وكاد الحلم أن يتحقق ولكن شكلى مش هأعيش
لحد ما يتحقق الحلم دة
وأشوف مصر فى كاس العالم
ومتألقة كدة وبتصعد لحد النهائى
يلا يبقى أحفاد أحفادى يفرحوا إن شاء الله
ولكن مع ذلك
أنا مازعلتش قوى والله
لأنى حسيت إننا كنا نستاهل الفوز
بس ربنا عاوز كدة
وبرغم كل شىء
هية مصر بلدنا
وهتفضل غاليه علينا
وهنفضل نهتف بإسمها
مش عشان خسرنا
نكسر ونخرب فيها
ونلعن ونشتم فيها
مصر أول إمبارح
هيه مصر النهاردة
مافيهاش حاجة إتغيرت
بجمالها وقبحها
بشوارعها وميادينها
وجوامعها ومدارسها
بزحمتها بمشاكلها
بأهلها الطيبين
بحوادث قطاراتها
وكمان تاريخها العظيم
بحلوها ومرها
برضة لسة بحبها
هناك 24 تعليقًا:
ومين يقدر ميحبهاش
وهى ساكنه فى دمنا
دى امنا
كهما السنين بتضمنا
ومهما الفرحه معنهاش
للأسف احنا مكروهين من كل الدنيا
ومتهانين من كل الدنيا
ليه كدا يا مصر؟؟؟
يا جماعه قدر الله وما شاء فعل
وبعدين الوطنيه مش فى الكوره بس
صلوا ع النبى
عادى يعنى
ايه اللى هيجرى
لسه عايشين
وأناكمان بحبها قوي وزعلت قوي علشان الناس كان نفسها تفرح لكن قدر الله وما شاء فعل ويمكن خير ماحدش عارف الهمج كان ممكن يعملوا إيه لو خسروا المهم خيرها في غيرها ودي بلدنا لازم نفضل نحبها مهما كان علشان نقدر نعيش فيها ونكون السبب إنها تتقدم بإذن الله.
تحياتي
تعرفي؟؟
سالت نفسي كتير
هو احنا احساسنا بيها عالي كده ليه
ليه الحب كبير لدرجة العشق برغم كل اللي قلتيه ده
رغم الاحباطات المتكررة
رغم التراجعات الكتير للوراء
ليييه؟؟
سؤال حيرني فترة و فضلت وراه لحد على ما أعتقد اني فهمت السبب
فهمت ان بلدنا فيها عمق
ملامح كل واحد فينا شايلة حكايات عن تاريخ طويل خلانا نحس اننا شايلين أرواح ناس و عالم رحلوا من زماااان
احنا بلد .. بلد بمعنى الكلمة
شايلة فقلبها أحزان و أفراح
إنتصارات و هزائم
ازدهار و إنحدار
بلد بقى ليها شخصية و روح و ثقافة محفورة فوجدان أي حد عايش فينا
كل ملامحها محفورة في المثقف و الجامعي و الجاهل و العامل و حتى المراهق الطايش اللي مش هامه غير تسريحه شعره وبوز جزمته
كلهم كلهم وحجدانهم شايلين تاريخها و شايلين حبها
منهم اللي حاسس بيه و بعضهم كل ده في وجدانه وهو مش عارف
وييجي موقف شبه الاحداث اللي بنمر بيها
يقوم يخلي حتى اللي مش واخد باله يلاقي نفسه بيهتف
تحيا مصر
و تلاقي العبرة مسكته و سخونة اشتعلت في صدره لمجرد شعرة من شعرها اتمست
ويمكن تلاقيه قاعد قدام نفسه باندهاش بقول:
والله ما كنت أعرف اني بحبك قوي كده
بس هي تستاهل حبنا
وللأسف .. بسلبيتنا احنا مانستهلهاش
معاكى حق يا صديقه عمرى
كلمات حلوه ما فيش بأيدينا حاجه نعملها غيراننا نكتب رثاء حزين
وربنا يعوض علينا
فعلاً ولسة بنحبها
وسنظل نحبها
تقبلي مروري
محمد البنا
طريق النجاح
ــــــــــــــــــــ
اتمنى تشرفيني بالزيارة على طريق النجاح
http://tareekelnagah.blogspot.com/
الله يخليك لها
ويخليها لك :)
بعد ما عشت بره مصر و شوفت جنسيات كتيرة
إتأكدت إن فعلاً مش كل الناس بتحب بلدها زي ما المصريين بيحبوا مصر
إحنا عندنا لعنة إسمها حب مصر بتتزرع في نفس كل مصري حقيقي من يوم ما بيتولد
بلدنا حاجه حلوة أوي
نعمة و فضل من ربنا أنه خلقني مصرية مخلقنيش أي حاجة تانية
السلام عليكم ورحمة الله وبركاتة
تقبل الله منا ومنك
وأعاده الله عليكى باليمن و الخير و البركات وعلى من تحبين وسائر المسلمين
كل عام انتم بخير
تقبل الله منا ومنكم صالح الاعمال
romansy
فعلاً عندك حق
أشكرك على تعليقك
شرفتنى
blue-wave
لية كدة بس يا دكتور ماتغمقهاش قوى إنشاء الله هنبقى أحسن
نورت المدونة
ريمان
عندك حق
عليه أفضل الصلاة والسلام
اعشق فى الليل ضوء القمر
بالظبط كدة الموضوع مش كبير وأهى ماشية
شرفتنى
هيثــم رمضـــان
فعلاً لازم نفضل نحبها مهما كان علشان نقدر نعيش فيها ونكون السبب إنها تتقدم بإذن الله
أشكرك على تعليقك الرائع
Hannoda
كلام أكثر من رائع مش لاقية بعده كلام حقيقى أقولة
بارك الله فى قلمك وسلمت يداكِ
نورتينى
حنين
لأ أكيد فى أيدينا إننا نعمل كتير على الأقل من واجبها علينا إننا ندافع عنها
ودة ال بنحاول نعمله
سلام مؤقت
MOHAMMED ELBANNA
أشكرك على زيارتك وتعليق الجميل
شرفت مدونتى المتواضعة
وبالتأكيد يسعدنى ويشرفنى قبول دعوتك الكريمة
اقصوصه
ميرسى ليكى يا قمر
أشكرك على زيارتك الغالية وتعليقك الرقيق
شرفتينى
شروق ..مدونة تحت العشرين
حقيقى عجبنى تعبيرك بإن عندنا لعنة إسمها حب مصر ودة حقيقى
أشكرك على زيارتك وتعليقك الجميل
اعشق فى الليل ضوء القمر
أشكر على معايدتك الجميلة وزيارتك الكريمة
كل عام وانت بألف خير وصحة وسعادة
قيس بن الملووووح
أهلاً بك يا قيس
كل عام وانت بألف خير وصحة وسعادة
شرفت المدونة
إرسال تعليق