طبعاً بعد كل أصحابى وحبايبى ما جربوا خطة الأنتخة
(بتاعت يوم الخميس)
أحب أعترفلكم بسر خطيييير وهوه :
أن أنا بمناسبة الأوكازيون عملت خصم 30% على أيام الإسبوع
وقررت إلغاء يوم الجمعة ويوم الثلاثاء
وكفاية علينا 5 أيام فى الإسبوع
وطبعاً عندى أسبابى :
وقررت إلغاء يوم الجمعة ويوم الثلاثاء
وكفاية علينا 5 أيام فى الإسبوع
وطبعاً عندى أسبابى :
قررت ألغى يوم الجمعة لأن بعد أنتخة يوم الخميس والرحرحة والإسترخاء التاااام
هتصحى أصلاً بعد العصر أو قبل المغرب بشوية
وهتكون طبعاً مش مركز و مدروخ وجسمك مدغدغ من كتر الأنتخة
ومش هتعرف الفرق بين الكوسة والمسقعة
وهتكون طبعاً مش مركز و مدروخ وجسمك مدغدغ من كتر الأنتخة
ومش هتعرف الفرق بين الكوسة والمسقعة
وهتفتكرهم همة الأتنين كيكة
وفى الآخر هتسخنها فى الفيديو بدل الفرن (عادى طبعاً)
وفى الآخر هتسخنها فى الفيديو بدل الفرن (عادى طبعاً)
وعشان نحافظ على كرامة الكيكة
أأأ قصدى عشان نحافظ على آدمية الكيكة
ييييييي ووووووووه
معلش أنا مش مركزة أصلى كنت مأنتخة إمبارح
أقصد عشان نحافظ على صحتنا وف نفس الوقت مانتحرمش من الأنتخة
قررت ألغى يوم الجمعة لأنة كدة كدة ضايع ومش مستفيدين بية
وعشان الدنيا ماتتلخبطش هأخلية موجود فى مكانة وترتيبة الإسبوعى
لكن هأختار لة إسم تانى
هأسمية : سـامـيـة !!!!
لأ لأ لأ لأ... وبعدين أنا بأهنج كدة لية ؟؟
هأسمية : وائـل عشان ولد !!!!
يا اااااااااااا ه
انا آسفة معلش هأركز وأفتكر أهو
أيوة أيوة ........ هأسمية … هأسمية :
ملحق الخميس الإسبوعى
شوفوا حتى الإسم لذيذ ولطيف وجميل ازاى ؟
تحس كدة انة متناسق مع أنتخة الخميس
مش كدة ولة اية ؟
أما بقى يوم الثلاثاء فهيكون له قاعدة على رواقة
عشان أحدد خطتة المستقبلية
ومصيرة المحتوم
سلام
هناك 56 تعليقًا:
هييييه أول تعليق هييييييه بس للأسف معرفتش اتأنتخ أول امبارح خالص والسبب "وأوأة ابن اخويا طول الليل" يلا هسامحه وأمري لله اما بقى الجمعه اقصد ملحق الخميس الاسبوعي"سامية سابقا" ف ده يوم روحاني باخده فراغ من الدنيا بحالها وبعد طول اليوم مع نفسي يا بعيط يا برسم يا بكتب شعر وخواطر_ وحشتيني يا رورو ولله ادعيلي والنبي بكره هتطلع نتيجة امتحاني يالهووووي دعواتكم معايا_
يادى الانتخة
وبعدين اية الانتخة دى كلها
انا كدة هاحقد عليكوا
هههههههههههه
بس اشمعنى التلات يعنى مع ان بيسموة كسر الاسبوع طب لو اتلغى يبقى الاسبوع وش كدة
هههههههههه
اية يا بنتى دة انتى دماغك لسعت على الاخر مزاكرة وشغل وانتخة على الاخر يا بختك كل سنة وانتى طيبة
السلام عليكم
ياسلام علي الانتخة
ياريت بقي تكون ايام الاسبوع كلها انتخة
اهو الواحد يرتاح شوية من يومه الروتيني المعتاد
كل ده غيبة و بعدين تيجي بأنتخة برضه؟؟؟
واشمعنا يوم الثلاثاء يعني.. مستنية اعرف
حرام و الله يوم الجمعة يضيع في الانتخة
لاااازم نخرج نحتك بالكون و الهوا و الجو ونستخدم عضلاتنا ونطلق عيونا
الجمعة الجاية تصحي بدري و تخرجي على اي حديقة ضروري ي ي ي
قال انتخة قال
انامش موافقة بقى
:)
ههههههههههههههه
يا شيخة طب الغى السبت بتاع اليهود
دا الجمعة حتى يوم اخر روقان و الله
بس انا موافق ماشى عشان متزعليش
بس بالنسبة للتلات من غير اى تظبيط او اسباب لحذفة انا موافق عليه
اه مش بحب التلات و لا الاربع خالص
بحس انهم بيعطلوا الاسبوع
ههههههههههههههه
تحياتى
اسلام
هههههههههههههههههههههههههه
والله انتى تحفه
طيب واللى عندة عمليات يعمل ايه؟
يأنتخ جنب المريض؟؟؟؟؟؟؟؟
ههههههههههههههههههههه
marmar
ازيك يا مرمر الكبيرةانتى عارفة طبعاً ان عندى مرمر الصغيرة وهية كمان خلصت امتحانات أنا دعيتلك ياريت تطمنينى على نتيجتك ،
و مدام يوم الجمعة إتلغى يبقى لازم نلغى معاة طقوس العياط والنكد دى وإضحكى للدنيا بقى ، انتى كمان وحشتينى سلام
صباح الصباح
الأنتخة دى نعمة وال يكرهها يبقى ماجربهاش صح قبل كدة
بلاش حقد وأنتخ انت كمان هتلاقى الدنيا جميلة وماشية عادى ،
أما يوم التلات فمشاكلة كتيرة عشان كدة قررت انى أكتبلة بوست لوحدة
غير معرف
بصراحة كلام فى سرك أنا محرومة من الأنتخة من ساعت ما إشتغلت والبنت دخلت المدرسة وعشان الممنوع دايماً مرغوب فتلاقينى بأحلم بالأنتخة وبأتكلم عليها كأنها كنز ومتعة غالية وصعب تحقيقها ونفسى الناس تحقق الحلم بدالى
سلام يا ؟؟؟؟؟
son~s egypt
أهلاً بيك
فعلاً الغرض الأساسى من كلامى ان الواحد يرتاح ويأخد هدنة من هموم ومشاكل الحياة عشان يقدر يبدأ الأسبوع الجديد بنشاط
شرفت المدونة ، تحياتى
hannoda
والله يا هنودة انا يوم الجمعة بأقضيه برة البيت ومافيش أنتخة بس دة أملى وحلمى ال بحاول أحققة ولسة مانجحتش فية،
انتى كمان ماتغيبيش علينا فى كتاباتك
سلام
مواطن مصرى نايم
والله يا إسلام أنا بأحب يوم الجمعة وبأكن لة كل إحترام وعارفة مكانتة كويس المشكلة بس انة بيجى بعد الخميس ولو السبت أو أى يوم غيرة جة بعد الخميس كان هوة ال هيتلغى مش أى يوم تانى عموما هنحاول ننظر فى أمره ، تحياتى
شرفت المدونة
blue_wave
أهلاً وسهلاً يا دكتور
بقالك كتير ماشرفتش المدونة
إحتمال كبير بعد إنتشار نظرية الأنتخة إن إحتياج الناس للعمليات يقل لأن الأنتخة هتريح الأعصاب والقولون والأعور والعين والقلب وكل الأجهزة تقريباً وبكدة مش هتلاقى حد تعملة عملية وتأنتخ انت كمان معانا
(سهلة ومحلوله أهى)
تحياتى
أختى الحبيبة
انتى لية بس عايزة تلغى يوم الجمعة
دة حتى فية ساعة مستجابة فيها الدعوات
فما عليكى غير انك تدعى وانتى مأنتخة
إن التلات يتلغى
(مع انى مش عارفة هوة مزعلك فى إية)
يالهوووي يامستهوي نجحت يا رورو نجحت لولولولولولولييي وبتقدير جامد جدا جدا كمان يا بركه دعائك يا رورو خلاص انا كل امتحان اخاف منه هقرفك بقى هههههههههههههه بالنسبه لمدونتي بقى مش عارفه ليه مش بتضاف عندك بصي اول ماتفتحي البلوج دوسي كليك يمين آد تو فيفورت وبأذن الله هتضاف وانا هبقى اقولك لما اكتب جديد وإن شاء الله هكتب الأسبوع ده لان وحشتني الكتابه ولله بس الفتره الي فاتت معرفتش اوفق بين الكتابه والدراسه بس خلصت ارخم امتحان في الدنيا الحمدلله أجدع واجمل سلام للبرنسيسة مرمر ست البنات وست الكل رورو حبيبتي..
دردشة على الماشى
أهلاً أهلاً بأختى المدرسة خطوة عزيزة
طبعاً إلغاء يوم الجمعة بالنسبالك يعد من الكوارث الطبيعية ودة لأنه اليوم الوحيد الأجازة عندك يامسكينةعموماً أنا قلت ف تعليق قبل كدة إن الجمعة مش مقصود بعينة وإنة يوم مقدس وعلى راسى والله من فوق بس هوة ال غلطان عشان بيجي دايماً بعد الخميس
خلاص ماتزعليش هننظر فى أمرة
سلام مؤقت
marmar
ألف مليون مبروك ودايماً متفوقة ورافعة راسنا كدة فى الدول العربية ،
بالنسبة لمدونتك أنا ضايفاها فى الفيفوريت لكن مش راضية تتضاف فى قائمة المدونات عشان يظهر أى جديد تكتبية ،وطبعاً المزاكرة أهم من إنك تكتبى جديد لما تبقى فاضية إبقى إكتبى براحتك، وسلامك وصل لمريم ميرسى ربنايخليكى ،باى
ههههههههههههههههه
جامدة جامدة بجد موضوع حلو اوى
انا كمان هاسمية على طول ملحق الخميس الاسبوعى
تقبلى مرورى
رورو دردشه على الماشي اختك اختك اختك يعني ولا صحبتك او قريبتك ? :D
والمراكبي كمان اخوكي اخوكي ولا قريبكم ؟؟ فهميني كده برااااااااحه انتوا التلاته كده بتحبوا التدوين هههههههههههههههههههههه ربنا يكرمكم يااارب يا قمر وانا هدخل مدونه المراكبي اهو دلوقتي وأرخم عليه قصدي اعلق عنده :D
واسلام كتب اخر حاجة بوست بيع يا عواد هشوف لو كتب غيره اهو ...
وبالنسبه ان البلوج مش راضي يضاف مش عارفه ليه بجد هسأل اسلام اصله بيفهم عني في حكايه البلوجات دي بما انه بيكتب من زمان ويارب تضاف عندك يا قمر..... تحياتي ليكي حبيبتي الغاليه
نيرة ومنة
أهلاً وسهلاً شرفتونى
أشكركما على التعليق مع إنى مش عارفة مين ال علقت فيكم منة أم نيرة ؟؟
تحياتى ليكم انتو الأثنين
marmar
حبيبتى مرمر
والله دردشة والمراكبى الإتنين إخواتى لزم ومن أمى وأبويا وإحنا عندنا مرض فى العيلة إسمة الكتابة ومرض تانى هوه حب القراءة من صغرنا وأخويا المراكبى هوة ال إبتدأ موضوع التدوين دة وشجعنا وإحنا كملنا وراة
تحياتى
يا حبيبة قلبي يا رورو ربنا يخليكم لبعض ياااارب ويحرسكم يا قلبي..
بس مش عارفه اقول لدردشه يا ايه !!!
ادلعها اقولها ايه طيب؟
marmar
مش عارفة والله بس عموماً ممكن تقوليلها يا ريرى عشان تفرقى بينى وبينها أو تقوليلها أم البنات عشان هية عندها 3 بنات قمرات (عقبالك) ، تحياتى وعيد مبارك عليكى
وانتي بألف خير وبصحه وسلامه يارب يا رورو يا حياتي وان شاء الله انتي كمان يكون عندك بدل تسعتشار بنت وسته وتلاتين ولد :D
يا الله يا رتني كنت موجوده في الاوقات دي في مصر :( يلا الحمدلله على كل حاجة
تحياتي ليكي ولميرو و ريري ومراكبي
على فكرة انتم فاضين .. لا وراكم شغل ولا حاجة .. ولا وراكم هشام ولا الشرقاوى ... ولا نادية مثلاً ....
بــــوســــى
marmar
كل عام وانتى بخير والعيد الجاى تكونى معانا فى مصر بإذن الله
سلامك وصل لكل إخواتى ، باى
بوسى
يابنتى حرام عليكى ايه الظلم دة ؟
إنتى بالذات معانا كل يوم فى مطحنة الشغل بلاش إفتراء ،باى
كل عام وأنتم جميعاً بخير
رورو مين شيكابالا ؟ اللي بتحبيه موت ده :D
وحشاني اوي يا قمره انتي
سلامي لميروووووووووو
شيكابالا
وإنت طيب وبألف صحة وخير وسلامة وسعادة يا أحلى زوج فى الدنيا
marmar
ازيك يا مرمر وحشتينى
كل سنة وانتى طيبة
شيكابالا دى مدونة زوجى (أبو مريم )
وهوه أول مرة ينشر حاجة وكان لازم أفتتحلة المدونة عشان أشوف وشى هيكون حلو علية ولا لأ ، ربنا يستر
باى
يا حيااااااااااتي الف الف الف مبروك لووولووولوووولييي طبعاااا من غير نقاش انتي وشك زي القمر ولله العظيم كفايه قلبك الطيب وروحك الحلوة .. يارب يكرمك يارب يا رورو ويخلهولك هو ومريم وريري ومراكبي وكل الي بتحبيهم يا قمر لانك بجد انسانه نادره جدا في الزمن ده ..
وانا بجد سعيده بصداقتك الحلوة دي
تحياتي ليكم كلكم يارب..
اختك ريم.
اه نسيت اقلك انا كتبت بوست عن العيد جديد عشان قلتيلي لما اكتب اقلك اهو كتبت الصبح النهارده..
تصبحي على خير
marmar
الله يبارك فيكى
مش عارفة والله أقولك اية على كل الكلام الحلو ال بتقولية دة لأنه أكتر من ال أنا أستحقة بكتير
ربنا يخليكى انتى قلبك أبيض ونقية وجميلة قوى
أنا كمان سعيدة بصداقتك جداً جداً
تحياتى
marmar
من غير ماتقولى ياقمر أنا كل شوية بأدخل عندك وأشوف كتبتى ولة لأ
وفعلاً أنا دخلت قريت وعلقت كمان
بس لقيتك حولتى التعليقات على إيميلك قبل النشر
وعموماً دة أحسن منعاً لوجع الدماغ وحرقة الدم
سلام
العزيزة صدى الصمت
هذه المرة لو اغمضت عينى سأسمع جارفيلد
يقول
i hate mondays so no mon day any more
happy tuseday
اتفق معكى فى الثلاثاء
وليس الجمعه لاننى احبه كثيرا وهو يوم راحتى واذا الحقته بالخميس سيكون ملحق يوم عذابى
تحياتى دوما
ههههههههههه
اما نشوف يوم التلات هيطلعله ايه كمان
:)
كل سنة و انتي طيبة يا قمر
حبيبه قلبي انتي تستحقي اكتر من كده بكتيييير ولله العظيم انتي انسانه فوق الوصف وتعليقك وصلني يا قمر ربنا يخليكي ليا يا سكره وانا عملت اشراف عل تعليقات زي ما قلتي منعا للصداع
خلي بالك من ميروو . سلامي ليكم جميعا
باااي
الأزهرى
أهلاً بك شرفت المدونة
والحقيقة ناس كتير إعترضت على إالغاء يوم الجمعة وفى الغالب هننظر فى أمرة ونرجعة عشان ماحدش يزعل
أشكرك على زيارتك وتعليقك ،
عيد سعيد
esraa hamed
أهلاً يا إسراء ياقمر
نورتينى وكل سنة وانتى طيبة
marmar
حبيبتى الجميلة مرمر الكبيرة
متابعتك ليا والله بتسعدنى قوى وكلامك بيشجعنى وبيدينى ثقة فى نفسى
ربنا يخليكى
انتى كمان خدى بالك من نفسك
باى
ههههههه
بوست جامد موت
حلوه فكره ملحق الخميس هجرب الإسبوع ده اقصد الخميس القادم
الأنتخه ونشوف
تحياتى ليكى
*أعشق فى الليل ضوء القمر*
الحقيقة إسم مدونتك جميل قوى وأكيد هأزورها عن قريب بإذن الله
أهلاً بيك شرفت المدونة
ابقى جرب الأنتخة وقولى رأيك فيها اية
تحياتى وكل عام وانت بخير
معرفش انا سمعت اسم الجرنان ده فين قبل كده
عجيبه دي
ملحق الخميس الاسبوعي
تمام
انا هانتخ انا كمان طول العيد بقه ومش هسميه العيد لا انا هسميه ملحق العشرة الاوائل
انتي هنا ولا مانتخة؟
كل سنة وانتي بخير
كل سنه وانتى طيبه وعيد سعيد انشاء الله
واهو العيد فرصة كبيرة للانتخه ....
ارق تحياتى
maha zein
كل سنة وانتى طيبة شرفتى المدونة
أكيد انا كمان ماصدقت ان أجازة العيد جت عشان أأنتخ براحتى
ابقى طمنينى وقوليلى لغيتى كام يوم من أيام الإسبوع بعد التجربة
*بس خلاص*
فعلاً انا لسة حالاً كنت بأقول ان العيد كان حلم حياتى لآن أجازتة طويلة السنة دى وهأنتخ براحتى
كل عام وانتى بألف خيـر
نورتى المدونة
تحيا الديموقراطية
كل سنة وانت والاسرةالكريمة فى خير وسعادة وهناء
يا سلااااااااام
أنا بقى عاوز ألغى كل أيام الاسبوع عدا الجمعة و السبت
لأنهم أجازة عندنا
يلا مهو كلها أحلام
ههههههههههه
لو اتكلمت بصراحة هقول
أنا عاوز 10 أيام زيادة على كل أسبوع
لأنى لا أجد وقتا لإنجاز كل آمالى و طموحاتى
ربنا يبارك فى السبعة بتوع الأسبوع بقة
مفيش فى ايدينا التغيير
لو لو عرفتى تزودى 10 ايام ابقى قوليلى
هتعملى لى معروف جامد
د.حماس
الأزهرى
أشكرك على متابعتك
إحنا مدونة ديموقراطية والحمد لله ومانحبش نزعل حد فى العيد
كل سنة وحضرتك طيب
dr.hamas
أهلاً بك شرفت مدونتى المتواضعة
الحقيقة فكرة إضافة أيام زيادة ماجاتش فى بالى خالص أنا كل همى أخلص من الأيام ال عندى
عموماً هنفكر فى الموضوع دة ،
تحياتى
وكل عام وحضرتك بخير
(`'·.¸ (`'·.¸*¤* ¸.·'´) ¸.·'´)
♥*** happy feast ***♥
(¸.·'´ (¸.·'´*¤* `'·.¸) `'·.¸)
kochia
كل عام وانتى بخير أشكرك على التهنئة الرقيقة
كل سنة و انت طيبة يا جميل
وكل عيد و انت طيبة
يارب يكون عيد سعيد عليكي و على كل ناسك
وتقضيه شوية انتخة و شوية انطلاق.. عندك أهو أجازة طويلة لحد السبت
:)
hannoda
كل عام وانتى بخير وسعادة وصحة وأنتخة برضة وفسحة وسهر ودخول وخروج
ماهى الأجازة طويلة وهنعمل فيها حاجات كتير غير الأنتخة طبعاُ
إرسال تعليق