كلاكيت تانى مرةمن الآخر كدة مش قادرة أعمل أكل عشان الفطار
أعمل ايه ؟ أعمل أيه ؟ اعمل ايييييييه ؟
ايوة هوه ده الحل التمام
أروح أكبس على ماما و بابا و أنزل عليهم زى البراشوت و أفطر عندهم
إتصال تيليفونى : ترن ترن ، ترن ترن ، ترن ترن
ماما : ألو
أنا : أيوه يا ماما إزيك ..... أخبارك ايه ؟ وحشتينى
ماما : و انتى كمان
أنا : بأقولك ايه يا ماما مدام وحشتك بقى أنا جاية أفطر معاكى النهاردة
ماما : ياريت كان ينفع والله يابنتى بس إحنا معزومين النهارد برة تبع الشغل ونازلين دلوقت ،......
خليها بكرة أحسن سلام .
أنا : سلام .بكرة ؟ هأفضل صايمة لحد بكرة ؟؟؟
أعمل ايه ؟؟؟ اعمل أيه ؟؟؟؟
أيوه .......... أختى حبيبتى
إتصال تيليفونى(2) : ترن ترن ، ترن ترن ، ترن ترن
أختى : ألو
أنا : أيوة ازيك يا أختى
أختى : أهلاً أهلاً عاملة ايه ؟
أنا : كله تمام ، بأقولك ايه
كنت بأفكر آجى أفطر عندك النهاردة أصلك وحشانى قوى
أختى : أخ ... النهاردة ؟ مممممم ماشى تعالى
أنا : ايه مافيش أكل عندكم النهاردة وله اية ؟
أختى : لأ عندى بس أنا هأرجع من الشغل متأخر
وعشان كدة هنأكل سمك جاهز من بره وخلاص
أنا : ايه سمك ؟؟!!!! سمك فى رمضان ؟؟؟
حرام عليكى يا شيخة هوة الواحد ناقص عطش !!!!
أختى : خلاص بلاش النهاردة ممكن تيجى بكرة
أنا : بكرة ؟؟ تانى بكرة ؟؟؟
طيب لما أشوف سلام
ييييه وبعدين.... أعمل ايه ؟؟؟ .....
أيوة وجدتها .... خالتى
إتصال تيليفونى(3) : ترن ترن ، ترن ترن ، ترن ترن
خالتى : ألو السلام عليكم
أنا : وعليكم السلام إزيك يا خالتى
خالتى : مين بيتكلم ؟؟
أنا : أنا بنت أختك يا خالتى نسيتينى وله اية ؟
خالتى : لأ إزاى .... إزيك يابنتى
أنا : كويسة إنتى عامله ايه وحشانى
خالتى : والله أنا مش كويسة
أنا : ليه كدة بس فيه ايه ؟
خالتى : انا تعبانة بقالى يومين عندى أنفلونزا
أنا : ياخبر ألف سلامة عليكى
خالتى : الله يسلمك متشكريين على سؤالك
أنا : العفو يا خالتى إحنا ال متشكرين على البمبة
أأأأأ قصدى متأثرين بمرضك قوى سلام بقى
ايه الحظ النحس دة أعمل ايه ؟؟؟؟؟
أيوة أكيد عمتى فاضية النهاردة
إتصال تيليفونى(4) : ترن ترن ، ترن ترن ، ترن ترن
عمتى : سلامو عليكم
أنا : وعليكم السلام إزيك ياعمتىعمتى : أزيك أخبارك ايه ؟
أنا : عاملة ايه شكلك مشغولة فى تحضير الفطار صح ؟
عمتى : لأ والله يابنتى دة أنا قاعدة فاضية من الصبح
أنا : يااااه أكيد بقى خلصتى الأكل من بدرى ،
طيب مدام انتى فاضية آجى أقعد معاكى نتسلى وبالمرة نفطر سوا
عمتى : كان على عينى والله يا بنت أخويا بسسسسس .......
أنا : بس اية ياعمتى خير ؟؟؟؟
عمتى : أصل المية مقطوعة من الصبح ومش عارفة أعمل حاجة خالص
خليها بكرة أحسن تكون الميه جت
أنا : ماشى ياعمتى مع السلامة
بكرة ؟؟؟ هوة اية مشكلة بكرة معاهم بالظبط ؟؟؟
يكون فية عيد أو موسم بكرة وأنا ما أعرفش ؟
أعمل ايه ؟؟؟؟ اعمل اييبيية ؟؟؟؟
أيوه الحل أكييييد ...... عند حماتى
ألحق أكلمها مش فاضل وقت كتيير على الفطار
إتصال تيليفونى(5) : ترن ترن ، ترن ترن ، ترن ترن
حماتى : ألو .... ألو
أنا : أزيك يا تنط
حماتى : مين بيتكلم ؟
أنا : أنا مرات إبنك
حماتى : أهلاً إزيك يا حبيبتى
أنا : كويسة أيه الهيصة ال عندك دى يا تنط ؟
حماتى : أصل أنا بأبيض الشقة
أنا : حد بيبيض فى رمضان ؟؟!!!!!
حماتى : أصل الصنايعيه كانوا متفقين معانا يخلصوا قبل رمضان
و طبعاً ما إلتزموش بالميعاد
أنا : ماشى ربنا يعينك سلام يا حماتى
خلاص كل الناس النهاردة مش فاضية يا إما عندهم ظروف ؟؟؟
اية النحس دة ..... ،
ياخبر فاضل ربع ساعة على الآذان أعمل ايه ؟؟؟
أروح فين ؟
أيوة ... وجدتها ..... و جدتها
مافيش غير حل سحرى واحد ومش ممكن يكون عندة ظروف أو مشكلة ..
وأخيراً ......... وبعد تردد
إتنكرت وإتخفيت ولبست نظارة شمس
و نزلت أفطر فى مائدة الرحمّن ال على ناصية الشارع
و رمضان كريم .
هناك 16 تعليقًا:
ههههههههههههههههههههه
هههههههههههههههههههههههههه
وربي عسسسسسسسسسسل
ايه يابنتي محدش معبرك كدا ليه بس
لا لا بجد صعبتي عليي
معقوول اختك نوارة موجودة ومتعرفيش تفطري فين
كنتي كلمتيني يابنتي ومكنتش هعبرك على فكرة :]
ههههههههههههههههههه
وبعدين هو انتي هتفطري لوحدك كدا ولا معك جوزك والعيال ولا ايه بالضبط
وبعدين اعترفي بجد فطرتي فين يابت :]
كل سنة وانتي طيب ياقمراية
وانا اوووووووووووول تعلييييييق
على فكرررررررررررررررة
هييييييييييييييييييييه
والتاني كمان
كح كح
كل سنة وإنتي طيبة, إسلوبك جميل جداً والحوار دمه خفيف جداً جداً بس إنتي غلطانه علشان كنتي بتتكلمي في التليفون الأول المفروض من أصول البرشته المفجأة وتحطي المبرشت عليه أمام الأمر الواقع وهو يتصرف بقه هههههههههههههه عموماً البركة في موائد الرحمن
تحياتي
ههههههههههههه
انا قريت البوست ده قبل كده تقريبا فى رمضان اللى فات بردة
هو كل رمضان كده و لا ايه .. مش تعملى حسابك من قبله
وحشانى يا قمر
و تسلملى على السؤال و يعود عليكى رمضان بكل خيير
ههههههه
هو كل رمضان وألا إيه؟
هي مائدة الرحمن دي فين؟ وبيسيبوكي بالنظارة الشمس كده عالمغرب؟
:-)
ههههههههههههههههههههههههههه
كل ده علشان الفطاررررررررررررر
لو كنتي بطلتي رغي وقمتي عملتي كنتي خلصتي قبل المغرب بكتييييير
بدل اللفه الطويله دي
عموما أنا مش محتاجه اتصل هتلاقيني طبه عليك وهفطر معاكي
علشان انا عارفه هفطر فين وأكيد انتي كمان عرفتي جهزي بقي كل الاكل اللي في الصور ده مش هتنازل عن اي حاجه منه بس
تحياتي
حرام .. موضوع عن الاكل وانا جعان اصلا
والله صعبتى عليا
كنت هاقولك تعالى افطرى عندنا
انا مستعده استضيفك اسبوع
ومش هاعمل زيهم واقولك بكره
احلى واجب اهو
اى خدمه
ههههههههههههههه
والله فكره بس بلاش تستسهليها وتقضى الشهر كله موائد
تحيه لاسعه
ههههههههههههههههههه
هههههههههههههههه
موائد الرحمن؟
طب احسن من مفيش
بس ماتاخديش عليها بقه
ههههههههههههههههههههههه
حلوة الحكاية دي
بجد ولا هزار بقي ؟
واخبار مائدة الرحمن ايه
شغال ؟؟
مين ؟ فين ؟ ليه ؟
إيه اللى حصل ؟
هو مين راح فين
وأوبيس كام بيمر منين ؟
لالالالا
صحيح أنا تهت
أقولك على حاجه يوم ما يكون الموضوع مزنوق منك كده ابعتى لىرساله وان شا الله يتم الرد على طلبك فى خلال 120 ساعه بالكتير
تحياتى وبالهنا والشفا
هههههههههههههه
تعالي افطري معانا احسن
بلاش مائدة الرحمن
ده اول زيارة مستنياكي
تقبلي مروري
موضوع رائع ما شاء الله
ههههههههههههههههههههههه
كل سنه وانتى بالف خير وبالهنا والشفا:))
ده اسمه كلام برضه وانا رحت فين تنسي تاخدي صديقتك فى الانتخه وخصوصا يوم الجمعه جوزي بيطفش منى ويروح عند مامته وبقضى وقت هادي ولذيذ من غير طلبات كل شويه وكانى شغاله في كافتيريا المهم كل سنه وانتى طيبه ياحبي
إرسال تعليق