومشهورة فى كل وسائل الإعلام
ومش بعيد يتعمل عنى مسلسل فى رمضان الجاى
أنا بأقولكم من دلوقت أهو عشان تعملوا حسابكم
وتحاولو تلحقوا تتقربوا منى قبل الفرصة ماتضيع
كانت معكم كابتن صدى الصمت من أعلى نقطة مراقبة على سطوح منزل الزوجية
والسلام ختااااام
هناك 42 تعليقًا:
ههههههههههههههه الفيلم دا شوفته قبل كده على 2
مش دا بتاع ميل جبسون لالالا بروس ويلز صح
بس المترجم قال صدى اللى هاتقوم ببطولته والله بفهم المترجم دا هههههههههههه
والله يا صدى كان نفسنا فى حاجت كتير
انا مثلا كان نفسى موووووووووت اطلع ظابطه لالالا مش ظابطه على كام ظابطه شرطه
هههههههههههه وبعدين هبلت العيله علشان معهد التمثيل طبعا قابلت مالايحمد عقبا ههههههههههههه
كتير كان نفسنا فى حاجات بس ياخساره
واتعلمت فى الاخر ان ربنا يوفقنا للاحسن
فعلا فى كل حاجه
بس الاكيد انك كنت هاتطلعى طياره جامده مش ورق هههههههه
تعرفى بقى انا لو دفعولى فلوس ماركبش الطياره دى اصلا انت جريئه
يعنى شغلتى إنى أسوق طيارة
انا بقه كان نفسى اشتغل معاكم الم الاجره فى الطياره وانادى على الركاب فى الموقف
تحياتى
ههههههههههههههههههههههههههههههههههههههههههههههههههههههههههه
عجبتني قوي يا صدي فكرتيني بنفسي في وقت من الاوقات
والله تطلعي طيارة تطلعي اتوبيس احنا معلكي على الحلوة والمرة
ومن دلوقتي بنجهز جواب الشكر لقراصنة الصومال بتوع الجو
في واحدة اعرفها اسمها فكرة كانت وهي صغيرة بتنبهر بعسكري المرور
\وبتفتكر ان كل العربيات دي تعرفه وبتحترمه وباشارة واحدة من ايده يقدر يوقف البلد كلها على رجل
فكانت بتحلم تبقى عسكرية مرور
بلاش ضحك لو سمحتي
دي امنيتي ايضا
أول مرة أشوف حد عايز يطلع طيار عشان الطيارة تتخطف
:-)
عموما لسه الأماني ممكنة على فكرة .. لسة ممكن فيه فرصة تتعلمي ثيادة الطيران عادي .. الموضوع مش مستحيل بس هيحتاج كذا سنة وفلوس طبعا
والأهم انك تلاقي شركة الطيران اللي تشغلك
:-)
إحم
احنا اتعودنا مفيش مجاملة
وعلشان كده لازم ألحق أحجز التانى بعد شيكابالالالا
أنا حلمت أسوأ من كده بكتييييييييييييييير
تخيلى إنى جه وقت وأن بأقرأ عن فتى الستينات والسبعينات وموضة خطف الطائرات إنى أطلع بأخطف طيارات بس كانت المشكلة عندى دايما
أطلب إيييييييييييه ؟
تحياتى لإتحاد الطيارين ( والطيارات طبعا ) الدولى
ههههههههههه
ازيك ياقمر
ايه ياعم الاحلام الجامده دى
ماشاء الله عليكى
بس احنا بنحبك ومش عاوزينك تتخطفى ولا تبعدى عننا
لان حد جميل كلنا بنحترمه وبنقدره
ربنا يحقق ليكى احلامك
ويارب اشوفك سعيده ومبسوطه على طول
ازيك ياصدى ..كلامك جامد وحلو اوى اوى حسيت منه اد ايه انك رقيقة وبريئة جدا فى احلامك ورؤيتك للحياة..ربنا يسعدك ويوفقك وتحققى كل احلامك انشاء الله..على فكرة انا اتعرفت مرة على طيارة امريكانية .. كانت بداية احلامها كدة زيك بالضبط ..بس انتى عندك الروح المصرية اللى مالهاش زى فى الدنيا
هههههههههههههه وحقرصك عشان تصحى شويه وتعرفى انك ع الارض
انا برضو كان نفسى ابقى سوبر وومن :)) والنبى لايق عليا :))
حمدالله علي السلامة يا كابتن من حلمك الجميل .
تحياتي
وايه يعنى منا كان نفسى اطلع فريزر علشان متعصبش اوى كده
ومحدش بيحتاجنى ولا يجى نحيتى كتير
ال طياره ال
ههههههههههه
بوست جميل تسلم ايدك
تحياتى
richardCatheart
ههههههه
حلوة طيارة ورق دى
بس على فكرة ركوب الطيارات شىء ممتع جداً يا ريت تجمى قلبك شوية وتجربى الموضوع دة
شرفتينى بتعليقك الجميل المميز
لاسع افندى
هههههه
ل أنا قصدى طيارة جامبو من ال بتطير فى الجو مش ميكروباس جامبو من ال بيطير من فوق المحور
ميرسى على تعليقك اللذيذ
هوبتي
ههههههههه
من الواضح ان الحلم دة كان بيراود ناس كتير
شرفتى المدونة بزيارتك الجميلة
فكرة من الزمن ده
ههههههه
لأ دة مش ضحك ولا حاجة
هههههههه
بس والله حلم جميل ومليان براءة زيك يا أجمل فكرة
ميرسى على تعليقك الرائع
شرفتينى
Sharm
ربنا يحققلك كل أمانيك
نورت المدونة
لك تحياتى
يا مراكبي
أخى الحبيب أنالالو حلمت أطلع طيارة عادية مش هأكون مميزة لكن لما الطيارة تتخطف هأشتهر وهأكون مميزة عن كل الطيارين والطيارات وخصوصاً لما أبقى هيروو وأنقذ البشر
هههههه
شرفتنى بزيارتك الغالية
سلامى للجميع عندك
فعلا كتير له احلام بس عشان تعرفي انتي هتنجي لو طلعتي الي بتحلميه ولا لا جربي انك تكونيه يعني مثلا جربي انك تقودي سيارة فيها خمس اشخاص يعني ممتلئة وامشي في الشوارع شوفي كمية الانبساط الي هتبقي فيها
**كان نفسي اطلع مهندس بس فشلت في تحقيق ده عشان الثانوية و كده بس انا متاكد اني مكنتش اقدر اطلع مهندس لان المهندس شبه مقيد ولا كنت اطيق مذاكرة هندسة
بوست جامد يا طيارة فوووووووووووووو
ههههههه طب احمدي ربك بقى عشان لو كنت طلعتى طيارة واتعينتي في شركة الشروق كانو فصلوكي اول ماتلبسي الحجاب زي نيرين سالم....وكنت حتطيرى برضه بس على برة ....اكسو برة ....
بس انا حاجز تذكره سفر على متن تلك الرحله
مليش دعوه
تحياتى و لخيالك الرقيق
السلام عليكم
ازيك يا ورود عاملة ايه يارب تكوني بخير انا جيت اسأل واطمن
لاحظت تكرار غيابك لعله خير
ان شاء الله
دمتي
صديقتى الغاليه
عاشقه الورد
معلش التعليق متأخر انتى عارفه
بس المهم البوست ظريف وخفيف
بس طبعا هتاخدينى معاكى على الرحله
ما احنا مش اصحاب اونطه يانطير سوا يا ننزل سوا
تحياتى يا كابتن صدى
واضح إن القعدة
على سطووووح الزوجية
أثرت عليكي
متكليش بيض ولا سمك
ومتقعديش على السطوووح
أكتر من كدة
هتبقي كويسة إن شاء الله :)
ايه ده..؟؟
انت كمان..؟؟!!
طب ما تيجي نشتري طيارة شركة..
يعني انا الربع وانت الباقي..
ونشغلها اجرة..
وانا اسوقها يوم..وانت يوم..
ولما نيجي نتخانق ونختلف وننفصل اخد انا التلتين وانت التلت :)
اييييييه رايك...؟
(';')
دمك عسل اوى
افتكر ده فيلم اختطاف طياره الرئيس
بس النسخه العربيه
لا بجد دمك عسل
نحياتى
اسفه على التأخير يا عمرى
لكن بدعيلك ربنا يحقق كل احامك يارب
موضوعاتك دائما مميزة
تحياتى
الازهرى
هههههه
ماشى يا عم
عموماً شرفتنى بزيارتك الغالية
وكل خطف طيارة وانت طيب
شذا الروح
ميرسى يا حبيبتى على الكلام الجميل دة
كتير عليا والله
ربنا يسعدك دايماً
وتنورينى دايماً
sabry abo-omar
ههههههه
معقول الأمريكان بيفكروا يخطفوا طيارات زينا ؟
ولة قصدك كان حلمها تسوق طيارة ؟
عموماً المصرى يكسب برضة
أشكرك على زيارتك وتعليقك المميز
سومه...مجنونه فى بلد عاقل
ههههههه
أكيد طبعاً كنتى هتبقى أحلى سوبر ومان
بس ساعتها ممكن تطيرى وتنقذى ركاب الطيارة المخطوفة وأنا مش هأبقى هيرو
هههههه
شرفتينى بزيارتك الغالية
هيثــم رمضـــان
الله يسلمك
أشكرك على زيارتك الغالية
تحياتى
momken
ههههههههه
بجد فكرة حلوة قوى موضوع الفريزر دة
ربنا يحققلك كل أحلامك
نورتنى
aMr tA3LaB
ميرسى قوى على تعليقك الرائع وزيارتك الغالية
ربنا يحققلك كل أحلامك
Tarkieb
الحقيقة أنا بالفعل محجبة وبالتالى إحتمالات موافقتهم على تعينى هتكون ضعيفة وعشان كدة أنا بأحلم وعارفة ان حلمى صعب تحقيقة
تحياتى لزيارتك
اعشق فى الليل ضوء القمر
ياسلام
والله حضرتك هتنور الطيارة بركوبك فيها
شرفتنى بزيارتك وتعليقك
ذكري رحيل قلم
الحقيقة أنا سعيدة بسؤالك عليا وسعيدة ان حد حس بغيابى
معلش الظروف كانت أقوى منى ومنعتنى عن التواصل لفترة
لكن هأحاول انتظم الفترة الجايةبإذن الله
تحياتى ليكى كتير
حنين
هههههههه
مابلاش تيجى معايا أحسن نغرق فى المحيط سوا
انتى برضة عندك عيال عاوزة تربيهم
هههههههه
بس خلاص مادام مصممة يبقى يا نطير سوا يا ننزل سوا
سلام مؤقت
!!! عارفة ... مش عارف ليه
ههههههه
أشكرك على النصايح الغالية دى
شرفتنى بالزيارة
Timo..
اية بقة موضوع التلتين والتلت دة هية ترك وهنقسمها ؟
أنا مش موافقة طبعاً يا النص بالنص
يا بلاش منها الشركة دى خالص
ههههههه
شرقتنى بزيارتك الغالية
الشـــــوكه النــاعمة
ميرسى لذوقك وتعليقك اللذيذ
شرفتينى بزيارتك
جايدا العزيزي
مافيش تأخير ولا حاجة
دايماً منورانى بتعليقاتك المتميزة
دمتى بكل الود
إرسال تعليق