كل سنة وانتم طيبين
أنا كنت محضرة بوست هأنشرة بعد العيد
لكن فجأة جاتنى هيدية فى أول يوم العيد
من (مواطن مصرى نايم)
وطبعاً أنا بأشكرة جداً جداً
والهدية هية تاج
ولأنة بمناسبة العيد وماينفعش يتأجلقررت أنشرة النهاردة
،
ماذا يمثل لك العيد؟ وما أكثر شىء يبهجك فى مظاهر العيد؟
العيد يمثل لى الفرحة والبهجة والخير والتراحم
أكثر مايبهجنى التجمع حول شىء واحد والإتفاق على هدف واحد فى نفس الوقت من كل عام************************************
أوصف لنا طقوسك فى العيد من ليلة العيد لآخر يوم ؟
ياااااااه كدة القاعدة هتطول قوى لأن الطقوس كتيرة
ومش عارفة أوصف الطقوس قبل الجواز ولة بعدة ؟؟
أكيد مختلفة
**********************************
إحكى لنا أطرف موقف حصلك فى العيد ؟
رحت أزور ناس قرايبنا وكان مشوارهم طويل قوى وبعد ماوصلت
إكتشفت إنهم قرروا يزورونا فى نفس الوقت
ومالاقوناش فى بيتنا ( القلوب عند بعضها )
*********************************
أكيد أهم حاجة فى العيد إنك تهنىء كل الأهل والأصحاب لأن دة بيدخل الفرحة فى قلوبهم
************************************
مين أول حد تزورة أو تكلمة عشان تهنيه بالعيد ؟
أول حد أحب أزورة والدى ووالدتى
وأول حد أحب أكلمة والد ووالدة زوجى
ماتفهمونيش غلط أهل زوجى ساكنين بعيد
ربنا يخليهم ويحفظهم جميعاُ
********************************
ايه الفرق بين العيد الحالى والعيد أيام الطفولة ؟
الفرق إن الواحد كان بيستمتع وبيفرح وبس
من غير مايكون شايل هموم أو مسؤلية فى أى حاجة
*********************************
كلمنا عن ذكرياتك فى العيد ؟
أحلى ذكريات العيد ركوب العجل والمراجيح والبمب والصواريخ واللبس الجديد واللعب لغاية ما نتهد
**********************************
تفتكر الحياة من غير عيد هتفرق كتير ؟
هتفرق كتييييييييييير قوى
للأسوأ طبعاً
*********************************
اية أجمل رسالة تهنئة بالعيد وصلتك ؟ ومن مين ؟
أبخل 3 :
من يلبس قديم ولديه جديد ،
من يجوع نفسة وطعامة يزيد ،
ومن لايهنـئنى بالعيد ولديه رصيد
بعتهالى أخى المراكبى
*****************************
لسة بتاخد عيدية ؟ من مين ؟ وبتديها لمين ؟
بأخد عيدية من الحكومة ( مكافأة العيد )
وبأديها لبنتى وأولاد أخويا وأولاد أختى
وأى طفل فى العيلة صغير أقابلة فى العيد لازم أديلة عيدية
(مش بأفشر والله)
******************************
اية رأيك فى التاج ؟
جميل جداً رجعنا لذكريات حلوة قوى
*****************************
تحب تمرره لمين ؟ أذكر10على الأقل
زوجى الحبيب (زمن الشيكابلا)
أخى المغترب (المراكبى)
أختى العزيزة (دردشة على الماشى)
ريم أو مرمر الكبيرة (إسم مدونتك كبير قوى)
صديقتى الغالية (الملاك الحزين)
حبيبتى شيماء على (قهوة بالفانيليا)
إسراء الجميلة (أحيانا وأحيانا)
هنودة (غربة)
صباح الصباح
لماضة
كوشيا (قصاقيص)
د.عمرو(كلام من القلب)
شفقة هانم وإحسان بيه
طهقانة (مع انى عارفة انها مابتحبش التاج )
الأزهرى (ذكريات)
متهيألى كدة كفاية أكتر من عشرة أهم
سلام بقى
هناك 37 تعليقًا:
العزيزة صدى الصمت
اول تعليق واول
كل سنة وانت طيبة يوم العيد
اجابات جميلة للغاية
ما عدا السؤال قبل الاخير
لان معناه ان الخارج عشرة اضعاف الداخل
وطبعا ان اسمى بعد رقم عشرة يبقى مفيش تاج
الأزهرى
كل عام وانت بخير
والله يافندم الأسئلة جاتنى كدة وأنا
كتبتها زى ماهية
لكن أنا فهمتها إن أنا أكتب عدد من الأسماء لايقل عن عشرة يعنى العشرة وفيما فوقها
وكون انى كتبت حضرتك بعد رقم عشرة دة مايقللش من قيمتك إطلاقاً
ولكن بدأت بالمقربين ليا فى صلة الدم والأصدقاءفى العمل وبعدها كتبت أصدقاء المدونة الدائمين
والترتيب مش مقصود منة أى إساءة
ولم يكن بحساب مسبق قبل النشر
وكل المكتوبين أحب جداً إنى أهديهم التاج بغض النظر عن الترتيب
لأن الإجابات بتزيد من معرفة الشخصيات
كل عام وإنت بخير
العزيزة صدى الصمت
بعيدا عن افندم لانها تبعد المسافات اكثر مما اريد بين الاصدقاء
عندما اشرت الى اننى بعد رقم عشرة لم اقصد ابدا انك قللت من شأنى فمعرفتى باحترامك لا تجعل هذا الخاطر يمر بذهنى من الاساس
ولكن كانت حيلة للهرب
ولكن اصبحت امام الامر الواقع
فشكرا على التاج الجميل
هيه حيلة دبلوماسية وجديدة فعلاً
يسعدنى تشريفك للمدونة وقبولك للتاج
تحياتى
مش بعرف اجاوب اصلا
مش بحب الانتحانات
هههههههههههه
كل سنة و انتم طيبين
و اوروفوار
اجاباتك ثكره زيك
كل سنه وانتي طيبه
عيد سعيييييد
كل عام و انتم الى الله اقرب
و على طاعته ادوم
إجابات ظريفة جدا
أظرفها الناس اللى راحوا زاروكوا فى نفس الوقت
القلوب عند بعضها
ربنا يديم محبتكم فى الله
و يرضى عنكم جميعا
د.حماس
مبروك الهديه
اجابات جميله
وكل عام وانتم بخير:)
حبيبة قلبي تسلميلي على اهداء التاج بتاع الواد الي زي السكر مواطن مصري نايم "مش عارفه امتى هيحصى" :D
محضرالكم بوست كمان يومين كده جاااااااااامد اوي ان شاء الله بالكتير على الجمعه كده يكون جهز عشان كده هاخد التاج بعد ال بوست الجديد بشويه صغيرين كده بأذن الله وأشكرك انتي وحمااادة عليه حبيبتي..
وحشتيني اوي يا قمري وكل سنة وانتي طيبة والبوست واجاباتك عليه ميه ميه سلااااااااااام ل ميروووو..
كل عام وانت بخير
بس مش انا بقولك انت فاضية
اولا كل عام وانت بخير
يسعدنى قراءة كتباتك واشعار تمس الاحساس الرقيق
نفرتارى
اولا كل عام وانت بخير
يسعدنى قراءة كتباتك واشعار تمس الاحساس الرقيق
نفرتارى
كلام على بلاطة
كل عام وانت بخير
طهقانة
أنا والله عارفة انك مش بتحبى التاج
بس أنا ما إقدرتش ما أبعتهوش ليكى
كل سنة وانتى طيبة
مولان
أهلاً بيكى شرفتينى والله إنتى ال سكرة
كل سنة وانتى طيبة
د.حماس
ربنا يخليك يافندم
أشكرك على زيارتك وتعليقك
كل عام وانت بخير
أقصوصة
ميرسى يا حبيبتى أنتى الأجمل
شرفتينى وكل عام وانتى بخير
marmar
مرمر ياقمر وحشتينى قوى
التاج دة أقل حاجة ممكن أهديهالك
كنت عاوزة أديكى عيدية بس محوشهالك لما تيجى مصر وشايلالك شوية بمب كمان
فى إنتظار بوستك الجديد الجامد يا
جامد ، باى
بوسى
فعلاً مافيش حد فاضى قدى
ربنا يسامحك يا ظالمة
عييييد سعييييييد
غير معرف
كل سنة وانتى طيبة
أشكرك على زيارتك وتعليقك
كوكب تانى
أشكرك على تعليقك الجميل
وكويس إنك دخلتى المرة دى بإسم مدونتك عشان نتعرف عليكى
أكيد هأزورك قريب بإذن الله
اولا اشكرك علي اهداءك التاج ليا
ثانيا بقي احلي حاجة في العيد ذكرياته اللي بتتجمع سنة ورا سنة
تحياتي
السلام عليكم و رحمة الله و بركاته
كل سنه وانتي طيبة يا قمر وعيد سعيد عليكي ولو انها متاخره معلثي
وحقيقي اجااباتك للتاج حلوة كتير بس ايه هو انا موث هاخد عيديه زي اللي بتديلهم ولا ايه ههههههههه
موث تخافي عيديتي موث فلوث انا حايزة مثاثات وثوكولاتات ايه رايك موافقه
ربنا يسعدك ياقمر وعيد سعيد عليكي وعى كل اهلك واصحابك
دمتي بخير
في رعاية الله
أختى العزيزة
كل سنة وانت طيبة
وشكراً على التدبيسة أقصد( التاج )
وانشاء الله حابقى أقعدلة وأجاوب
بس هية الأسئلة كلها إجبارى؟؟
سلام
انا ظالمة .. ربنا يسمحك ، وعموماً وحشتينى مووووووووووت .
صدى الصمد تقبل الله نا ومنك صالح الأعمال
لك تحيه منى على صراحتك فى الاجابه على التاج
فكرتينى بأيام كانت حلوه
تقبلى مرورى
اسف على الغلطه
يا صدى الصمت
كوشيا
فعلاً الذكريات بتخلى العيد أحلى وأحلى
كل سنة وانتى طيبة
mero-mooyry
كل سنة وانتى بألف خير
والله لو أعرف مكانك أبعتلك علبة شيكولاتة وبمب وكل ال تحبية
ميرسى ياقمر على تعليقك الجميل
دردشة عالماشى
كل سنة وانتى طيبة يا أختى العزيزة
هية الأسئلة إجبارى ومافيش إختيارات
مش زى الإمتحانات ال عندكم يا سيادة المدرسة عشان تحسوا بالطلبة لما بتراقبم عليهم
كل سنة وانتى والأسرة جميعها بخير وسعادة
اييييه ده ؟؟
أنا اسمي مكتوب؟؟
:)
طيب الحمد لله حلاقي حاجة جميلة أغير بيها المود اللي فمدونتي احسن الناس كلها سابتني و طفشت
:))
فعلا حياتنا من غير عيد كانت حاتفرق جدا.. كنا مش حانفتكر الناس اللي غايبين عنهم طوول السنة فتعدي سنة و اتنين و تلاتة و احنا لسة ناسيينهم و مكسلين
كل سنة و انت طيبة و جيبك مليان بالعديات يااارب
وميرسي ع التاج
لااااااااااا لو فيها بمب جيالك مصر دولقتي ههههههههههه وحشاني اوي يا قمراية وازي ميرو سلميلي عليها
وبوستي الجديد نزل
قصة عيد الميلاد
سلامي ليكي يا ست الكل ريري
بوسى
انتى كمان وحشتينى جداً جداً ونفسى أشوفك بس ياريت مش فى الشغل لأنة بقى غلس قوى بس مافيش فايدة برضة هنشتغل
أشوفك بكرة فى الشغل إن شاءالله
أعشق فى الليل ضوء القمر
أشكرك على تعليقك المتميز
وكل عام وانت بألف خير
أعشق فى الليل وجة القمر
مافيش داعى للأسف أنت شرفتنى بالزيارة
أنا والله ما أخدت بالى غير لما انت قولت
وممكن تقولى عاشقة الورد لو تحب
hannoda
كل سنة وانتى طيبة
مش ممكن حد يسيب القمر ويطفش
مانقدرش نستغنى عنك أبداً يا هنودة
أكيد ظروف الحياة بتلهى الناس شوية
بس انتى فى قلوبهم أكيد
تحياتى
marmar
انتى كمان وحشانى كتير
أنا هأدخل أقرأ البوست الجديد حالاً أهو ، سلام
إرسال تعليق