الاثنين، 28 سبتمبر 2009

مفتاح غريب



تنويه
هذة القصة ليس لها أى علاقة بحياتى الشخصية
ولكنها تجربة قصصية من وحى خيالى
يعنى مش عاوزين حد يفهم الموضوع غلط
-----------------------------------------
كان يوم الأجازة الإسبوعية المعتادة
وعندما إنتهت من كل واجباتها المنزلية المعتادة أيضاً
ومع خروج زوجها الروتينى المعتاد لملاقاه أصدقائة
قررت هى فعل شىء غير معتاد على الإطلاق
قررت ترتيب المكتبة
فلقد أصبحت مهملة منذ فترة
لكثرة المشاغل والمسؤليات
قالت وهى تحدث نفسها أثناء الترتيب :
يا الله كيف غفلت عن منظرها وفوضويتها
كل هذة الفترة ؟!!
وظلت تسحب كتاباً تلو الآخر وتعيد ترتبيهم وتزيح التراب من فوقهم
وفجأة سقط شىء غريب من بين الكتب وأحدث صوتاً رنان على الأرض
وعندما إنحنت لتلتقطة وجدته مفتاح شكلة غريب ولم تره قبل ذلك
قالت وهى تحدث نفسها : ماهذا ؟
مفتاح !!!!
من أين أتى ؟؟؟
ومن الذى أتى به إلى هنا ؟؟
ودققت النظر فية وإتضح لها إنه مفتاح شقة
فقالت : هذا ليس بمفتاح شقتنا
أمن الممكن أن يكون ..........
وتوقفت الكلمات على الشفاه
ودار بعقلها ألف سؤال وسؤال
وراودتها آلاف الشكوك والظنون
أمن الممكن أن يكون هذا المفتاح يخص زوجى ؟
ولماذا يخبئة ؟ أكيد يوجد سبب للتخبئة
هو يعلم تماماً إننى لم أقترب ولن أقترب من هذا المكان
هذا هو المكان الآمن الوحيد لتخبئة الأسرار
هل إشترى شقة ويخفى الأمر علىَ؟
هل يقضى فيها سهراتة كل إسبوع مع أصدقائة ؟
هل تزوج من أخرى وهذا مفتاح شقتها ؟
أم يستثمرها بأى شكل من الأشكال ؟
يا الله ... أيخوننى زوجى بعد كل هذة السنين ؟
ماذا فعلت لأستحق منه كل هذا الكم من الغدر والخيانة والجحود؟
بعد كل هذة العشرة والحب والتضحية يكون هذا جزائى ؟
وتكون هذة مكافئتى ..........
و للحديث بقية فى البوست القادم
****************************************
**( الممنوعات )** بوست جديد على عالمى الخاص

هناك 26 تعليقًا:

romansy يقول...

فى البدايه كده احب اقولك ان الفكره كويسه انك تكتبى قصه
بس احب اقولك ان جميل ان الواحد يقدر يحكى ويقول اللى فى خياله واللى بيفكر فيه

عاشقه الرومانسيه يقول...

حلو قوى
مستنيه الباقى

الازهرى يقول...

اولا صعب يكون شخص
يعنى ازاى يلعب بديله وهو متأكد ان فى اكياس كتير عن اللزوم فى البيت ؟

بجد بدايه جميله وفى انتظار الباقى

ذكرى رحيل قلم يقول...

السلام عليكم

القصة مش طويلة كنت كتبتي الجزء الثاني

كده بقي شوقتينا

ع العموم هي جميلة بس يارب تكون النهاية سعيدة
ويكون مفتاح قديم وخلاص
مش خيانة او شيء اخر
تحياتي

marmar يقول...

ايه ده بقى التشويق ده هوووووات :(
انا متوقعه ان جوزها مخنهاش وان المفتاح ده حاجه كويسه مثلا
مش عارفه ليه احساسي بيقولي كده

المهم طمنيني عليكي وعامله ايه واخبار المدارس ايه ومريووومه اخبارها ايه وحشتيني بجد يا احلى رورو في الدنيا
وهدخل اقرا بوستك في مدونتك التانيه ويارب يكون في اشراف

يا مراكبي يقول...

حلو البوست البوليسي ده

طيب وهل الزوج كان بيحوم حول مكان المكتبة في كل مرة يكون خارج فيها وألا لأ؟

هنا أول الخيط

r يقول...

لا كدا ما ينفعش لازم تكملى علشان نعرف مفتاح ايه يا ترى دا
بس ملحوظه دايما عندما نجد شئ يحتمل الظن نظن فيه السوء
السؤال ليه؟
اعتقد ان دايما وجود شك فى الاخر اصلا هو اللى بيجعلنا نميل لاحد الظنين السوء او الحسن
اما الثقه فلا مجال فيها لشك كما اعتقد

مستنيه طبعا التكمله

دمتى بخير

Unknown يقول...

بسم الله الرحمن الرحيم
السلام عليكم ورحمه الله وبركاته.
بينما أقلب في صفحات مدونتي ...وجدت (تعليق طريف لكم عندي )
يرحب بي في عالم التدوين عندما كنت طفلا ... وعندما أشتد عودي جئت أقرأ فوجدت في المكتبه (المفتاح) مفتاح خير إن شاء الله.

هيثــم رمضـــان يقول...

بداية مثيرة وشيقه في إنتظار باقي الأحداث

تحياتي

فشكووول يقول...

السلام عليكم صدى الصمت

يا خبر .. وقع حمار الشيخ
وكل شيئ انكشفن وبان
باب شقه
الراجل طاااااااار

اعشق فى الليل ضوء القمر يقول...

انت ليه بتنكرى ان البوست متعلق بيكى هو حد قال حاجه
هههههههههه

غير كده مستنى بسرعه بقيت القصة ها لسه منزلتش
ليه طيب
تقبلى منى احترامى

Tarkieb يقول...

مش يمكن كان مفتاح بيت العيلة ومحتفظ به بعد ما بيت العيلة راح زي ما العيلة راحت ومفضلشي الا المفتاح واكيد المشتري الجديد غير الكالون .. بس هنا الزوجة في مشكلتين الاولى ح تفضل تظن طول الليل في جوزها وكل ما تفكر تكبر المشكلة.. والثانية انها بتدعبس وراه ولو عرف ديه حاياخد شنتطته ويروح للشقة التانية ماهو مفتاحه في جيبه بقى... او ممكن يكون اتضحك عليه ودفع شقى عمره والبياع طلع نصاب وما نابه من الحكاية الا مفتاح؟ مش عارف بقى شوقتينا احسن حاجة ما تغيبيش علينا بقى ونفسي اعرف الحل بجد

صدى الصمت - عاشقة الورد - يقول...

romansy
أشكرك جداً على رأيك الجميل وتشجيعك ليا
تحياتى

صدى الصمت - عاشقة الورد - يقول...

عاشقه الرومانسيه
ميرسى يا دودو يا قمر
الباقى هيتنشر قريب جداً بإذن الله

صدى الصمت - عاشقة الورد - يقول...

الازهرى
أه والله عندك حق فعلاً الأكياس ماليه البيت
هههههههه
أشكرك على تعليقك وتشجيعك الدائم

صدى الصمت - عاشقة الورد - يقول...

ذكري رحيل قلم
والله بجد مش طويلة ؟؟
أصل أنا حسيت وأنا بأكتبها إنها طويلة وإن القارىء ممكن يمل منها ودى أول قصة بأنشرها ومش عاوزة حد يزهق
أشكرك على ملاحظتك والنهاية هتعرفيها قريب إنشاءالله بس يارب نهايتها تعجبك
تحياتى

صدى الصمت - عاشقة الورد - يقول...

marmar
ههههههه
إنتى بقى عاوزة تستدرجينى عشان أقولك إحساسك صح وله غلط وهووووب نهاية القصة تتعرف
لأ مش هأريحك المرة دى يا جميل هتقرى الباقى الإسبوع الجاى إنشاءالله
إحنا كويسين والحمدلله لغايت دلوقت ومش عارفين الشتا مخبى إية
ربنا يستر
إنتى كمان طمنينى أخبارك وأخبار الدراسة عندكم ايه وهتروحى إمتى
يلا سلام

صدى الصمت - عاشقة الورد - يقول...

يا مراكبي
فى الواقع يا باشمهندس هيه ماكانتش مهتمة بالمكتبة دى خالص وعشان كدة ماخديتش بالها كان بيحوم حواليها وله لأ
(ملحوظة أنا الحمدلله ماعنديش مكتبة )
تحياتى

aMr SaYeD يقول...

وما شكت ان المفتاح قد يكون لخزنة زوجها يخاف عليه من اللصوص؟

برده شكوك

تحياتي يا عاشقة الوردي

صدى الصمت - عاشقة الورد - يقول...

بسنت
بالفعل عندك حق دائماً نفترض الأسواء ونميل إلى النيه السيئة تجاة الآخرين
أعتقد إننا نحتاج أن نثق فى الآخر كما نحتاج أن نثق بأنفسنا أيضاً
تحياتى
نورتينى

صدى الصمت - عاشقة الورد - يقول...

فركشاوي ..ناوي
أشكرك على تعليقك الراقى الرقيق وإنشاء الله يكون مفتاح خير
تحياتى
شرفتنى

صدى الصمت - عاشقة الورد - يقول...

هيثــم رمضـــان
أشكرك على زيارتك وتعليقك
تحياتى لك أيضاً

صدى الصمت - عاشقة الورد - يقول...

فشكووول
هههههههه
أشكرك على تعليقك اللطيف وزيارتك الغالية
تحياتى

صدى الصمت - عاشقة الورد - يقول...

اعشق فى الليل ضوء القمر
ههههههه
لا والله مش بأنكر ولا حاجة بس فيه ناس كتير مابتصدق تعمل موضوع من لا شىء
وتختلق قصص على أى شىء مكتوب
أشكرك على زيارتك وتعليقك

صدى الصمت - عاشقة الورد - يقول...

Tarkieb
يا خبر كل مرة تعلق تفصيلى محكم دقيق ورائع
بس كلها إحتمالات هنتأكد منها مع نهاية القصة
أشكرك على زيارتك وتعليقك المتميز
تحياتى

صدى الصمت - عاشقة الورد - يقول...

aMr SaYeD
لأ هوه لو حضرتك دققت فى تفاصيل القصة هتلاقى مذكور إنها وجدت مفتاح شقة وليس مفتاح شكلة غريب وخلاص وله إحتمالات
أشكرك على زيارتك وتعليقك
تحياتى