النهاردة نهاية سنة فاتت وخلصت بكل أحداثها
وبكرة أو بعد ساعات بداية سنة جديدة الله أعلم بيها
وبكرة أو بعد ساعات بداية سنة جديدة الله أعلم بيها
والسؤال هنا بيفرض نفسة والسؤال هوه : 
ياترى لما بتصحى يوم 1 يناير بتحس بإية ؟
بعنى اية الفرق بالنسبالك بين
يوم 31 ديسمبر و يوم 1 يناير ؟
* ياترى بيمثلك اية يوم 1 يناير ؟
* بيعدى زى أى يوم قبلة ؟
* بيفرق معاك كتير ؟
* بتستناة كل سنة وبتهتم وتحتفل بية؟
* مابتاخدش بالك ان السنة الجديدة بدأت ؟
* بتنوى تغير حاجات كتير فى حياتك ؟
* ولة مافيش فرق كلة محصل بعضة ؟
الشغل هوة هوة والناس هية هية والدنيا مابتتغيرش كتير
إمبارح زى أول إمبارح زى بكرة و زى بعد بكرة ؟؟
يهمنى أعرف يوم 1 يناير بيكون مكانة فين فى حياة كل واحد فيكم
ياترى لما بتصحى يوم 1 يناير بتحس بإية ؟
بعنى اية الفرق بالنسبالك بين
يوم 31 ديسمبر و يوم 1 يناير ؟
* ياترى بيمثلك اية يوم 1 يناير ؟
* بيعدى زى أى يوم قبلة ؟
* بيفرق معاك كتير ؟
* بتستناة كل سنة وبتهتم وتحتفل بية؟
* مابتاخدش بالك ان السنة الجديدة بدأت ؟
* بتنوى تغير حاجات كتير فى حياتك ؟
* ولة مافيش فرق كلة محصل بعضة ؟
الشغل هوة هوة والناس هية هية والدنيا مابتتغيرش كتير
إمبارح زى أول إمبارح زى بكرة و زى بعد بكرة ؟؟
يهمنى أعرف يوم 1 يناير بيكون مكانة فين فى حياة كل واحد فيكم
وفى النهاية .......
أتمنى لكم عام ممتلىء بالأحداث السعيدة والمشاريع الناجحة
وتحقيق الأمانى والأهداف الهامة فى مستقبلكم
ومستقبل من يهمكم أيضاً
( واخدين بالكم من الحتة الأخيرة دى )
سلام
هناك 67 تعليقًا:
انا سعيدة انى اول تعليق عندك .. كل عام وانت بخير ...لكن اين السعادة والاحساس بالعام الجديدة .. عموماً انا مش عايزة اضيقك .....
سنة سعيدة عليك ان شاء الله .
نفرتارى
كل سنة وانتي طيبة
بصي صراحة كل مناسبة كويسة ممكن نحتفل بيها ديما بينجحوا في انهم يفسدوها علينا
يعني في عيد الاضحي تم اعدام صدام حسين
في اول السنة الهجرية حصار وضرب في غزة ومالزال
يعني الواحد مش عارف يكون مبسوط
بيلوم روحه انه هيضحك واليهود نازلين ضرب في المسلمين
ربنا ينصرهم
انا عن نفسي مش حسة براس السنة
كل سنه وانتي طيبه
مش شايفه تغير بكرا هيكون هو هو اليوم
واخدين بالنا اكيد ومين اللى مش هياخد باله من النقطه دى
كل سنه وانتى طيبه
سنه جديده مليانا حب وخير
ان شاء الله نحقق امنياتنا بس اكيد لازم شويه صبر
وان شاء الله نستقبل 2009 بشويه امل فى الحياه اكيد فى كتير هيتغير
كل سنه وانتى طيبه
بكره عادى يعنى يوم زى اى يوم مش فارق كتير
ياريت نصدق النيه مع الله ...ويكون اول يوم جديد في سنه جديده ونجدد حياتنا بتوبه صادقه ونيه خالصه لوجه الكريم ...لا نبغي غير رضا الله ...ونسأله ان يغفر لنا ما مضي ويرحمنا فيما هو آت.
may god bless your days and keep you safe ,
may all your dreams come true,
peace fill your life and pleasure move away yours sad tears
Happy Yuletide
اولا كل سنة وانتى واللى يهمك بخير وسلام
السنين السلبقة لا اتذكر وضع هذا اليوم ولا اظنه يكون مختلفا
ولكن اعدك ان انتبه له هذا العام وان رأيت فيه اختلافا فسأخبرك
تحياتى دوما
رورو حبيبتي كل الف سنة وانتي طيبه يااااااااارب
بصي يا ست الكل مستقبل من يهمني اهم من مستقبلي انا
واخده بالك يا رورو هههههههههههههه
بالنسبه بقى يوم واحد يناير يوم حلو اوي وجميل اوي اوي شئ كويس ان سنة جديده تدخل علينا كلنا لاننا بنتمنى انها تكون احلى من الي قبلها انا عن نفسي 2008 كانت سنة ما يعلم بيها الا ربنا الحمدلله على كل شئ
بس راس السنة الميلاديه بنحس بفرحته اكتر من الفرحه بتاعت راس السنة الهجريه مش عارفه ليه مع اننا مسلمين ولازم يحصل العكس
سبحان الله خالف تعرف
وبالنسبة للاحتفال اكيد مش بنحتفل بيه زي اوروبا وامريكا والرقص والمسخره دي كلها
هيا كتيرها مسجات تهنئة وخلصت على كده وكان الله يحب المحسنين
بدعي ربنا ان 2009 تكون سنة جميله علينا وعلى كل المسلمين
وعليكي يا احلى رورو
معلش تعليقي جه متأخر شوية اصلي كنت بحتفل بالسنه الجديده بطريقتي الخاصه هههههههههههههههههههههههههه
كل الف سنة وانتي طيبه يا رورو
ويارب كل احلامك تتحقق في السنة الجديده وحشاني يا سكرة
لا اله الا الله
السلام عليكم
كل سنه وانتي طيب
و يارب يجعل السنه الجديده خير علينا كلنا
و happy new year
و اتمني زيارتك الي مدونتي المتواضعه
تحياتي
***************
القلب المنكسر
****************
دمتي بكل خير و سعاده
******************
و السلام عليكم و رحمه الله و براكته
********************************
الحقيقة لما قمت من النوم امبارح زي النهارده لكن طبعا في حجات كتير هتتغير أولها أنا
مودتي
وكل سنة وانت طيبة
السلام عليكم
كل سنه وانتي طيب وبصحة وسلامة
و يارب يجعل السنه الجديده خير علينا كلنا
تحياتى وأتمنى لك التوفيق
نفرتارى
أنا كمان بأكون سعيدة جداً بأول تعليق
كل عام وانت بخير وسعادة
أكيد السعادة موجودة بس محتاجة شوية مجهود للبحث عنها
نورتى المدونة وأشكرك على تعليقك
maha-zein
فعلاً موضوع انهم بيقتلوا فرحتنا دايماً بيتكرر فى كل مناسباتنا وتقريباً بيكون متحدد ومقصود
ربنا ينتقم منهم وينكد عليهم
كل سنة وانتى طيبة
وشرفتى المدونة
كيارا
الجميلة البريئة
اتمنى لكٍ سنة جديدة مختلفة وجميلة وسعيدة
على فكرة شكل مدونتك الجديد جميل جداً
تحياتى
romansy
وأنا كمان بأتمنى الخير والسعادة والأمان للجميع فى السنة الجديدة وكويس انك متفائل ورومانسى فى زمن نادر فية التفاؤل والرومانسية
تحياتى
* أنا حرة *
هوه فعلاً مافرقش كتير
صحينا رحنا الشغل زى أى يوم وعملنا كل الطقوس الروتينية المعتادة
بس عندى أمل ان تكون السنة الجديدة مختلفة
أهلاً بيكى شرفتى المدونة
رئيس التحرير
أهلاً بك شرفت مدونتى المتواضعة
أرجو من الله أن يتفبل دعائك الرائع فى بداية العام ويعطينا من خير هذة السنة ويبعدنا عن شرورها
اللهم آمين
molotof
أشكرك على تعليق الرائع الرقيق
شرفت المدونة
إسم مدونتك ملفت للنظر وسأزور مدونتك قريباً
تحياتى وكل عام وانت بخير
الأزهرى
كل عام وانت بخير وفى انتظار ملاحظاتك هذا العام عن هذا اليوم ومكانة فى حياتك
دمت بكل الود
marmar
حبيبة قلبى الغالية مرمر
كل سنة وانتى بألف خير وسعادة وحب ورومانسية وإستقرار وتتحقق كل أحلامك مع الناس ال بتحبيهم
(واخدة بالك من الدعوة دى)
وطبعاً أنا عارفة الماسجات إتبعت لمين
بس ال عاوزة أعرفة إحتفلتى على طريقتك أزاى ومع مييين ؟؟؟؟
على فكرة آخر سطرين فى البوست وأنا بأكتبهم كنت عارفة إنك هتهتمى بيهم وهيلفتوا نظرك أكتر من أى حد
ههههههههههه
سلام يا قمر
، محمد رسول الله
القلب المنكسر
أهلاً بك شرفت المدونة
كل عام وانت بألف خير
أوعدك انى هأزور مدونتك فى أقرب فرصة
تحياتى
كاتب مصرى
كل عام وانت بخير وسعادة
ومدام النية موجودة للتغيير يبقى كل شىء هيتغير للأحسن بالتدريج من غير ما نحتاج لسنة جديدة
تحياتى ، شرفت المدونة
الملاك الحزين
وانتى طيبة وبخير وصحة وسعادة يا أجمل قلب أبيض عرفته وربنا يحققلك كل أمنياتك وأحلامك
تحياتى , نورتينى
* أنت تسأل والكمبيوتر يجيب *
أشكركم على هذة الدعوة القيمة
وأوعدكم بزيارة الموقع فى أقرب فرصة
لأن هذا شرف لى ولمدونتى
أشكركم مرة أخرى ، تحياتى
كل سنة وانتى بخير وبصحة وسعادة ويارب السنة دى تبقى احسن واجمل
شفقة هانم وإحسان بيك
وانتم طيبين وبخير وصحة وسعادة
وربنا يجمعكم على خير دايماً ومايفرقكوش أبداً
شرفتونى
بسم الله الرحمن الرحيم
أحب أشارك في المسابقة
أنا في الواقع بحب أبدأ السنة الجديدة يوم 2 يناير .. والغريبة إني بألاقيه يشبه جدا يوم 31 ديسمبر .. سبحان الله
طبعا واخده بالي من احلى دعوة من احلى ست الكل رورو
وبصي يا رورو ولله محتفلتش اوي زي ماا انتي فاكره عارفه الامتحانات بقى
ربنا يستر لاني قلقانه اكتر منها
كل الاحتفال كان كالاتي
مسج وكلمة واحده ومكالمه ونت
هههههههههههههههههههههههههههههه
"وش مكسوف"
اما مع مين دي فبطلي خباثه لانك عارفه ههههههههههههههههههههههه
سلميلي على رودي عشان مش بترد ومشغولة بالقمرات
وسلميلي على مرمر الجميلة
ربنا ما يحرمني منك يا سكرة
عاشقة الورد :)
كل عام و أنتِ بكل الخير..
أنا بحب أوي احساس التخلص من الماضي في السنة اللي فاتت ..
تعرفي الساعة 12 السنة دي تنفست الصعداء و فرحت اوي ان 2008 خلصت على ما حدث فيها و ان ما حدث فيها انتهى و لن يتكرر بإذن الله ..
ايوة بفرح ان السنوات المؤلمة بتخلص و ان شاء الله ربنا يبدل الالم راحة و الحزن فرح ..
الحمدلله .. :)
بتفرق طبعا السنة الجديدة ..
كفاية اوي انك تحسي بمعنى البداية .. :)
يامراكبى
ايه ياعم المراكبى ما انت قضيت رأس السنة بعيد عن المشاكل ال فى مصر ودة لوحدة تغيير
هابى نيو يير بالصعيدى
marmar
ربنا معاكى وتفرحينى بأحلى نتيجة ليكى إن شاء الله هأدعيلك طبعاً
مش عاوزين حد يشغلنا عن المذاكرة اليومين دول ماشى ؟هههههه
على فكرة مريم كمان عندى بتمتحن وانا كمان قلقانة ومتوترة وبنات روودى التلاتة بيمتحنوا وعاملة معسكر مذاكرة عندها فى البيت ومانعة فتح الكمبيوتر وعامله إرهاب لأى حد يقرب منة ههههههه
كل سنة وانت طبية وربنا معاكى
قهوة بالفانيليا
شيماء الجميلة العزيزة المتألقة
عجبتنى قوى فكرتك عن التخلص من هموم السنة الماضية وفكرة معنى البداية الجديدة الحقيقة دايماً أفكارك بتكون مختلفة ودة ال بأحبة فيكى
ومش ممكن أنسى انك كنتى أول صديقة للمدونة ولازلتِ غالية ومميزة
تحياتى وكل عام وانتى بألف خير وسعادة
لا هيا اللي هتمتحن مش انا
انا خلصت الفصل ده وطلعت الاول
هبتدي في نص فبراير
ادعيلها وادعيلي
وحشاااااااااااااااااااااااااني موت
يا سكرة ربنا يوفق مريومة الصغنتوتة القمرة
وان شاء الله من الاوائل هيا والتلات قمرات ربنا معاهم كلهم يارب
عامله ايه في التلج احكيلي ههههههههههههههههه اكيد مش بتطلعي من البيت
هنا وصلت درجه الحراره بليل لخمسة
ربنا يستر عشان قربت اتجمد بجد
كنت لسه هبعتلك اقولك كتبت بوست من يومين كده بس انتي سبقتيني وعلقتي
القلوب عند بعضها كالعاااااااااده
الحمدلله
سلميلي على مرمر العسوووووووولة
تحياتي ليكي يا سكرة
خلي بالك من نفسك
لا اله الا الله
marmar
حبيبتى الجميلة الرقيقة مرمر الكبيرة
ألف ألف مليون مبروك على تفوقك
والله فرحت قوى وربنا ينجح صاحبتك العزيزة هية كمان وتكون متفوقة عشان فرحتكم تكمل ،أنا من غير ماتقولى بأدخل عندك كل ما أدخل مدونتى عشان أشوف ايه جديدك،
وبالنسبة للبرد القارص عندنا فأنا للأسف مش قاعدة فى البيت لأنى عندى شغل ولازم أنزل كل يوم ومرة تمطر على دماغى ومرة أتجمد ومرة يجيلى أنفلونزا
يعنى البرد محاصرنى ومافيش منة مفر
أهم شهرين ويعدوا
سلامك وصل لمرمر ولرودى وبناتها كمان
سلام ياقمر
لا اله الا الله
حبيبتي اختي رورو الجمييييييييييييلة
ربنا يخليكي يارب على كلامك الحلو الي بيسعدني ولله العظيم من كل قلبي زي ما بدخل مدونتك الرقيقه وبسعد اوي بجد بدخولها لانك حد عزيز اوي اوي اوي اوي اوي اوي من هنا لحد مليار الف سنة قدام ومش هكفي كمان .
بالنسبه بقى للاغنيه يا سكره بصي ادخلي على موقع www.6arab.com
وعند اي مطرب واي اغنيه عايزاها اعملي عند خانه الاستماع او خانه التحميل copy shortcut
وبعدين روحي عند الديسك توب واعملي كليك يمين واختاري text document
او حتى ممكن word واعملي بيست للكابي اللي خدتيه
كده هتكوني نسختي لينك الاغنيه
بعدين روحي عند البلوج بتاعك من التخطيط وبعدين اختاري أداه اختاري الجافا اتش تي ام ال
واكتبي الكود اللي موجود في الموقع ده "انا حاولت اكتبه هنا بس منفعش"
http://ocianacafe.googlepages.com/song
كلمة "الرابط" دي الي هيا رابط الاغنيه الي حطيناه على الديسك توب...
وبكده هتشتغل الاغنيه بتاعتك الي اختارتيها
ياااارب اكون عرفت اشرح كويس اصلي مبعرفش اشرح ودايما كانوا يقولولي لو اشتغلتي مدرسه هبتقي فاشله هههههههههههههههه عشان مش بعرف اشرح كويس طمنيني عملتي ايه
ولو لا قدر الله معرفتيش قوليلي الخطوة الي معرفتهاش واكتبهالك تاني
وحشاااااااااني يا سكرة
وبجد الف شكر على الكلام الحلو الي مش عارفه ارد عليه غير بأنك سكرة بجد وعسسسسسسل ربنا يحميكي يارب
ويخليلك مرمر وكل اللي بتحبيهم
لا اله الا الله
marmar
ياخبر دة الموضوع كبير والمشوار طويل وعاوز فراغ وتركيز
عموماً إحنا فى مصر عندنا أجازة يوم الأربعاء وهأسهر بكرة براحتى وأضيف الأغنية وأول مأعرف هأقولك على طول ولوماعرفتش هأسألك وأدوشك طبعاً
مش عارفة أشكرك ازاى على تعبك وعلى مجهودك فى كتابة كل الخطوات دى أشكرك من هنا لغااااااااية الإمارات
سلام يا قمرة
تشكري على ايه بس هو انا عملت حاجة يعني يا رورو بصي لو معرفتيش تعمليها قوليلي اي اغنيه عايزاها وانا اعملهالك وابعتلك اللينك بتاعها تاخديه على طول كابي وبيست
ههههههههههههههههههههههه واكيد مش هتزعل مرمر لانها بجد احلى مرمر طبعاااااااااا كفايه ان مامتها هيا احلى رورو في الدنيا
بس اجازة الاربع بمناسبه ايه عاشوراء؟
خلي بالك من نفسك
لا اله الا الله
و الله لقيت إختلاف كبير بين 31 ديسمبر و بين واحد يناير
لقيت 1 يناير 2009 بالظبط زى
1 يناير 2008
كلهم مليانين بدم
حاجه كده سوده بعيد عنك
انا جاوبت عليكي هناك في بيتي بس منزلتش الرد بتاعك شوفي كده قوليلي ظبطت المهمه ولا محتاجه اتنين عساكر هههههههههههههههههههههه
marmar
الأجازة بمناسبة عيد الميلاد الخاص بالأخوة المسيحين وبدأنا نأخدة أجازة من السنة ال فاتت
ربنا يخليكى ليا لو ماعرفتش هأطب عليكى فى المدونة على طول
باى
أعشق فى الليل ضوء القمر
لية كدة بس ؟ الدنيا إسودت عندك فجأة ؟
إن شاء الله ربنا هيجعلها سنة جديدة سعيدة وبلاش نتشائم من أول موقف يحصل ونظلم السنة كدة على طول
تحياتى
marmar
والله أنا مكسوفة منك جداً جداً
لأنى اكتشقت ان كان فية مشكلة عندى فى البرنامج بتخلى الأغانى ماتشتغلش وأنا كنت عاملة الخطوات كلها صح
مش عارفة أشكرك ازاى على صبرك وطولة بالك معايا أنا أكيد ضيعتلك وقتك وعطلتك ربنا يخليكى ليا يا قمر مهما قلت مش هأعرف أشكرك
وعاوزة أعرف رأيك فى الأغنية بصراحة من غير مجاملة ،سلام
الله الله الله عليكي يا احلى عاشقة الورد اغنيه جمييييييييييييييييييييله جدا ولله بجد وعجبتني اوي ولله ودورت عليها لاني فعلا مكنتش سمعاها قبل كده ونزلتها عندي
بس عيييييييييييييييييب بقى الكلام الي بتقوليه ايه ضيعتيلي وقتي دي ومكسوفه :( في أخت تقول لاختها كده بزمتك ده احنا اخوات وحبايب يا رورو
وانا كنت داخله اكمل شرح ولله بس فرحتيني بانك نزلتيها وعرفتي
المهم اخر خطوة بقى
شايفه الكود الي حطتيه كله مش فيه عندك كلمه اوتوستارت وبين قوسين فولس "الي هيا خطأ" ؟؟؟ أمسحي كلمه فولس دي وحطي بدالها ترو "الي هيا صح" عشان كده االاغنيه اول ما تفتحي المدونه هتشتغل على طول لان فولس دي بتخلينا ندوس على بلاي عشان تشتغل اما ترو بتشتغل لوحدها "توماتيكي توماتيكي يعني" هههههههههههههههههههه
الف مبروووووووك على الاغنيه الحلوة يا احلى رورو في الدنيا
marmar
حبيبتى مرمر بجد بحبك قوى إنتى فعلاً نعم الأخت ومش هأقدر أقول أنتى أحلى أخت عشان روودى أختى الكبيرة وممكن تضربنى وله تشربنى سم فئران وله حاجة
هههههههههههههه بس انتى إخت غالية قوى ومكانك كبيييييير فى قلبى
أنا كنت متأكدة ان الأغنية هتعجبك وتلمس قلبك عشان انتى حساسة ورقيقة
وعلى فكرة أنا من زمان بأجرب أحط أغنية عشان عاوزة أحط الأغنية دى بالذات وأنا سميت نفسى فى المدونة على إسمها من كتر حبى ليها وعمرى ما بأزهق منها أبداً وكان نفسى تكون كذا أغنية يشتغلوا ورا بعض (شفتى الطمع ههههه)
لأنى بأعشق محمدمنير وفيروز كمان
بس مش عارفة هل دة ممكن وله لأ ؟
لو عرفتى ازاى ابقى قوليلى يعنى عشان أعملها بالمرة
على فكرة الأغنية بتشتغل عندى من أول ما أفتح المدونة ومش عارفة ما بتشتغلش عندك على طول لية؟ هأدخل أشوف الموضوع دة
سلام يا أحلى مرمر
هههههههههههههههههه بعد الشر عليكي من سم الفيران ان شاء الله اللي يكرهوكي "مظنش حد يتجن في عقله ويعملها اصلا" وانتي احلى اخت يا سكره ولله وكده الحمدلله الاغنيه ظبطت واشتغلت على طول وانا بجد حبيتها اوي الاغنيه ولله وبالنسبة لكذا اغنيه دي ما اظنش بس هسألك حبيبه قلبي ونور عينيا لما تدخل بليل عل نت عشان انتي عارفاها بروفيشنل بسم الله ما شاء الله وهبقى ارد عليكي على طول لما تقلي اذا ينفع ولا لا...
سلام يا احلى سكرة
marmar
هههههههه لأ ماتخافيش عليا روودى ماعندهاش فئران أصلاً وعشان كدة أنا مطمئنة ان دى مش طريقتها فى الإنتقام
ههههههههههه
كويس ان الأغنية إتظبطت والفضل يرجعلك طبعاً وانا مبسوطة قوى انها عجبتك وسلميلى على الخبيرة لما تكلميها بالليل ولوعرفتى منها الطريقة إبقى قوليلى
سلام يا قمر
اللي مش عاجبني انك بتقولي لو الكلام مش عجبك وللللللللللللللله ولللله مقدرش ازعل من اي كلمه بتقوليها خالص لاني عارفه انك اختي الكبيره مش هقولك زي اختي لا انتي بجد اختي وربنا عالم معزتك عندي اد ايه
بالنسبه ليها بقى انا متأكده انها مش هتزعل خالص مهما عملت زي ما متأكده من أني بنت و اسمي ريم
عشان حياتي الجانبيه بتهمها اكتر من حياتنا سوى وده من اول الاسباب اللي خلتني احبها واحترمها واموت عليها واتمسك فيها جدااا جداااااا
ولو انا حسيت لحظة انها هتزهق عمري
ما كنت احبها واخلصلها كدة...
انا عارفه انك خايفه عليا زي اختك بس متخافيش ريم عرفت تختار صح وصح جدا جدا الحمدلله كمان
ومقدرش ازعل من كلامك ولا نصايحك ابداااااااااااااااااااا لانك طيبه وعارفة انك بتحبيني وبتنصحيني وخايفه عليا ربنا ما يحرمني من نصايحك يا ست الكل يا احلى رورو
خلي بالك من نفسك يا سكرة
لا اله الا الله
تعرفى واحد يناير السنة دى كان كئيب أوى مش عارف ليه كل سنة كان بيعدى عادى زى اى يوم او ممكن نبقى بنفكر فى كلمة رأس السنة اللى بنسمعها كل سنة وخلاص بس السنة دى فى ظل اللى احنا فيها الناس حاسة بقهر كدا يمكن انا اللى حاسس ل بس لاحظتها فى ناس تانية والله
عموما يارب سنة سعيدة علينا كلنا وكل واحد يحقق احلامه
على ما اعتقد ان واحد يناير دة
ماأخدتش بالى منو
الا يوميها العصر
هههههههههههههههههه
بيس
اول يوم فى السنه الجديد
اكيد هيتسبغ بسبغة اليوم اللى قبله
يعنى لو قبله كان يوم جميل
هيبقى متفائل ويبقى اول يوم جميل
وطبعا العكس
لو يوم كئيب هيبقى متشائم والو يوم كئيب
عموما كل سنه وانتى طيبه
وعام جديد سعيد
كل سنة وانت طيبة
هية صحيح متأخرة بس على المدونة بس ما تنكريش إنى قلتهالك وش فى وش كدة
أخيراً قدرت أفتح الكمبيوتر إستغليت وجود البنت فى الإمتحان والباقى نيام
كل سنة والعائلة كلها بخير وزى النهاردة يكون معاكى اللى نفسك فية
وتحققى كل أمانيكى
سلام
صحيح نسيت أقولك
يعنى ما فيش أغنية نطت فى وشى ولا سمعت أى حاجة هوة الغلط عند مين؟؟؟؟؟
إنت عارفه أجمل حاجه العام ده إنه من أول يوم فيه قررت بأمر الله ألا أبتعد عن التدوين كما حدث فى فتره السابقه
marmar
حبيبتى لجميلة الرقيقة أنا كنت عارفة انك هتقدرى كلامى وتفهمية صح وتعرفى انى بأقول كدة من خوفى وقلقى عليكى ومدام قلبك قالك انك ماشية صح فأكيد انتى اخترتى صح وأنا كدة مطمئنة عليكى
معلش ردى جة متأخر عشان إمتحانات مريم شغلتنى وماكنتش بلاقى وقت أدخل نت خالص
ربنا يسعدك ويحميكى
لا اله ال الله
manoo
أهلاً وسهلاً بك فى مدونتى المتواضعة
شرفتنى بأول زيارة وأشكرك على تعليقك برغم انة حزين
كل عام وانت بخير واتمنى لك السعادة
دعاء مواجهات
أهلاً بيكى شرفتينى بأول زيارة
وان شاء الله السنة الجاية تأخدى بالك ان السنة بدأت بدرى شوية قبل العصر
تحياتى
gana magdy
فعلاً عندك حق اليوم الحلو بيبان من اليوم ال قبلة وبيبهت علية
ربنا يجعل أيامك كلها سعادة بإذن الله
شرفتينى وأشكرك على تعليقك
وكل عام وانتى بخير
دردشة على الماشى
أهلاً بأختى العزيزة (الكبيرة) فى المقام طبعاً هههههههه
كويس انك قدرتى تهربى من البنات وتدخلى نت أخيراً
أنا كمان هربانه النهاردة بأعجوبة ،
ماأقدرش أنكر انك عيدتى عليا من بدرى فى البيت ودة أهم بكتير من انى أسمعها منك فى المدونة ،
مش فاهمة قصدك اية ان السنة الجاية يكون معايا ال نفسى فية ؟؟؟
يعنى قصدك مبن فيهم ؟؟؟؟
أكيد لما أشوفك هأفهم منك
سلام مؤقت
دردشة على الماشى
غريبة الحكاية دى أنا جربت من عند كذا حد ولقيت الأغنية بتشتغل عادى أول ماتفتحى مدونتى
أكيد الغلط كدة يبقى من عندك لما أجيلك هأشوفلك الموضوع دة
سلام مؤقت
أعشق فى الليل ضوء القمر
إن شاء الله تتحقق كل أمانيك ولاتبتعد عن التدوين أبداً وكل عام وانت بخير
السلام عليكم
اتفضلو زورو مدونتي الجديده المتواضعه
الكوووره مع تيتو
يارب تعجبكوا
تحياتي
********************
القلب المنكسر
**********************
تقبلو مني هذا
********************
دمتو بكل خير و سلامه
*******************
و السلام عليكم و رحمه الله و بركاته
*********************
و اتنمي زيارتك ايل مدونتي المتواضعه
******************
ألف مبروك ياتيتو وأكيد هأدخل أزورك وأشجعك مع انى ماليش فى الكورة
أختي الغاليه
بعتذر ليكي عن تأخيري في زيارة مدونتك الرائعه ،
وبجد شرفتيني ونورتيني بزيارتك لمدونتي المتواضعه ،
وبوست رائع بجد ،
بس عامة أنا بحس بكل يوم بيعدي بإنه بينقص من عمري ،
وبالتالي بحزن جدا على السنه اللي عدت خاصة لو عدت بدون ما اعمل فيها حاجه مفيده لدنيتي واخرتي ،
تحياتي ليكي
نيجار
أهلاً بكِ شرفتينى وانتى تزورينى فى أى وقت مافيش تأخير ولا حاجة كلنا مشغولين والحياة يتأخدنا وكفاية انك فكرتِ تزورينى دة يزيدنى شرف
أشكرك على تعليقك الجميل
انا سعيدة انى اول تعليق عندك .. كل عام وانت بخير ...لكن اين السعادة والاحساس بالعام الجديدة .. عموماً انا مش عايزة اضيقك .....
سنة سعيدة عليك ان شاء الله .
كل سنة وانتي طيبة
بصي صراحة كل مناسبة كويسة ممكن نحتفل بيها
توته
غير معرف
أهلاً بيكى ياتوتة فى مدونتى
فعلاً عندك حق كل مناسبة كويسة ممكن نحتفل بيها لأنها بتدخل السعادة فى حياتنا وعلى قلوبنا
أشكرك على زيارتك الأولى وتعليقك الجميل
تحياتى
إرسال تعليق